عايزه التزم .. ابدأ ازاى ؟
ازاى تكونى بنوته ملتزمة ؟
معلش هو البوست طويل شويه بس مفيد جدا
ودا ينطبق على الشباب برده
يعني الشباب برده معانا ☺
عايزة تقربى من ربنا بس مش عارفه تبداى منين ؟
نفسك ربنا يرضى عنك ؟
اقولك .. 😉
احنا هنعمل خطة و هنبقى منظمين
عشان الواحد لما بيمشى بالبركة كده بعد شويه بيقف
بس الأول عاوزين نحفظ الأحاديث دى عن ظهر قلب عشان هتفيدنا كتير بعد كدا ☺
( احب الأعمال إلى الله أدومها و إن قل )
( لا تحقرن من المعروف شيئا )
يقول الله تعالى في الحديث القدسي :
( أنا عند ظن عبدي بي ، وأنا معه إذا ذكرني ، فإن ذكرني فى نفسه ذكرته في نفسى ، وإن ذكرنى فى ملأ ذكرته في ملأ خير منهم ، وإن تقرب الى شبرا تقربت إليه ذراعا ، وإن تقرب الى ذراعا تقربت إليه باعا ، وإن اتانى يمشى أتيته هرولة )
ثانياً .. 😉
نعمل وقفة كده مع نفسنا ونتوب من ذنوبنا 😢
حتى لو رجعتي للذنب تاني غصب عنك 😟
مش مهم ارجعى وتوبى ده ربك توااااب .. ❤
ندخل بقى على خطواتنا
كل انسان له طريقة يقرب بيها من ربنا
مثلا انا بحب الصيام جدا والصيام عندى أسهل من انى اصلى ركعتين سنه
غيرى بترتاح فى قراءة القرآن جدا بس مش بتقدر تصوم
غيرى بتتصدق كتير .. وهكذا 😉
فجربى و نوعى فى العبادات لحد ما تلاقى نفسك فى عبادة معينة .. وبعد كده داومي عليها 🌸
دلوقتى الحاجات اللى هقولها دى اساسيات يومية تداومى عليها 😉
وهنشرح كل نقطة بشوية تفصيل
اول حاجة الصلاة 🌸
و دي هتنقسم لحاجتين✌
التركيز في الصلاة المفروضة + الصلاة بعد الاذان على طول
مين مننا مش بيجيله الشيطان وهو بيصلى ويخليه يسرح ف الطبيخ والدراسه واللى بيحصل فى البيت وحاجات كتير تانيه
الهدف : مجاهدة النفس و محاولة طرد الافكار دى و التركيز فى اللى بنقوله
لازم نبقى عارفين ان محدش بيوصل للخشوع فى الصلاة كده من اول مرة
النهاردة هركز فى الفاتحة .. بكره هركز فى الركعة الاولى , بعده هركز فى ركعة و نص و هكذا لحد ما اوصل
طيب ممكن نعمل ايه عشان نركز في الصلاة ؟
نعمل لنفسنا ركن في الاوضة و نفرش فيه سجادة صلاة .. هو ده هيبقى المسجد بتاعك 🌸
نتوضأ بالراحة و نتقن الوضوء 😉
ننوع في السور اللي بنقراها
لو بتصلي بسرعة بطأي شويه .. فكرى ف كل كلمه بتقوليها
تخيلى نفسك قدام ملك عظيم ، بتشكريه وتحمديه وتسبحى له
واحتسبى عند ربنا المجهود اللى بتعمليه عشان تركزى ف الصلاه 🌸
طيب نصلي بعد الاذان ليه ؟
عشان أحب العمل الى الله الصلاة على وقتها و لو ما صليناش ورا الأذان على طول هنكسل و نفضل قاعدين للصلاة اللى بعدها و هنضطر نكروت الصلاة و نصليها بسرعة
ومننساش أذكار بعد الصلاة لأنها بتجبر تقصيرك فى الصلاة نفسها 😉
2 - السنن اللى هى ايه
الضحى : دي سنة ، وقتها من بعد الشروق بربع ساعة الى قبل اذان الظهر بربع ساعة و عدد ركعاتها من اثنين الى ثمانية
صدقة عن كل مفصل من مفاصلك
السنن الرواتب : ركعتان قبل الفجر - 4 ركعات قبل الظهر - ركعتان بعد الظهر - ركعتان بعد المغرب - ركعتان بعد العشاء
ومتكسليش دا هيتبنيلك بيت في الجنة ❤
قيام الليل او التهجد : هي الصلاة من بعد العشاء لقبل الفجر و عدد ركعاتها مفتوح و اقل حاجة ركعتين
بتتصلى ازاى
ركعتين و تسلمى و بعدين ركعتين و تسلمي و هكذا
وبعديها صلاة الوتر ركعة او 3 او 5 او 7
التجهد : هو قيام الليل بس الفرق ان التهجد بيكون بعد النوم يعنى بعد العشاء لو نمتى و صحيتى صليتى يبقى دا تهجد ومتنسيش تدعى فى القيام
3 - ندخل بقى على الصوم :
عندك الاتنين والخميس 🌸
والايام ال 13 و 14 و 15 من كل شهر هجرى
فى الأول طبعا هتتعبى و تعطشى
واول ما تفطرى هتاكلى كتير بس بعد فترة هتلاقى نفسك بقيتى تستحملى و خلاص ملكيش نفس تاكلى حتى بعد المغرب وده حلو علشان الدايت 😂
فرصة احنا ف الشتا والصيام سهل
ومتنسيش ، للصائم دعوة لا ترد 🌸
4 - ورد القرآن يا غالية ولو صفحة بس كل يوم قراءه
مش عايزين نبقى هاجرين للقرآن
5 - أذكار الصباح والمساء :
حصنك ، إوعى تكونى بره الحصن
6 - بر الوالدين
لو احياء :
نكلمهم كويس مهما عملوا ، نساعدهم ، نبوس ايديهم نفرحهم ، تسلم ايديكي يا ماما ، ربنا يخليك لينا يا بابا
و مهما عملوا نعاملهم بما يرضي الله ❤
بلاش عقوق لأنه من الكبائر
لو اموات :
نستغفرلهم و ندعيلهم بالرحمة ❤
7 - صلة الرحم
بالتليفون بالانترنت بالزيارات بالخروجات ❤
متكسليش كملى قراية 😉
8 - آخر حاجه يا حلوين و هى المعاملات
و دي ناس كتير بتنساها و بتختصر الدين فى الصلاة و الصوم بس للأسف
9 - ساعدى الناس :
تعين الرجل فى دابته فتحمله عليها أو ترفع له عليها متاعه صدقة وإرشادك الرجل فى أرض الضلال لك صدقه وبصرك للرجل الردئ البصر لك صدقه وافراغك من دلوك فى دلو اخ لك صدقه
سجليهم عندك وابدأى بالتوبة 💜
