معرفتكمش بروحي انا وليد خو سارة شباب و زل علابالي نشكر روحي انا هاكا داير منحمل حتى واحد يرفع صوتو عليا ولا يحسب روحو انا من عائلة عندها دراهم "" باينا راكم تقولو كيفاش عندهم دراهم و اميرة صحبة سارة المهم هوما عندهم فيلا قدام لباطيمات "" و نهار لول تلاقيت بهاديك صحبة اميرة قلقتني بصح زلااااا تاع صح الحصة ملي بدات و انا نخزر فيها
المهم جازو ليامات و انا دايمن نتبلاها و ندحك عليها حتى واحد نهار خرجت شفتها رايحا تمشي و واحد موراها حتى سيا ياقريسيها " yagrisiha " حست بحاجة في قلبي و رحت نجري ليه و طحت عليه بدبازي حتى جاو يسلكو و كي راح درت ليها لقيتها تبكي ماحسيتش بروحي حتى عنقتها
نرجعو عند سارة ----------------- 💖💖
انا كي عنقني صح تشوكيت بصح حسيت بالامان حتى جات اميرة تجري تسقسي فيا كاش راني و تعاود راح وليد و قعدنا غير انا وياها حتى تنطق
" يامامي تتوالمو نتي وياه " انا زدت تشوكيت قلتلها " بادلعي بلعي هو سلكني برك و باي ليوم ماما تقتلني " رحت لدار قعدت غير نخمم فيه
و بالنسبة لوليد كيفكيف عشية قاعد يخمم فيها
المهم après سمانة بداو les examens و سارة قررت تروح تبات عند اميرة باش يراجعو كيفكيف جا اليوم لي تروح فيه سارة mais كي خرجت باش تحكم تاكسي psq مشية شوية طويلة مالقاتش و جا جايز وليد شافها و بدا يصونيلها هيا خافت و بدات تجري فلمشيا حتى قرعها و دارت ليه لقاتو هو حشمت و هبطت راسها قالها " سمعت بلي راكي جايا عندنا ليوم ادا نوصلك " جاوباتو " قاتلو ادا راك مشغول ماتعييش روحك " قالها اطلعي برك " طلعت و قاعدو ساكتين حتى صونا تيليفون تاعو و ريبوندا و هي كانت تسمع و عرفت بلي كان يهدر مع حبيبتو و حست بغصة فقلبهاو ممبعد قالت وش دخلني انا فيه حياتو و راه مليح وصلني " هو حس بيه و قالها " وشبيك تباني مقلقة " قاتلو "لالا برك راني مريدا شوية " قالها " بالاكي تعدينا " و دحك و كانت اول مرة تشوفو يدحك غاست فيه حتى فاقت لروحها
