لحضه بدايه

البارت الاول

سلام عليكم حبيباتي مثل موعدتكم بقصه جديده بعنوان #لحضه_بدايه ❤ القصه ممطروقه مسبقا بيه نوع من المغامره. اتمنه الكم الاستمتاع بلقصه بقلمي الكاتبه #سرى_احمد ❤  ⬇⬇⬇⬇⬇
البارت الاول: _
سامر: _  اني منو وليش حبدي اني القصه هههه حعرفكم عني اني سامر عمري 30 سنه متزوج زوجتي اسمه منا عندي ولد عمره سنه اسمه جود اموت عليهم سعاتي مربوطه بهذوله الاشخاص اني كابتن طياره ( طيار)  اعشق مهنتي الي ساعدني عليه هي ابويه كلش قريب مني شجعني ع مهنتي لان يريد شي اني احبه حته ابدع بي سعاتي مدامت اجه يوم توقفت بي جنت ماخذ منا وجود ورايحين بسفره واثناء الرجعه صار ويانه حادث كدرت انجو بعجوبه عظام القفص الصدري كله تكسرت اعظام القدم كله تكسرت نتيجت الحادث 23 عظمه مكسوره بيه بس للاسف فقدت زوجتي وابني مكدروا ينجون عشت بحاله سيئه  وبقت ويايه حاول والدي يتخلص منه بس مكدرت جان يكلي حاول تعيش من جديد الحياه فرص بس مجنت اكدر كل خميس اروح ع كبرهم وارجع وبلا عجز اروح ولحد ما وصلت ليوم من الايام رحت للمطار جانت عندي رحله لدبي صعدت لغرفت القياده وصعد طاقم الملاحه وصعدوا الركاب عدد ركاب 100 طرت بيهم وطيار الاحتياط الي ويايه طلب الاكل فجتي المضيفه قدمت الاكل مادري ع شنو انداريت ضربته ووكع الاكل اعتذرت منه ومن داشيل الحافضه وياها صارت عيني بعينه كلش جذبتني بس انداريت وكلت لا سامر انت غلطان انت طالع من مشكله حيل قويه ركز برحلتك احسن
ساره: _  اني بنيه عمري 24 سنه اني من اهالي بغداد جان حلم عمري اكون مضيفه بطياره اني طويله بيضه عيوني خضر امي جانت تعيق مسيرتي دائما بس والدي لا جان يشجعني فجانت اول رحله اني اكون بيه مضيفه هيه لدبي اثناء موصل طاقم الملاحه تعرفت. ع بنيه مضيفه ويايه اسمه ريام كلش حبابه توالمت وياها طلب واحد من طيارين اكل فوديته والطيار الي ديقود الطياره اندار فجاه فوكعت
الحافضه  من داشيله صارت عيني بعينه مهتميت لهل موضوع بس حسيت كلبي نبض ليش مادري رجعت ولا كانما صار شي وصلنا للمطار نزلت الركاب جهزوا الطياره رجعنا للعراق
سامر: _   كلش كتائبت  من الحاله الي صارت ليش كلبي هيج دك ليش ومنا وين كلش ضجت هاي اول رحله اقوده بعد وفاة زوجتي وابني نزلت رحت ع مكتب تنضيم الملاحين حجيت ويه الرئيس مال المكتب نضمت جدول سفرلتي وهيه مو ويايه عرفت اسمه ساره بس في سبيل هي متكون قريبه ماريد هذا الموضوع يصير
وبعد مرور شهر جانت عندي رحله لمصر وعدد ركاب 200 وماكو طيار احتياط وكفت كدام الطياره وكلت حكدر اسويه   ( متعرفون مدى خطوره قياده الطياره بدون طيار احتياط وهذا شي كلش يخوف بس تعرفون عراقنا العظيم وكلشي ممكن يصير )  وصعدت وصعد الطاقم وصعدت الركاب واقلعت الطياره وبعد مرور ساعه من الاقلاع بدة اوضاع طياره متطمن 💔 .....
لليتسأل ليش القصه اسمه لحضه بدايه
حتعرف اثناء القصه انتضروا البارت الجديد ويه سامر ورحلت لمصر