احمد... نخطمو ناخدو كريب
امينة... منبو شيء غر هي برا بسرعة
احمد.... 😳😳😳😳 لالا يوم القيامة غضوا انتي اا قصدك انتي امينة متبيش
امينة... ايه عادي 😌
احمد.... وانتي الو
الاء... نبي انا 😌
امينة ...😳😡😡😡😡 خرا
احمد... نزل بيجبلوهم
______
الاء... عارفاتك على خاطر محمد راه
امينة ... باه شنو الغريب يعني ووووه امس شفته ع الفيس مطلع لحية منضره مقزز 🤢🤮
الاء... مصح وجهك احلى حاجة ف الراجل لحيته
امينة... تي لحية دوب منابته هما شعرتين بس منضرها يدره الكبد
الاء... يع متقزنينيش خلي ناكل بعدين ادوي
واوس وإيلين يلعبو بروحهم
امينة ... قتله اقعد ناشبها ديما حلقها باش تجي باهية قالي شني امالا اديري هكي للحيتك 😭😭
الاء😂😂😂😂😂😂😂😂 هههههه احسن مقالك
_______
احمد ... وهدا الكريب والقهوة محد يمسها خدي فلوس من السيارة ومشي بيخلص الراجل
الاء... تقدم ف يدها وتوخر تقدم وتوخر ف الاخير خدتها شربت نصها
امينة ...😈😈😈 ياغبارتك انشاءالله يقتلك وتانيا الناس تتكيف باها مش تقرطعها هكي
الاء... حي عليا شن درت
احمد... تي خيركم كولو
الاء... غر هزبني قبل 😰
احمد🤨🤨🤨🤨 شن تخرطي وشاف للمكياطة 😡😡😡 انا شن قلت
الاء... تعررف راسي مصدع ومش واكلة....
احمد... سكري فمك توا لظا مروح توا ناخد اشرباها هادي
الاء... شكرا وخييي 😋
احمد...😑😑😑😑
_______
رؤوف... واااااك يمي تتكلمي ف 34كلمة في التانية تي شن هدا الزح خلاص
امه.... بندوي مدخلكش ويا تافه معش تكلم امك هكي
رؤوف... وقف السيارة وشد راسه بيديه ويخض فيه 😂 يما راسي راسي بيطربق تعرفي كان حد تاني والله لما يلوحك باهي 😒
امه... ايه ايه لوحنيي وشن الجديد يعني 😡
رؤوف... علاش ف حد ملوحك قبل 😂 هي انزلي
_______
احمد.... متعطلوش
الاء... بنباتو
احمد ... وكان بيروح الخرا 😡
الاء... لالا مهوش مروح مبكري نسمع فيه قال بنقعد للاربعاء بنباتو اليوم بس وغضوا تعلانا
احمد... تم انتلفي هي
الاء.... باااااااي 😊
______
الاء... كيف نزلت جو عيونهم ف بعض
رؤوف... شن دير المريضة هادي اهنايا
الاء.... حي علما كل يوم يولي احلى من يوم حقا شن يدير هنايا نزلت مشت اطق طق
_______
رحاب... بنتي وتبوس وتعاود ووراهم ام رؤوف
رحاب... اهلين اهلين بالغالية وينك معاش ريناك تجي من ماناسبة لمناسبة
ام رؤوف... (زينب )والله عارفة روحي مقصرة سامحوني وخشو يسلمو ع الموجود
زينب... هادي بنتك يارحاب
رحاب... ايه انشاءالله
زينب... صلي ع النبي حويتة علاها
رحاب... هههههه سلمك
(ملاحضة رحاب ف العدة راه )
زينب... كم عمرها
رحاب ... 23
زينب ... والله منلقا خير منها لولدي
رحاااب... 😳😳😳😳والله منعرف مش كلامي هدا
زينب ... خلاص انشاءالله نمشو نخطباها بعد يومين
رحاب... انشاءالله على بركة الله
_________
الاء.... تكنس وواقف علاها ولد خالتها يهدرز عمر
عمر....بنخطبها مصحك معاش نلقا خير منها
الاء.... اكيدة امالاها غاضبين علاها باش ربي بلاها بيك
عمر... ايه ايه توا ياعسل تشوفي فيا هكي تي غر نتزوجها بس لما نعيشها ملكة
الاء... ايه خواتك قريب تقتلهم يمعفن توا تشوف غر تجي بس 😈😈😈
عمر... مد يده ل ألاء سلم علاها نعرفك ؟؟تعرفيني ؟؟؟ نقربلك ؟؟؟؟ تقربيلي ؟؟؟عندي معاك دوا؟؟؟ كله لا وله ؟؟ باييييي 😂
الاء... نفلقت من الضحك تعالى نتسهوك تي تعالى خليتني بروحي تقول متبريين مني
وهدا كله عيون رؤوف تشبحلهم
________
زينب ... بسلامة يابنتي
الاء.. سلمك 😊😊😊
زينب ... وافقي باهي لانه مستحيل نلقا زيك
الاء... عفواا🤨
زينب... توا تعرفي 😉😉😉
الاء... هزت كتافها بعدم فهم وخلاص
________
رؤوف... خيرك زدتي ساعتين كملتي سلامك
امه... فكني من دوتك شفتها البنت الي تكنس
رؤوف... ايه 😒😒😒
امه.. بعد غضوا بنمشي نخطبها 😌😌😌
رؤوف... يسوق ومش مدورها ... لبوي امالا
امه... ليك انت 😡
رؤوف... به بري لاكن والله لما نقتلها هي لسانها اطول من خشم ريان
امه...اقتلها ع المهم تتزوجها 😁
رؤوف... به باهي 😡😡
________
تسريع الاحداث
جو طلبو الاء من بوها ووافق طول وحددو العرس بعد اسبوعين هي من الاول متبيش بعدين قالت نخدم واحد خير من الهبك إلي تاكل فيه يوميا ولما عرفاته رؤوف تأكدت انه ميبيهاش لانه معمره شبحلها بإعجاب والشيء هدا فرحانة بيه لنم 😂😂😂
_______
اكرم... ايه انا بالك تبي هدية من حد تاني
ريم... ههههههههه مش قصدي هكي بس مفيهاش ورقة
اكرم.... شنو عجباتك 😍
ريم... لنم
اكرم.... شن قتلك علاها الكلمة هادي 😡😡😡
ريم.... سامحني 🥺
اكرم... عالمهم بري بيساها
ريم... اكرم قبل منسكر نبي نتأسف ع العركات إلي صارو هما جو مع بعضهم
اكرم... باه سكري فمك وبري قيساها
(كان جايبلها لبسة بسيطة سورية وسروال ومعاها ساعة بحديدتها )
________
ريم... مفهمتش مفهمتش الي نفهم انك بتتزوجي قبلي
الاء... بنفاد صبر .. ايه 😡
ريم... تي كيف هادي كيف ومن قالك وافقي
الاء... الشلال الي معاي
ريم... به هدرزتي معاه
الاء... ايه من قبل الخطوبة 😂😂😂
ريم... الاء انتي كويسة
الاء... ايه وهلبا زيادة خلاص ريم بنرقد انا
ريم.... بالله متخوفينيش عليك
الاء .. متخافيش اول منوض انكلمك
________
قعدت راقدة ع سريرها تفكر علاش مش زي البنات ناخد واحد يحبني ونحبه علاش معنديش عيلة زي الناس علاش بوي قاسي معانا مش زي الناس علاش انا هكي علاش ياربي علاش هادي الحياة إلي كنت نضرب ف بطن امي على خاطرها😭😭😭😭 قعدت ع الحال هدا لين خداها النوم
________
بوه.... انا متأكد هدا ف صالحك
رؤوف... يلبس ف التوب عارفه حتى انا توا تكلمت انا مقلت شيء
بوه... رد بالك ع البنت مدنبها شيء هي
رؤوف... هاهاها مدنبها شيء صار علاش توافق كان مدنبها شيء علاش قول ها 😡😡
بوه... وانت وين ماشي
رؤوف... ماشي بنسكر عندك مانع 😏😏😏
بوه.... به به عندي هلبا حاجات غير الزواج راه توا بنخليك ادير متبي لاكن ورحمة بوي يا رؤوف لما الحاجة نبيها تصير لما تصير باهي قاعد نعطي فيك ف فرص راه وانت شوف روحك 😡😡😡😡
_______
رؤوف.... مقعمز ف السيارة يسخن فاها وعارف ان بوه يدوي جديات لان بوه نوعيته هدوء ما قبل العاصفة🤷🏻♀️
________
اكرم .... يتكلم شاف سيارة تجري وفي بنية تقص في الشارع وإلي يجري كان سكران طلع يجري بسيارة ودرس السيارة على جنب باش تنخبط فيه هو🥺
________
الاء.... تعرفي كله شروهولي خالاتي وخوالي مدفعش حتى قرش التافه هو
ريم... عادي فوتيه ع المهم انتي
الاء... متأكدة حتى هو مغصوب عليا لانه واضح عليه عنده وحدة عاميتله عيونه شكله
ريم... تي اقعدي عنده فترة لين يطلع ورث امك ولما تشري حوش اطلقي
الاء... حتى انا كنت نقول هكي
ريم ...ايه هدا احسن حل الحق
شوية وجاها اتصال من اكرم عيونها ولو قلوب قلوب نرد على الحب ونجيك
الاء...انتلفي
________
يتبععععع 😍😍😍💥💥💥😍😍
