غزل بعد ما طلع هذا الهمجي (حسين) شفت موبايلي وتذكرت جواد معقولة يحبني وبس نطلك اني وحسين هو يزوجني ونعيش حياة سعيدة اوف ياربي خلي اخابرة احسن
جواد. الو
غزل. هلو
جواد . منو وياي
غزل. هههه ما عرفت صوتي
جواد. لا والله منو
غزل. اني غزل
جواد. غزل. شلونج شخبارج هذولي الحيوانات ما سوولج شي
غزل. لا لتخاف اصلا كاعدة بمكتبي ومرتاحة واحجي وياك
جواد. غزل اريد اكلج شي
غزل. اي حبيبي كول
جواد. احبج
غزل . واني هم احبك ويلا هسه باي اروح ارجع للبيت
جواد. يلا باي
غزل. باي
غزل. بعد ما سديت المكالمة ويه جواد طلعت من المكتب وقفلت الباب ورحت فتحت باب سيارتي وركبت بيها وانا وجاي اشغلها ما احس اله احد خله ايده بعدها ما حسيت بشي غير انو مغمة عليه بعد تقريبا وكت طويل فتحت عيوني بس اكو وشوشة حفيفه وصوت ناس تحجي فتحت عيوني لكيت نفسي كاعدة بمكان خرابة
سامر. هلا بلضابطة نورتينا
غزل. لك جبان منو انت
سامر. اممم انا واحد كلش قريب من حسين ههه
غزل. لك لو انت رجال جان كشفت عن وجهك
سامر. لو حتى كشفت عن وجهي انا ما خايف منج وهسه يا شاطرة راح اخذ حقي منج اضعاف جاي تشوفين هذا الحزام شلون قوي راح يتكطع عليج
غزل. بده يضرب بيه واني حتى ما كلت اخ لان ماريد يستضعفني
غزل. ههه شنو تعبت
سامر . لا ما تعبت بس راح اجيب شي اقوى
غزل. انتضرك
سامر . راجعلج
غزل. بعد ما راح هذا الحيوان حاولت افتح الحبل ما كدرت والشي الي شوي زين بلموضوع انو تلفوني بجيبي يعني اكد اخابر دوريه تجي تعتقلة سمعت صوت خطوات جاية عدلت كعدتي شفت هذا الحيوان جاي اوياه 3زلم وياه جسمي كله ضل يرجف شفت بيدهم كرسي كهربائي شوي اطمئنيت عبالي يردون يكتلوني كتل جماعي اجه واحد من الولد
منتظر . ها يا ضابطة غزوله شلونج
غزل. ايدك الوصخه وخرها احسلك
منتضر . لا لا غزال ما مقبولة منج بس هسه تاخذين جزاتج بهذا الكرسي الحلو
حسين . صارت الساعة ١٢بليل وغزل ما موجوده بلبيت اعرف انو ضابطة وعدها شغل بس تضل فصلية ولازم ترجع من وكت ردت اخابرها بس ما عندي رقمها نزلت جوه اخذت سويج سيارتي ورحت لمركزها
حسين . السلام عليكم
الضابط . عليكم السلام اهلا تفضل
حسين . الضابطة غزل موجودة
الضابط . ليش شنو تقربلها
حسين . زوجها
الضابط . تشرفت قبل ٣ساعات طلعت بس شعجب لي هسه ما وصلت
حسين . شنو انت شجاي تحجي شنو قبل 3ساعات اذا طالعة ليش ما رجعت للبيت
الضابط اهدء اخي شي اكيد موجوده بمكان بس نست تخابرك وتكلك
حسين . اخويه شوف ترى انا هم ضابط بس مو بنفس مركزكم . طلعت هويتي
الضابط . اهلا تشرفت بيك ضابط حسين بس انا اكول خاف عد اهلها
حسين . اي صدك هسه هسه اخابرهم
حسين . الو السلام عليكم
ابو غزل. عليكم السلام هلا ابني هلا حسين شلونك شلونها غزل
حسين .ليش عمي غزل مو عدكم
ابو غزل. لا عمي غزل مو عدنا ليش خو ماكو شي بنتي ما بيها شي
حسين . صراحه غزل صارلها 3ساعات مفقوده وكاعدين ندور عليها
ابو غزل. شوف حسين اي شي يصير ابنتي انت مسؤول وهسه انا وجدها وعمامها وجواد جاييكم بس بتي مالها رده الكم اذا صايرلها شي
حسين . هسه بس خلي نلكاها والله كريم
❤❤❤❤❤❤❤❤❤❤❤❤❤❤❤❤❤❤
غزل . بعد ما حطوني على الكرسي كلتلهم
غزل. ها تخافون تشغلونه ترى ما ينتلكم النترلة عليه منتظر . اي هسه راح نبدي لا تستعجلين على رزقج
غزل. بده بأول صعقة احس روحي طلعت بس ما بينت اله انو اني تأذيت وره شوية طفاها
غزل. يااا بس لا تعبت
منتظر . لج حيوانة انتي الضاهر ما متربيه عدل
غزل. هه تربيتي احسن من تربيتك لو انت رجال صدك افتح الحبل واراويك اهلي شنو مربين اله اسحلك سحل واكطعك
منتظر. هسه نشوف منو يسحل منو
غزل. رجع فتح الكرسي بس هلمرة اقوة من قبل بعد شوي وكفوا وطلعوا كلهم برى اجه واحد من الولد
غزل. بعد ايدك القذرة شتريد
جعفر . لا تخافين يا حلوة بس را نفتحج عن الكرسي غزل. بعد ما فتح الكرسي ونزلني بلارض ورجع ربطني شفتهم انو كلهم طلعو اخذتها حجة حتى اخابر دورية بعد ما كدرت انو اطلع التلفون بعد هستوني فاتحته ما احس اله واحد سحبة
جعفر. . ها ياحلو تريد تخابر الشرطة لو الضابط حسوني
غزل. لك اذا ما خليتك تعفن بلسجن اني مو غزل
جعفر. اي عود اذا طلعتي منا عايشه
غزل. اخذ التلفون وخلاه بجيبه الحقير
غزل. ضليت صافنة يا ربي هسه معقولة محد سأل عني وكال غزل شصار بيها وين راحت ميتة عايشة على هذا التفكير ضليت لي حد ما بديت اغفى
❤❤❤❤❤❤❤❤❤❤❤❤❤❤❤❤❤❤
حسين ❤
حسين . ضلينه الليل كله ندور على غزل 11دورية ادورها وما الها اثر كلساع تجي ابالي فكرة معقولة تحب واحد وشردت وياه لا مستحيل يمكن عدها عداوة ويه احد بس غزل خوش بنية وما معقولة تأذي احد اذا ما هو الشخص مأذيها صارت الساعة 2 واحنا ما لكينة شي رجعنة للبيت وكلنة الصبح نكمل بحث عنها
❤❤❤❤❤❤❤❤❤❤❤❤❤❤❤❤❤❤
جواد ❤
جنة كاعدين انا وعمي واولاد عمي فجأة تلفون عمي دك وكال غزل مختفية فور دمي بسرعة ركضت فوك لبست عسكري واخذت سلاحي شفت عمي والكل مبدل وبيدهم أسلحه طلعنة وشفنه حسين ردت اروح اهد عليه بس عمي لزمني وما قبل
ابو غزل. جواد مو وكتها هدي
جواد . حاضر عمي ... ضلينا لي الساهة 2وما لكيناها رجعنا للبيت وكلنا باجر نكمل ضليت الليل كله كاعد وافكر غزل بنت كلبي منو هيج سوه بيج اووف يا ربي ضليت لي الصبح كاعد سمعت صياح جوه ومن بينهم صوت حسين تبعت الصوت انزل وفجأة سمعت شي جنت اتمنى بحياتي ما اسمعة
❤❤❤❤❤❤❤❤❤❤❤❤❤❤❤❤❤❤
غزل❤
غزل . بعد ما غفيت فزيت على شي بااارد واحد من هذول الهمجية ذب علية سطل مي وكله ثلج
جعفر . يلا ضابطة كومي
غزل. وين موديني
جعفر. نكمل انتقامنة
غزل. لك حيوان اتركني
جعفر . منتضر
جعفر. هاك اخذها فوتها للسيارة
منتضر. الي الشرف اخذ سيادة الضابط
غزل. بعد ما طلعت ويه هذا الحيوان شفت انو ماكو حراس وبس هوه وياي سويت فكرة براسي انو انهزم منه ستوني ردت ابدي واجو كومه حراس لا يربي شهل حض الي عندي الحراس شكلهم يخوف راح اروح لمكان مجهول يا ربي بس لا ناويين يقتلوني صعدوني بلسيارة واجو ثنين كل واحد كعد من جهة ضلت تمشي السيارة احاول اذكر الطريق بس ماكو جدوى بعد ما مرت ساعتين
جعفر.. يلا نزلووها
غزل. نزلت المكان مهجور كلش حتى شجر ما بيه جمدت كل اطرافي كلتله والخوف معتريني
غزل. شتردون تسوولي
جعفر . يلا نزلي راح آخذ حق اخوي الي انتي قتلتي
غزل. انت اخو محمد انت جعفر
جعفر. يلا امشي
هلووو حبايبي ومثل ما وعدتكم سويت بارت من الف كلمة ان شاء الله يعجبكم وعذروني عن الاخطاء واني اصلا كلتلكم 12انشر بس كملته ستوني وكلت انشر حبايبي لا تنسون الايك و التعليق والمتابعة واحبكم كووومة تحياتي
نور العليان
