#زوجتي_الصغيرونهه👰❤
………( الحلقه 4 )………
•
•
#الكاتبه_lome💕
•
•
وف الصبح وعا نوح لقاها ساعه 12ظهر صبا ادوش وصله الصبح وظهر بحت ف باب الدار مزال مسكر وهدوئ جا يبي يطق ع باب بس قال يمشي ينزل للأمه
نزل تحت للأمه قعد مكسد معاها ومع ولده سراج
لعند نين اذن العصر مشا للحوشه بحت حوش هدوئ شاف الدار لقاها مسكره خاف تبقا البنت هاربه من حوش فتح باب دار حقها متظبطه مخده وشعرها الطوويل ملفوف ع وجها ولابسه توته قاعده شاحطه ع جسمها وف سابع حلامه مهبولتنا 😂🤣❤ هو رقيتله لانه هو ميحبش الوليه البايره يالي متعت نووم ومعش تصبي ميحبهاش جا يبي يوعيها معرفش ارتبك مشا جاب كباية مية وكبها ع وجها
روان صبت مفجوعه: مش نااا معاذ
نوح رافع حاجب ومنزل حاجب وعاض ع شارب يالي تحت كان مفنص فيها ورقيتله منها : ومن معاذ هذاا
روان برمت وجها ع جه ثانيه وغمضت عيونها تبي ترقد 🤣 (رقدت الحق🤣💔) : خوي
نوح بعصبيه: قلت صببببي ناااا
روان صبت فوق مرقد من صوته عالي ( خوووف حمممر ي عيوني 😂💔) : نعمم
نوح معصب وبصوت هادي: توا عارفه ساعه كم؟
روان رفعت حواجبها وبطفوليه: ولهي تلفون مش معاي ولا معاي ساعه ولا ف دار ساعه بيش نشوف والوقت اكيد ساعه 10 او 11ونص حاجه هكي ( وييين ي هبلا فيش تمطخي ساعه 10او11ونص حي عصر توا 🤣😂💔)
نوح معصب ومفنص فيها عيونه بركان غضب نين روان خافت منه 😶😂💔
روان بهدوئ وطفوليه: ساعه كم!
نوح بعصبيه وبصوت واطي وعصبي: تمسعي ف وقت صلاة
روان بطفوليه: اهاا معناتها ظهر 😁😄 (وقعدة تمدح ف روحها😂💔) حي شااطره
نوح بعصبيه: توا عصر ي غبيه هياا وجك والحمام
روا بخوف: حاضر حاضر😰
وجت تبي تمشي للحمام يمسك يدها نوح ويقرب وجه من وجها وهو معصب بكل ويحكي صوت واطي ومعصب : نسيتي شروطي ولا كيف😡؟ ! وعارفه ي روان هذي اول مره واخر مره ترقد لعند وقت هذا لاني منحبش البنت يالي ترقد لعند تواا عارفه نقسم بالله اديري هكي مره اخرا تشوفي حاجه ماتعجبك بكل 😡
روان خافت ومنزله عيونها خايفه منه متقدرش تحط عينها ف عينه من الخووف : حاضر حاضر😰
وخشت للحمام ادوشت وطلعت لبست سروال جينز ع سوريه حمره مخططه وقببت شعرها وفتحت شنطتها عندها خلخال مسميته روان خلخال الحظ دايرته يجيب الحظ وهو هابا مايجيب إلا ف المصايب 😂😂💔
حطاته ف رجلها يمين ولبست خاتم وساعه وبخت عطر وطلعت تشم رائحة دخان وعطره فايح ف حووش
روان بدلع: ناعلي ي روان امسكي روحك ههههه
وتسمع صوت عيل صغير ينادي: ي ماااماا
روان: عيل صغير هذا وين بلكي ولده
طلعت وتخلخل بخلخالها 😂🤣 شافت حقت عيل ف مدخل الحوش
روان بطفوليه: هاي حبيبي😍
سراج يبحت فيها زيين وخايف منها مستغربها: …
روان مدت ايدها: تعال حبيبي نعطيك حاجه
سراج طنش شاربه صغير: لااء
ونوح يبحت فيها من بعيد وعارف ان سراج سعا يرفضها لان يستغرب :…
روان طنشت شاربها حتى هي كيفه وبدلع: انت شن اسمك
سراج؛ ثيراث ( يعني سراج 😂 يتكلم بحرف ثاء)
روان تبوس فيه: نجككلي كيووت وحق ربي
سراج يبحت فيها وساكت
ونوح يراجي ف سراج بيش يعيط مستغربها بس مصار شي لان روان عويل صغار فيسع ما تكسبهم قعد معاها سراج وهي شالاته
روان بحتت ف سراج وبدلع وطفوليه : احح ي بطني انا جيعانه ي سراج وانت
سراج هز براسه بمعنى حتى انا
ونوح عيونه عليها: …
خشت للكوجينه وخلخال يدير ف صوت كل ماتمشي كان ملفت للأنتباه حتى نوح قعد يبحت فيها من خلخال
روان حطت سراج ع طوله: ايش انديرو خلينا انديرو خفيف شن رايك ي سمح ❤
سراج يضحك وبهز براسه بمعنى اهاا
درات سلاطه ودحي وشاهي حاجات خفيفه تعرف اديرهن هياا ودارت صفره صغيره وقعمزة تاكل هي وسراج
وهي تاكل
روان بطفوليه: ثيراث هبيبي ( سراج حبيبي😂)
سراج بحت فيها وبطفوليه حتى هوو: ها
روان طفوليه: نا من؟
سراج: امي تثول ماما وان😂 ( امي يالي هو يقصد جديته ام نوح تقوله ماما روان وهو ميعرفش ينطق الراء 😂💔 وان )
روان بطفوليه: ايوااه نا ماما وان هههههه
سراج بطفوليه : بهي
روان تبوس فيه: وبابا شن اسمه
سراج بطفوليه: بابا لوح
روان طربقتها ضحكك: هههه بابا لوح حديد ولا خشب ههههههه
روان بعدها تذكرت : ياااي نسيت راجل ماعزمتش عليه
صبت مصت صوابعها ونشفت يدها بلمنشف ( اعع 😂😂 مقزيزه بنت هذي)
روان بطفوليه: عيوني كول توا نجي نكلم بابا بهي
سراج ياكل بأيديه ويلعب: بهي
طلعت تخلخل خل تخلل خل تخلل 😂💔
نوح سمع صوت خلخالها جاي قعد رافع حاجب ومنزل حاجب: …
روان صبت احذاه وقعد تقول ف عقلها ( توا ايش نقوله ي حبيبي او زوجي او نوحي حبيبي ي بابا😂 او ي جدي 😂 ايش نقوله ي تراا 😑 ) وقعد موقفه جنبه وتفكر وتحكي مع روحها بصوت واطي: لا عيب كيف هكي معقوله لا لا
نوح رفع حواجبه وبحت فيها: فيش تقولي
روان ذابت من صووته سمح: ااه ❤
نوح بحت فيها زيين: كنك انشاءلله
روان فطنت للروحها: اي صح تبي نجبلك فطور قصدي حاجه تاكلها
نوح: وانتي تيش درتي؟
روان بطفوليه وابتسامه: دحي جبنه سلاطه شاهي حمره اجواء عصور
نوح؛ جيبيلي شاهي
روان مبتسمه: حااضر
نوح: ولا راجي ديرلي قهوى وتبقا وسط تم
روان بطفوليه : تممم
خشت للكوجينه تحق سراج ملبز الدنيا 😶😑
روان: ليش ي سراج هكي
سراج بطفوليه: بحهتي اعب ناا ( بحتي العب نا😂)
روان خبطت يدها ع جبهتها: اخخ بهي كمل لعبك نين اندير قهوى للبوك العصبي هذاك السيد مغرور ههههه سعا انديرله لقب ههههه 😂
تمشي ادير قهوى وحلتها اشوي ومشيت عطتها له وهو شربها عجباته قهوى لان كانت حتى حياة ساره ادير فيها نفس قهوة روان
روان عطاته ونبي تمشي تغسل للسراج
نوح وقفها :وين
روان ترمش بعيونها: للسراج ولا قهوى ماعجباتكش
نوح: اهاا لا قهوى سمحه تسلمي
روان ابتسمت عشن حب القهوى: نجك لييي ( وفطنت للروحها ومشيت تجري للسراج تخلخل بخلخالها 😂)
نوح بحت فيها: اخخ مشكله متزرط ف وحده صغيرونهه اخخخ ياربي لطفك عليااا
عدت روان شالت سراج دوشتله ولابساته وهو شبعان ولما غسلتله طاح رقد
روان: وين نحطه ف داري معاي ولا وين …
#يتبع😂⁉❤
ايش صار مع مهبولتنا روان شن رايكم عجبتكم القصه 😂❤
