اغتصبو انوتثي

اغتصبوا انوتثي

المقدمة

أول شي نعرفكم ع نفسي اسمي مروه عمري 22 سنه أمي متوفية 
و أنا عمري 8 سنوات وكان باتي متجوز وحدة قبل أمي والي هي انا عايشه معاها في نفس الحوش معنديش خوت من امي وعندي 3 خوت من باتي شاب و بنتين عشت عمري كله زي الخدامه في الحوش طبعا باتي معنداش كلمة في الحوش و مرت بويا هب الى متحكمة في كل شي وباتي كان يخاف منها ويسمع في كلامها ديما اخواتي الاثنين وحدة اسمها ريم عمرها 25 و وحدة اسمها دلال و عمرها 19 ومرت بويا اسمها سمية طبعا خواتي هادم ميحبونيش بكل مع اني نعامل فيهم كويس و خويا الي من باتي اسمه احمد عمره 21 بس مدلعينه اكثر واحد بس كان يعامل فيا كويس طبعا ( ملاحظين مكثرة من كلمة طبعا 🙃) من وانا صغيرة انا الي نضف و نكنس و نغسل مواعين و ريم ودلال ماعمرهم داروا شي حتى الماكله انا الي ديما نطيب وتقدمولي اكثر من واحد بس مرت بوي كانت ترفض فيهم من غير سبب وكان حلم حياتي اني نطلع من الحوش هذا ومن الظلم الي عايشه فيه وكانوا فيه ناس جيرانا وكان حالتهم المادية كويسه بكل و كان عندهم ولد وحيد اسمه خالد كانوا مدلعينه لدرجة كل يوم بسيارة شكل و كانوا خواتي الاثنين معجبين بيه وخاطرهم يتعرفوا عليه لاكن هو مش معدل عليهم بكل وكنت ديما انا يلي ننزل نشري كل شي للحوش وكنت كل ماننزل نشوف فيه يبحث فيا وكانت تبحيته مش تبحيتت واحد معجب لا تبحيتت واحد مشفق انا مكنتش مهتمه واجد لعند في يوم من الايام كنت نازلة للكوشة في الصبح لقيته يسخن في سيارته 🚗 كانه يراجي في حد او على موعد مع حد اول ما مشيت قعد يلحق فيا بسيارته وانا خفت بكل لدرجة جسمي كله قعد يرعش وكانت الكوشه بعيده على حوشنا شوية وقعد يقرب مني بالسيارة وفتح قزاز السيارة وقالي مروه نقدر نحكي معاك دقيقتين وانا من كثر الخوف ما رديتش عليه واستغربت كيف عرف اسمي وقعدت نمشي بسرعه وهو يلحق فيا وقالي متخافيش انا نبي نقولك كلمتين بس ونمشي في حالي 
قلتله وانا نرعش كنك شن تبي مني 
قالي عطيني رقمك ونقولك على كل شي منقدرش نحكي هنا في الشارع 
قتله انا اصلا معنديش تلفون وانت شن تبي مني 
طلع ورقة من السياره وعطاهالي و قالي حاولي تكلميني من اي تلفون ضروري 
انا ترددت في البدايه بس بعدين استجمعت قوتي و خديته و قتله انشالله ومشيت 
قرب مني مرة تانية وقالي ردي بالك على روحك مرديتش عليه ومشيت خديت الخبزة و روحت للحوش وجسمي كله يرعش مع بعضه شافتني مرت بوي قعدت تهزب فيا على سبه تأخرت على الفطور خشيت المطبخ بندير الفطور لاكن شاردة وسارحه ونفكر ف الي صار معايا وكنت نحس في روحي نحلم او نتخايل وقعدت نذكر في كلمة ردي بالك على روحك وسرخت بخالي بعيد بكل وقعدت نتخيل انه يحبني ومكبد عليا وبيعترفلي بحبه وبعدها راجعت نفسي وقلت شن جابه ليا وشن جابني ليه وكنت نقلي في دحي و الدحي انحرق ودار بنه في الحوش كله 😱وهذا كله وانا سارحه وشاردة لعند جت مرت بويا وقعدت تعيط و تهزب المهم اليوم هذا كله وانا عقلي متلخبط لعند جا الليل وكلهم رقدوا وكان باتي ديما يسيب في تلفونه في الصاله في الشحن خديت التلفون وخشيت المطبخ وطلعت الورقه اللي فيها رقم خالد وقعدت متردده نرن او منرنش وانا اصلا عمري ما كلمت شاب في حياتي وقلبي قعد يدق وجسمي كله يرعش 😢
. 
. 
. 
يتبع... لايك