في حاجات حلوة في حياتك صح مهما كنت متأكد من كونها مش حدوم او كونها غلط بس حلوة تقدرش توصفها
لو كملت فيها اتزيد تغلط🤚
وحتخسر حاجات 👊
ولو انسحبت حتنكسر حاجة 💔
الحاجة هذي في احتمال تترمم تتصلح بس حيقعد اثرها
زي الزجاج لما يتكسر صدقني تقدر تصلحه ترممه بس اثار التكسير حيقعد عمره كله 😔
قرأت مرة ان الانسان يتعود على كل شيء
ايه كل شيء تستغربش هذا الامخليك وامخليني عايشين 🙁
ماكنتش نعرف معنى هذي الكلمة لين خسرت حاجات وتعودة علي كونها اختفت
بعد جهد جهيد
بعد دموع
صلاة
تقرب لله
كونك تبي الطريق الصح لازم تتحمل كل شيء 💪
وجع يوم ولاوجع سنين الا يقهر انه صح 😢
ونيال الاقدر يديرها وبدي بيها
وماشية ماشية حتى لوبدفان 💔
المهم ماتصلحش الغلط بالغلط وكله عادي
صلحه باستغفار👍
واهم حاجة متلومش حد علي شيء مش بيدك ولابيده ولوكان لوجع في قلبك كبير في قلبه اكبر بس كل حد ايعبر عليه كيف مايبي 👌
تعرفوا احلى حاجة لما تغم عليك تصلي وتمشي ترقد ومعاد تنوض
النوم مهرب لكل شيء ومن كل شيء لعلى وعسى تموت وانت راقد في هذيكا الليلة ✊
وطولت عليكم وقلبتها نكد بس نصيحة ممكن ولاتفضفيض ولاكلام نبي انقوله وخلاص وكل حد يفسرها زي مايبي 🙃
سلام علي كل روح قرأت ماكتبت ☺️
وتصبحوا علي خير كلكم ❤️
