အခန်း ၂၁၆
"အုတ်ခဲကိုပဲ ယူမယ်"
ရီယွမ်က ယခုအခါတွင် ထင်ပေါ်ကျော်ကြားသူ တစ်ယောက် ဖြစ်နေချေပြီ ။ အကယ်၍ တစ်စုံတစ်ယောက်ကသာ ယန်ကုနှင့် ချူရှောက်ယန်တို့က အဓိက ဇာတ်ကောင်များဟု ပြောပါက ရီယွမ်က အကောင်းဆုံး ဇာတ်ပို့အနေအထားတွင် ရှိသည်။
ရီယွမ်နှင့် ဟောင်ဒုန်အဖွဲ့အစည်းကြား ပြိုင်ပွဲ့တော့ ပရိတ်သတ်များ၏ အာရုံစိုက်ခြင်းကို ခံရပေသည်။ လူအချို့ကတော့ ရီယွမ်ဘယ်အဆင့်အထိ ရောက်နိုင်မလဲဆိုတာ သိလိုကြသော်လည်း လူအချို့က ရီယွမ်က ပထမပွဲမှာတိုင် ဖန်ဟိုင်လက်ချက်ဖြင့် ရှုံးနိမ့်သွားမည်ဟု ထင်ကြေးပေးနေကြသည်။
မြို့တော်သခင်လေးပါးဆိုသည်မှာ ခပ်ညံ့ညံ့ လူများ မဟုတ်ကြချေ။ ဖန်ဟိုင်၏ အမှတ်စဉ်က ၁၀၇၅၀ ဖြစ်သော်လည်း သူ့အရှေ့တွင် နှစ်ဟောင်းသင်တန်းသားများ အတော်များများရှိကြသည်။ ဖန်ဟိုင်၏ နဂိုအဆင့်က လူသစ်များထဲတွင် အမှတ်စဉ် ၃၀၀ ခန့်တော့ရှိပေလိမ့်မည်။
ထိုအဆင့်က အတော်လေး ထူးချွန်သည်ဟု ပြောလို့ရသည်။ လူအုပ်ကြီးထဲတွင်တော့ အစိမ်းရောင်ဝတ်စုံ ဝတ်ဆင်ထားသည့် မိန်းကလေးတစ်ယောက်ရှိသည်။ သူမက ရီယွမ်ကို စိုက်ကြည့်လိုက်ပြီးနောက် “အင်း … အဲဒါက ရီယွမ်လား” ဟု တီးတိုးရေရွတ်လိုက်မိသည်။
ထိုအစိမ်းရောင်ဝတ်စုံနှင့် ကလေးမက အသက်ငယ်ရွယ်ပြီး ချစ်စရာကောင်းသည့် ဟန်ရှိသည်။ သူမက ကာကွယ်ရေးဝန်ကြီးချုပ်အိမ်တော်မှ ချူရှောက်ယန်ပင် ဖြစ်၏။ သူမ၏ နံဘေးတွင်တော့ အရပ်ခြောက်ပေနီးပါးခန့်ရှိသော လူငယ်တစ်ယောက်ရှိသည်။ ထိုလူငယ်၏ မျက်ခုံးမွေးများ ဆံပင်များ အကုန်နီးပါးကို ရိတ်ထားပြီး သူ့ခေါင်းအလယ်တည့်တည့်တွင် တစ်လက်မစာ ဆံပင်တစ်စုသာ ကျန်ရှိသည်။ ထိုတစ်လက်မစာ ဆံပင်လေးက အလွန်ရှည်လျားသည့်အပြင် သူ့ကျောကုန်းနောက်သို့တိုင်အောင် ကျဆင်းနေလေ၏။
ထိုလူငယ်က လက်နှစ်ဖက်ကို အရှေ့တွင် ပိုက်ထားပြီး ခြေနှစ်ချောင်းကို ခပ်ကြဲကြဲလေးခွဲကာ ရပ်နေလေ၏။ ထိုလူငယ်လေးက အသက် ၁၈ ၊ ၁၉ ခန့်ရှိသည်ဟု ထင်ရသော်လည်း အမှန်တကယ်က သူ၏ အသက်မှာ ၁၃ နှစ်ကျော်ခန့်ပင် ရှိသေးသည်။ ထိုလူငယ်ကတော့ ယန်ကုပင် ဖြစ်၏။