اغتصبو انوتثي

حلقة1

قعدت مترددة معاش عرفت شن ندير نرن عليه ولا نفوته 😢
وقعدت نفكر زعمه شن يبي مني وليش انا بالذات وفضولي بيقتلني 
قررت نرن عليه كتبت الرقم ويدي ترعش من الخوف ورنيت 😫
فتح عليا وقالي الو وانا ساكته وهو الووو الوووو من الووو وانا مش قادرة نتكلم صوتي ما يبيش يطلع مش بإيرادتي لاكن حاولت نتكلم 
مقدرتش كأن في شي واقف في رقبتي ولعند خالد سكر عليا 😴
قعدت شوية بعدها رن خالد وقعد يقول الو الو انا بصوت خافت الو قال من قتله مروه قالي منسمعش فيكي على صوتك معليش قتله انا مروه يا خالد 😣قالي مروه😨وقعد ساكت شوي بعدها قالي واخيرا قتله مفهمتش شن تقصد قالي عارفه يا مروه كم ليا نستنى فيها اللحظه هادي😢 من كثر ما انا خايفه قتله شن تبي مني ☹️ تكلم بسرعه نبي نسكر قالي معقولة هكي كنه ردك انتي هكي انتي ليش واخدة مني موقف يا مروة قتله انا اصلا منعرفكش بيش ناخد منك موقف قولي شن تبي مني بسرعه 😕 قالي وسعي بالك ليا اكثر من سنتين خاطري نحكي معاكي وتوا انتي تبي تسكري 😢 قتله يا خالد افهمني انا منحكيش مع شباب و ماعمري كلمت شاب في حياتي قالي والله عارف وعارف كل شي عليكي بالتفصيل الممل ☹️ انا استغربت من كلامه قتله به تفضل نسمع فيك قالي اصبري ليش مستعجله قتله يا خالد قول شن تبي هيا قالي تذكري مرة لما خواتك كانوا في البلكونه يبحتوا عليا وانتي جيتي بتنشري الدبش واختك الكبيرة هزباتك و قالتلك خشي يا حيوانه 😑
قتله به قالي في اليوم هذاك كان خاطري نقتلها اختك هاذي 😡 قتله باهي مفهمتش انت شن تقصد انا مش زي خواتي و معنديش منه الجو الي فراصك 😠 وهيا سلام و سكرت في وجهه دوبه سكرت وخشت عليا اختي ريم الكبيرة وقتلي في من كنتي تكلمي وانا من كثر الفجعه التلفون طاح من يدي تفترش وطاحت البطارية منه وقعدت نقوللها والله مانكلم في واحد 😢 وقعدت تعيط و تهزب وما خلت كلمة ما قالتها يا حيوانه يا صايعه يا مش متربية يا بيئه حسبي الله ونعم الوكيل وقعدت ساكته مع ان هي ودلال كل وحده عندها تلفون و 24 ساعه يحكوا مع شباب لاكن انا مش اختهم طبعا ولازم نطلع انا الصايعه والي مش متربية 😢 خدت التلفون وحطت البطرية فيه وولعاته وطول رن خالد جسمي كله قعد يرعش اقسم بالله قريب اغمى عليا ردت عليه وفتحت المايك وقعدت ساكته وقعد خالد يقول الو الو مروه  بالله عليكى افهميني والله ما نقصد شي وعارف انك محترمة غر اسمعيني للاخير ردت عليه ريم قالتله انت من سكت شويا بعدين قاللها انتي من قالتله انا اخت مروه قاللها اسمعي مروه معندهاش اي ذنب انا اللي طلبت منها تكلمني ضروري وبالله ماتقوليش لي اهلك ع اللي صار رجاء قالتله باهي قولي انت من قبل قاللها انا خالد جاركم ☹️اول ما سمعت اسم خالد صوتها تغير وملامحها تغيروا وقالتله خالد بصوت مايعه بكل قالتله دقيقه خليك معاي ع الخط يا خلود وخشت دارها قعدت قريب نص ساعه تحكي معاه وانا قاعده نغلي من جوا جاني احساس الغيرة مش عارفه ليش مع اني ماحبيتش خالد ولا شي بس مش عارفه شن صارلي 😣 بعدها طلعت من دارها وقتلي وانتي حسابك بعد تنوض ماما 😢 حسبي الله فيكم اليوم هدا ماجانيش نوم الى الصبح معرفتش نرقد افكار غريبه تجيني وخيالات وحجات مفيش منها اصلا وقعدت نتخيل ان خالد يحبني و بيخطبني وعقلي قعد يجيب و يشيل لعند الصبح جت مرت بويا قاتلي عدي جيبي خبزة قتلها انا مريضه من امس مرقدتش مش حنقدر بدال ما تقولي لاباس قاتلي انشالله تموتي 😢 وبعدها نسمع فيا تنوض في احمد باش يجيب خبزة طبعا انا مابيتش نمشي خفت يقابلني خالد بعدها نسمع في ريم تقول خيرك تنوضي في احمد و الحيوانه هديكا وينها قالتلها قالت مريضه عطاها ما يرفعها 
قالتلها اها عندها الحق امس ساهرة تكلم في شباب طول الليل هذا ليش ما رقدتش مسكينه قالتلها شنو شنو تكلم في شباب ضبحت عليا مرت بوي  تعالي هنا يا حيوانه 😣 مشيت وانا نرعش وطبعا باتي ناض و دلال و احمد الحوش كله ناض قالتلي تكلمي في شباب انتي يا صايعه يا منحطه وتبي تخربيلي عيالي  وقعدت تعيط جا باتي وقال شن في ريم قالتله بنتك امس سارقه تلفونك و ساهره تكلم في شباب باتي قالي صح الدوة هادي انا سكتت معرفتش كيف نشرحلهم 😢 قالي خسارة ربايتي فيك على اساس هو رباني وهو عمره ما كسر كلمه لي مرته مش مسامحاته و قال لي مرته عاقبيها انتي كيف ما تبي 😣 مرت بويا هاذي 6 في 6 و ايدها تقول باله اقسم بالله ضربتني كف لعند توا حاسه بيه و قعدت تكركر فيا من شعري و تقولي بتخربيلي عيالي يا منحطه وكلام اخره واجد مقدرتش نقوله واخر كلمه قالتهالي الله اعلم انتي بنت ولا مش بنت 😢
حسبي الله ونعم الوكيل فيهم واليوم هذا كله وهما يهزبوا فيا و كلام ساقط زيهم بعد المغرب هكي قعدت ريم و دلال مع بعضهم و يهدرزوا و نسمع في ريم تقول لي دلال حصلت رقمه ولما سمعت الكلمه هادي جتني زي الغصه في رقبتي مش عارفه ليش بعدها مشيت غسلت مواعين وكملت كل شي ومشيت لي داري طبعا كنت نرقد في المربوعه هدي هيا داري و هما يرقدوا مع بعضهم و احمد يرقد في دار بروحه لما يجونا عرب نرقد في الصاله زي الكلبه حشاكم 😢 قعدت في المربوعه خانقتني العبرة جاني احمد يلي كان احن واحد فيهم عليا وقعد يقولي كنك شن في هدرزيلي صح انتي كنتي تكلمي في شباب 😕 قتله والله لا ولا عمري كلمت شاب في حياتي هذا رقم امس رن على باتي و ما بيتش انوض باتي رديت عليه بس قالي مصدقك و قعد يقولي متزعليش روحك ويحط في يده ع خدي و يقولي معاش تبكي كنت تاعبه بكل ومش راقده من امس حتى فطور ما فطرت ما كليت شي رقدت طول زي الميته ( جاني خالد بسيارته الجديدة اخر موديل وكنت ماشية نجيب خبزة و بيبلي و قالي اركبي فتحت باب السيارة وركبت معاه والسيارة كان لونها اصفر وهو كان لابس بدلة تشبه بدلة عرس و شغل اغاني وكان مواطيها شوية وقعد يمشي بيا وانا نقوله وين شايلني يا خالد وهو ساكت يبحت في عيوني و يبتسم بس و انا نعيط و نقوله وين رافعني انت رد عليا خالد و هو ولا كأنه يسمع فيا و مركز على عيوني بس 😊
. 
. 
. 
يتبع...