AMORE ✔️

Siam

"Kekal senyum macam ni. Senyuman manis ni yang buat lelaki jatuh hati sama kau."

Ni kali macam mau berpuluh-puluh kali suda berulang tu ayat di kepala Carlene. Masa tu juga senyuman nda pernah hilang dari bibir Carlene. Carlene menepuk sendiri kepalanya... Teringat lagi dengan every scene yang durang buat di tepi pantai.

What's wrong with me? Tanya Carlene dengan dirinya sendiri.

"Car, are you okay? Macam sejak tadi sa nampak kau senyum nda tentu pasal. Jangan cakap ada makhluk halus yang merasuki kau ah...." bilang si Mily yang masuk ke dalam bilik Carlene tanpa ketuk pintu dulu..

Tambah lagi si Carlene senyum dan senyum lagi...

"Mily, sa rasa kan... Sa happy di sini.." jawab si Carlene..

Si Mily tingu si Carlene dengan pandangan yang curiga.

"Carlene, apa yang kau kasi tapuk dari sa ni?" tanya si Mily dan duduk dekat si Carlene di katil.

"Malulah sa mau cakap...." Carlene tutup muka dia dengan tangan dia.

Hairan pula si Mily tingu si Carlene begitu. Kepelikan dia sama perangai kawan dia yang begitu.

"Hmm sa tau ni... Ni mesti pasal tadi kan.. Yang kau berdilwale sama Mikael sana pantai.. Ya ampun car.." Mily suda dapat mengagak. Yang tadi dia nampak si Mikael sama Carlene macam tu pasangan kekasih betul. Abis bada dengan pasir.

Diam saja si Carlene bila Mily cakap nama Mikael. Dia masih mau berbahagia sendiri dengan kejadian tadi.

Sementara itu Mikael sama si Derek melepak sana depan resort sambil kupi-kupi dan menyanyi. Derek perasaan sejak dari petang tadi si Mikael banyak diam. Dia kurang bercakap sudah. Mau saja Derek tanya tapi dia biarkan saja si Mikael. Nda lama tu si Terry pun join dorang melepak sana. Makin meriah suasana.

"Rek, bah jangan kasi lama ah buat anak.." bilang si Terry sama si Derek.

"Selalu bah kalau buat anak.. Jangan risau.." jawab si Derek sambil ketawa..

Si Terry tingu si Mikael dia tingu lagi si Derek. Dia pun hairan kali tu si Mikael berdiam saja.

"Jong, terr, sa pigi dulu sana depan ah.. Mau relaks dulu.." bilang si Mikael. Dia pun berdiri dan jalan pigi sana tepi pantai..

Si Derek sama Terry bertingu ja. Hairan sama gaya si Mikael yang jadi pendiam. Itu memang bukan Mikael.

"Hai ojongggg. Mana si Mika?" datang pula si Carlene mencari si Mikael.

"Uii sejak bila ni kau panggil sa gini? Sa sama si Mikael saja tu punya nickname.." bilang si derek.

Senyum si Carlene... "Well, sa kan bakal Mrs. Mikael.. Bah mana dia?"

Terkejut si Derek... "Sana dia tu di depan pantai... Dia bilang mau relaks."

"Okay.. Thank you..." bilang Carlene dan terus berlari pigi pantai.

Tengah Mikael menghayal merenung di depan tu laut, tiba-tiba ada yang memeluknya dari belakang.

"Thank you for making me happy again... Im so blessed.." bilang Carlene sambil peluk Mikael dari belakang.