...
الام. يلا ولج كعدي ورانه روحه شوكت تلحكين تحضرين نفسج
ميرلا. اي اي كعدت والله ماتخلون الواحد ينام
ام ميرلا. هاا هسه صرنه مانخلي الواحد ينام ليش ماتنجبين وتكومين مو انتي الي خبصتينه ع العرس وتريدين تودينه قبل يوم
ميرلا. 😅
الام. ديلا كومي
ميرلا. يي كايمه
كعدت غسلت وحضرت اشيائي وبدلت لبست بنطرون كابوي وبدي وفوكهم ستره ومكياج خفيف وطلعت
باجر خطوبه ابن خال ماما ودكيت رجل اله اروح وياهم للحلاقه كعدنه من الصبح ورحنه لبيتهم ومناك نروح للحلاقه
اجه علينه ابن خالي الي هو حبيبي😐😏
بس بوقتهه جنه متعاركين المهم صعدت بالسياره ورا بس ماسلمت😂 هو باوعلي وغلس صعدت ماما واختي ورحنه وصلنه هناك وماشالله شنوو الهووسه طبينه ومن سلام وسوالف قبل الضهر رحنه للحلاقه انه ومرت خالي ومرت اخو العريس وطبعا الي وصلنه نفسه ابن خالي اركان مخلينه بس للتوصيل 😒
وصلنه للحلاقه وطبعا جانت نفس الحلاقه الي رح تجي عدهه العروس وخوات العريس راحن لغير حلاقه
المهم نزلنه وسوالف وضحك علما خلصنه
خابرو مرت خالو انو يريدون بعد وحده علمود القاعه وخواته مو كلهن مخلصات
ايات.(مرت الخال). اكلكم انه رايحه خابروني محد رايح للقاعه وهسه اهل العروس خاف يوصلون
ميرلا. واحنه شلون
ايات. شنو شلون هسه اركان يوصلني ويرجع عليكم علما تخلصن
ميرلا. عوجت حلكي وكتلهه خوش
طبعا اركان يكون ابنهه لايات مرت خالي
اجه اركان وطلعتله ايات وراحت خلصت شعري ومكياجي ولبست فستاني ومرت اخو العريس كذلك شويه واجتني رواء مرت اخو العريس
رواء. اكلج لازم وحده من عدنه تروح وي العروس
ميرلا. ليش
رواء. شنو ليش غير ع اساس ايات تروح وتالي ايات عافتنه وراحت
ميرلا. اي وهسه شنوو
رواء. شنو شنوو انه رح اروح وياهم انتي شمعرفج
ميرلا. لا والله جا وانه وين اولي اروح وياج
رواء. شتروحين وياي مو اركان هسه يجي اذا اجه وولا وحده راحت وياه يضل يغرد
ميرلا. اوو وانه شكو يعني تريديني اروح وياه وحدي
رواء. اي وشكو عليج يعني قابل رح ياكلج
يلا يلا انه رايحه اجو اهل العروس وانتي خابري اركان شوفي وينه
ميرلا. اهوو اي اي ماشي
رحت خابرت اركان وسألته وينك
ميرلا. ها اركان وين انته
اركان. جاي هسه شويه واخابرج
شويه ورجع خابرني
اركان. يلا انه برا
ميرلا. ماشي طالعه
غطيت نفسي وطلعت صعدت بالسياره بصفه جان كاشخ والعطر يمووت
اركان. جا رواء وين
ميرلا. راحت وي اهل العروس
اركان. هاا
ميرلا. يي يلا رح تخلينه واكفين هنا يعني
اركان. ام لسان
ميرلا. 😒😏
اركان. لا تعوجين بشفايفج تدرين بيه مااتحمل لا وفوكاها صابغتهن احمر بدون شي ادوخ ع شفايفهه وتصبغهن احمر وتريدني اكعد عاقل
ميرلا. ههههه دعوف شفايفي وانتبه ع الطريق احسنلك لا نروح نندعم
ورحنه كبل للقاعه
يتبع..
#ايفين
