#إياد
كنت بزور ريم في المصحة بقيت بروحلها كل يوم بس مفيش حاجة بتتغير بعقد اكلمها بالسعات وهي مش بترد
:انتِ عارفة دول كلموني علشان ارجع اغني في الباند بتعنا زي زمان بس انا رفضت ...لية علشان عايزك تكوني معيا في الباند فلازم نخرج منها بس في الاول لازم تخدي الدوا
مكنتش بصالي بس الدكتور قالي ان زيارتي كل يوم ده احتمال يحسن حالتها بس مش شايف اي تقدم
:بقيت انا الرغاي دلوقتي😂 ده انتِ مكنتيش بتبطلي كلام كنت بنام منك وتيجي تتخانقي معيا وتزعقيلي وكنت بصلحك بعديها ريم انتِ لازم تتكلمي ريم لازم نطلع من هنا ريم لو سمحتي ردي عليا
بصتلي وكانت اول مره تبصلي من ساعت ما دخلت ده معني كده انها سمعاني فضلت بصالي وبعدين غمضت عينها ونامت انا كنت فاكر انها هتتكلم
اتنهدت ومشيت ركبت عربيتي فضلت سايق وكنت زهقان ان حاسس انها بتعاقبني علي كل العملتة انا مستعد اعمل اي حاجة علشنها بس تبقي كويسة
/flashback/
كنت في اوضتي بلعب علي موبايل طلعت البلكونة قلت اشم شوية هوا لقيت حد بيغرق في البسين ديه ديه ريم
جريت بره اوضتي بسرعة ورحتلها ونطيت في الماية ولحقتها فضلت تكح كتير وانا ماسكها علشان متغرقش
:انتِ كويسة اية الحصل
ريم:وقعت في البسين فضلت انادي بس محدش سمعني
كانت بتعيط فمسحت دموعها وحاولت اهديها
:طب اهدي خلاص متخافيش مفيش حد في الفلا غيري ده الحمد لله ان شفتك
ريم:انت السبب
:انا!
ريم:اه مهو انا كنت جاية علشان مبتردش عليا فخوفت ليكون حصلك حاجة
:خوفتي عليا
ضحكت وهي رشت عليا ماية
ريم:مش بكلمك علي فكره
:خلاص اسيبك
كنت ماسكها وعملت نفسي هسبها فمسكت فيا جامد
ريم:خلاص بهزر
:وعمالي فيها strong independent women وانتِ بتغرقي اصلا
ريم:علي فكره انا بعرف اعوم بس رجلي شديت عليا واتخضيت
:بجد
ريم:اه
سبتها فغرقت ومسكتها تاني
:لا مهو واضح😂
ريم:انت رخم علي فكره اوعي علشان عايزه اطلع
:لا خلينا اعقدين
رشت عليا ماية
ريم:انت قليل الادب
:مفيش غيري في البيت اصلا😂
