عشقني جني(باللهجة الجزائرية ★~★) (مكتملة)

النهاية

قررت نديها بعد ما شفت الشَبه الكبير بينها و بين ميليسا  و منخسرهاش هاذي الخطرة
Flash back end
ياسمين pov:
قعدت نستنى فيه يهدر مي ما قال والوا ناض و خرج ديراكت نضت من پلاصتي حطيت وذني على الباب باش نسمع إذا راح مكانش كاين الحس خرجت نمشي بشوية رحت للباب تاع برا باش نخرج لقيتو مغلوق شوية و حسيت عفسة مورايا درت و لقيت يوسف (الجن) يشوف فيا فرحت علي شفتو يعني مزال كاين امل أني نخرج من هاذي الپلاصة .
ياسمين:يوسف... تقدر تخرجني من هاذي الپلاصة؟
يوسف:وي نقدر راهو محلول الباب اخرجي
ياسمين: مرسي ..
و قبل ما نخرج يوسف قال : علابالك بلي مزال مخلاصش كلش ياك
ياسمين:وي . و خرجت نجري و لقيت روحي في بلاصة قدام البحر قبل ما نكمل تفكرت ولادي عاودت دخلت و كانت كاينة شومبرة سمعت الحس تاع البكى تاع ولادي رحت نجري فتحت الباب لقيتهم يبكيو رفدتهم و خرجت بيهم من هذيك الپلاصة بعد ما لحقنا لطريق لقيت طنوبيل حابسة رحت ليها باش نقول لي راهوا فيها يعاوني و غير لحقت لقيت فيها يوسف اعععغع بعدت نجري ما شفنيش مزيا بديت نحوس على شكون يعاوني مكاش لي حبسلي كملت نمشي و نشوف في ولادي كيفاش يبكيو قاعدة نسيي نسكتهم حتى رقدو قعدت في واحد الكرسي لقيتو في طريق حسيت واحد معايا شفت لقيت يوسف (الجن) بقينا ساكتين حتى نطق هو
يوسف: قتلتوا...
تشوكيت من واش كنت نسمع بصح قعدت ساكتَ ستنيتوا يكمل حتى زاد هدر
يوسف:.... كان يستاهل واش درتلوا ... راح نخرج من حياتك نهائيا هاذي الخطرة و كملي عيشيها كيما دايمن كنتي حابة تعيشي .
قبل ما نهدر كان راح مخلانيش  même pas نهدر
رفدت ولادي و رحت لداري غير دخلت لقيت كامل la famille ديالي و ديال رؤوف ناضوا جاو عنقوني أنا و ولادي مكانش ثما رؤوف حوست عليه بعينيا ملقيتوش شفت في ماما لي كانت تسقسي فيا واش صرالي و وين كنت قتلها وين راهو رؤوف
ماما:راهو يحوس عليكم يا بنتي
ياسمين:عيطولوا قلولوا رانا هنا
ماما:ايه بنتي أدخلي تريحي ضك نعيطولوا
دخلت لشومبرة ديالي نريح بعد ما خلاص كلش ڤاع لي پروبلام لي كانوا في حياتي راحوا كي راح يوسف (الجن)  رقدت بلا ما نفيق من العيا .....نضت و انا نحس في يد تمسلي في شعري بديت نحل في عينيا حتى لقيت رؤوف يشوف فيا و يمسلي في شعري تبسمتلوا باسني في راسي بديت نحكيلوا ڤاع واش صرا معجبوش واش حكيتلوا مي قالي خلاص كلش ضك متخافيش
Nesrîne_Khl
بعد عامين ...

نضت صباح على حس ولادي يبكيو رحت ليهم نجري  لقيتهم مدابزين على لعبة نحيتهالهم بستهم و سكتهم و رحت نطيب القهوة بديت نطيب حتى حسيت بواحد معنقني ملور درت ليه نضحك
ياسمين: صباح الخير حياتي
رؤوف: صباح النور يا أحلى زوجة
و باسني من خدي
رؤوف: واش رايك نزيدو نجيبو بيبي
ياسمين:اععععع صباح ربي بعد مزال الحال معنديش بزاف ملي جبت لوسي و يوسف
رؤوف:معليش نزيدولهم ختوهم
ياسمين:قصدك ختهم
رؤوف:هيا نروحوا لشومبرة و نشوشفو إذا طفل ولا طفلة
رفدني و راح بيا لشومبرة و صرا لي صرا  و ضك راني أونسانت بطفل و راني مهبلة رؤوف بالوحم ديال ربي يكون معاه .
و هذي هيا نهاية حكايتي إنشاءالله تكون عجبتكم و ديزولي على الروطار متنساوش ديرو vote نتلقاو في حكاية وخدوخرة إنشاءالله ⁦❤️⁩
Nesrîne_Khl