ﻋﺸﻘﺖ _ ﻓﺼﻠﻴﺘﻲ

جزاء رابع عشر

رواية عشقت فصليتي الجزء الرابع عشر

ﻣﺎﺯﻥ .. ﻣﻠﻚ ﻭﺗﺎﻟﻴﺘﻬﺎ ﻭﻳﺎﺝ ﻓﻬﻤﻴﻨﻲ ﺷﺒﻴﺞ ﻛﻠﻪ ﺻﺎﻓﻨﻪ ﻭ ﺿﺎﻳﺠﺔ ﺻﺎﻳﺮ ﺷﻲ ﺛﺎﻧﻲ ﻏﻴﺮ ﺳﺎﻟﻔﻪ ﺍﻣﻲ ﻭﻣﻨﺎﺭ ؟
ﻣﻠﻚ .. ﻫﺎﺍﺍ ﺍﻱ 😔😔
ﺍﺭﻳﺪﺍﺣﺠﻲ ﺟﺎﻥ ﻳﻨﺪﻙ ﺍﻟﺒﺎﺏ ﻣﺎﻝ ﻏﺮﻓﻪ
ﻣﺎﺯﻥ .. ﻣﻨﻮ؟؟
ﺍﻡ ﻣﺎﺯﻥ .. ﺍﻧﻲ ﻳﻤﻪ ﺗﻌﺎﻝ ﺍﺭﻳﺪ ﺍﺣﺠﻲ ﻭﻳﺎﻙ
ﻣﻠﻚ .. ﺻﺨﺎﻡ ﻓﺪﻭﺓ ﻣﺎﺯﻥ ﻻﺗﺮﻭﺡ ﺍﻛﻴﺪ ﺗﺮﻳﺪ ﺗﺤﺠﻲ ﻭﻳﺎﻙ ﺑﻤﻮﺿﻮﻉ ﻣﻨﺎﺭ 😭
ﻣﺎﺯﻥ .. 😂 ﻟﺞ ﺧﺒﻠﻪ ﺷﺒﻴﺞ ﻣﻦ ﻛﻞ ﻋﻘﻠﺞ ﻛﺎﻋﺪﻩ ﺗﺒﺠﻴﻦ ﻋﻠﻰ ﻫﻞ ﻣﻮﺿﻮﻉ ، ﺍﻣﻨﻲ ﺍﻣﻨﻲ ﻭﺩﺍﻋﺘﺞ ﻣﻴﺼﻴﺮ ﺷﻲ ﻻ ﺗﺨﺎﻓﻴﻦ ،، ﺍﺭﻭﺡ ﺍﺷﻮﻑ ﺍﻣﻲ ﻭﻟﻮ ﻣﺎﻛﻤﻠﻨﻪ ﺣﺠﻲ ﻳﻼ ﺍﺭﻭﺡ ﻭﺍﺭﺟﻌﻠﺞ 😙
ﻣﻠﻚ .. ﻫﻮ ﻃﻠﻊ ﻟﻮ ﻃﻠﻌﺖ ﺭﻭﺣﻲ ﻭﻳﺎﻩ ﺍﻭﻳﻠﻲ ﺍﺭﻳﺪ ﺍﺻﺪﻙ ﺣﺠﻴﻪ ﺑﺲ ﻣﻮ ﺑﻴﺪﻱ ﺍﺩﺭﻱ ﺑﺄﻣﻪ ﺭﺍﺳﻬﺎ ﻳﺎﺑﺲ ﻭﻛﻮﻳﻪ ،، ﺩﻙ ﺗﻠﻔﻮﻧﻲ ﻣﺴﺞ ﺍﻭﻭﻑ ﺍﻛﻴﺪ ﻣﻦ ﻧﺎﺋﻞ ﺭﺑﻲ ﺭﺍﺡ ﺍﻣﻮﺕ ﺷﻴﺨﻠﺺ ﻫﻞ ﺣﻴﺎﺓ ﺗﻌﺒﺖ ﻭﺣﻖ ﺍﻟﻠﻪ ،، ﺭﺣﺖ ﻉ ﻣﻮﺑﺎﻳﻞ ﻓﺘﺤﺖ ﺍﻟﻤﺴﺞ ﻭﻣﺜﻞ ﻣﺘﻮﻗﻌﺖ ﻧﺎﺋﻞ 😞 ﺑﺲ ﺑﻲ ﻣﺼﺎﻳﺐ ﺍﻟﻤﺴﺞ ﻣﻮ ﻣﺼﻴﺒﺔ
💬 ﻣﻠﻮﻛﻪ ﺍﺩﺭﻱ ﺑﻴﺞ ﺧﺎﻳﻔﻪ ﻣﻨﻬﻢ ﻭﻣﺘﺮﺩﻳﻦ ﻉ ﻣﺴﺠﺎﺗﻲ ﺑﺲ ﺻﺪﻛﻲ ﺑﻠﻠﻪ ﺑﺲ ﺟﺎﻭﺑﻴﻨﻲ ﻭﺍﻧﻲ ﺍﻓﻬﻤﺞ ﺷﻠﻮﻥ ﻧﺨﻠﺺ ﻣﻨﻬﻢ ﻭﺍﻧﻲ ﻫﺎﻱ ﺭﻳﻢ ﻣﻤﺘﺤﻤﻠﻬﺎ ﺍﺭﻳﺪ ﺑﺲ ﺍﺧﻠﺺ ﻣﻨﻬﺎ ،، ﺻﺎﺭ ﻫﻮﺍﻱ ﺍﻓﻜﺮ ﺑﺤﻞ ﻭﻣﺎﻟﻜﻴﺖ ﻏﻴﺮ ﺍﺟﻲ ﺍﺧﺬﺝ ﻭﻧﻨﻬﺰﻡ ﺳﻮﻩ ﻭﻳﻄﺒﻬﻢ ﻣﺮﺽ ﺍﺧﻮﺗﺞ ﻫﻤﻪ ﻳﺘﺠﺎﺯﻭﻥ ﻭﻳﻪ ﺍﻫﻞ ﻣﺮﺕ ﻣﺤﻤﺪ ، ﻭﺍﻟﻠﻪ ﺍﻋﻮﺿﺞ ﻋﻦ ﻛﻠﺸﻲ ﺷﻔﺘﻲ ﻭﻳﺎﻳﻪ ﻭﺑﻌﺪﻱ ﻳﺎﻧﻮﺭ ﻋﻴﻮﻧﻲ ﺍﻧﺘﻲ
ﻣﻠﻚ .. ﺑﻼ ﻫﺬﺍ ﺷﺤﺠﻲ ﻭﻳﺎﻩ ﻭﺍﻟﻨﺒﻲ ﺍﺫﺍ ﻋﺮﻑ ﻣﺎﺯﻥ ﻳﺘﺨﺒﻞ ﺍﺩﺭﻱ ﺑﻲ ﻳﻐﺎﺭ ﺣﻴﻞ ﻫﻮ ﻣﻦ ﺍﻟﺘﻠﻔﺰﻳﻮﻥ ﻳﻐﺎﺭ ﻭﻳﺘﺨﺒﻞ ﺍﺫﺍ ﻛﻠﺖ ﻉ ﻣﻤﺜﻞ ﺣﻠﻮ ، ﺍﺫﺍ ﻳﺸﻮﻑ ﻣﺴﺞ ﻧﺎﺋﻞ ﻟﻮ ﻳﺪﺭﻱ ﺑﻴﻪ ﺟﻨﺖ ﺍﺣﺒﻪ ﺷﻠﻮﻥ ﺷﻴﺴﻮﻱ
ﻣﺎﺯﻥ .. ﻫﺎﺍﺍ ﻳﻤﻪ ﺍﻣﺮﻳﻨﻲ ﻳﺎ ﺍﻟﻐﺎﻟﻴﻪ
ﺍﻡ ﻣﺎﺯﻥ .. ﻣﻴﺄﻣﺮ ﻋﻠﻴﻚ ﻇﺎﻟﻢ ﻭﻟﻴﺪﻱ ،، ﺍﻧﻲ ﺍﺭﻳﺪ ﺍﻛﻮﻟﻚ ﻉ ﺳﺎﻟﻔﻪ،
ﻣﺎﺯﻥ .. ﻳﻤﻪ ﻣﻦ ﻫﺴﻪ ﺍﺫﺍ ﺷﻲ ﻳﺨﺺ ﻣﻨﺎﺭ ﺭﺣﻤﻪ ﺍﻻﻫﻠﺞ ﻻ ﺗﻔﺘﺤﻲ ﻭﻻﺗﺤﺠﻴﻦ ﺗﺮﻩ ﮔﻠﺒﻲ ﺧﻠﺼﺎﻥ
ﺍﻡ ﻣﺎﺯﻥ .. ﺍﻱ ﺍﻛﻴﺪ ﻫﺎﻱ ﺍﻡ ﺍﻟﺴﺤﻮﺭﺓ ﻛﺎﻟﺘﻠﻚ ﻛﻠﺸﻲ ﻣﻮ ؟؟
ﻣﺎﺯﻥ .. ﻛﺎﻟﺘﻠﻲ ﺍﻭ ﻻ ﺍﻧﻲ ﻣﻮﺿﻮﻉ ﻣﻨﺎﺭ ﺳﻜﺮﺕ ﻋﻠﻴﻪ ﻣﻦ ﺯﻣﺎﻥ ﻣﻦ ﺍﻭﻝ ﻳﻮﻡ ﺧﺎﻧﺘﻨﻲ
ﺍﻡ ﻣﺎﺯﻥ .. ﻳﻤﻪ ﻫﺎﻱ ﺑﻨﺖ ﺧﺎﻟﺘﻚ ﻭﻫﺴﻪ ﺻﺎﺭﺕ ﺫﻟﻴﻠﻪ ﻭﻣﻜﺴﻮﺭﺓ ﻭﻫﻴﻪ ﺗﺤﺒﻚ ﻭﺍﻧﺖ ﻫﻢ ﺍﺗﺤﺒﻬﺎ ، ﺍﺭﻳﺪ ﺍﺷﻮﻑ ﺑﺰﺭﺗﻚ ﻗﺒﻞ ﻣﺎﺍﻣﻮﺕ
ﻣﺎﺯﻥ .. ﻳﻤﻪ ﺷﺘﺤﺠﻴﻦ ﻣﻨﻮ ﻛﺎﻟﺞ ﺑﻌﺪﻧﻲ ﺍﺣﺒﻬﺎ ،، ﻭﻣﻨﺎﺭ ﻣﻜﺴﻮﺭﺓ ﻭﻣﺬﻟﻮﻟﻪ ﻫﻬﻬﻬﻬﻪ ﻭﺍﻟﻠﻪ ﺿﺤﻜﺘﻴﻨﻲ ﻫﺎﻱ ﻣﻠﻌﺒﺔ ﻻﺗﺨﺎﻓﻴﻦ ﻋﻠﻴﻬﺎ،، ﻭﺑﻌﺪﻳﻦ ﺷﻠﻮﻥ ﺗﺮﻳﺪﻳﻦ ﺍﺑﻨﺞ ﻳﺘﺰﻭﺝ ﻭﺣﺪﻩ ﺧﺎﻳﻨﻪ ﻭﺯﻋﻄﻮﻃﻪ ﻭﻳﺨﻠﻒ ﻣﻨﻬﺎ ﻭﻫﻴﻪ ﻣﻦ ﺍﻭﻝ ﻣﺸﻜﻠﻪ ﺑﻴﻨﻪ ﻋﺎﻓﺘﻨﻲ ﻭﺭﺍﺣﺖ ﺗﺰﻭﺟﺖ ، ﺍﺫﺍ ﺗﺰﻭﺟﺘﻬﺎ ﻭﺻﺎﺭ ﻋﺪﻧﻪ ﺟﻬﺎﻝ ﺷﻠﻮﻥ ﺗﺮﺑﻴﻬﻢ ﻭﻫﻴﻪ ﻣﺘﻘﻠﺒﻪ ﻭﻣﺘﻌﺮﻑ ﺷﺘﺮﻳﺪ ، ﻭﺍﻟﻠﻪ ﻟﻮ ﺗﺒﻘﻰ ﺍﺧﺮ ﻣﺮﺓ ﺑﺎﻟﻌﺎﻟﻢ ﻫﻢ ﻣﺎﺍﺧﺬﻫﺎ ﻭﻣﺎﻓﻜﺮ ﺍﺑﺎﻭﻉ ﺑﺨﻠﻘﺘﻬﺎ
......
ﺍﻡ ﻣﺎﺯﻥ .. ﺑﻌﺪﻫﺎ ﺻﻐﻴﺮﺓ ﻭﺍﻧﺖ ﺭﺑﻴﻬﺎ ﻉ ﺍﻳﺪﻙ ، ﺍﻧﻲ ﺑﻌﺪ ﺣﺠﻴﺖ ﻭﻳﻪ ﺧﺎﻟﺘﻚ ﻋﻴﺐ ﻣﻨﻬﺎ ، ﻭﺍﻟﻠﻪ ﺍﺯﻋﻞ ﻋﻠﻴﻚ ﻃﻮﻝ ﻋﻤﺮﻱ
ﻣﺎﺯﻥ .. ﺟﺎﻥ ﺭﺑﺎﻫﺎ ﺭﺟﻠﻬﺎ ﻭﺍﺑﻦ ﻋﻤﻬﺎ ﻭﺍﻟﻠﻪ ﻳﻤﻪ ﻣﺎﻟﻲ ﺩﺧﻞ ﻻﺑﻴﺞ ﻭﻻ ﺑﺨﺎﻟﺘﻲ ﺍﻧﺘﻲ ﺍﻋﺘﺬﺭﻱ ﻣﻨﻬﺎ ﻣﺜﻞ ﻣﺎﺣﺠﻴﺘﻲ ﻭﻳﺎﻫﺎ ﺑﺪﻭﻥ ﻋﻠﻤﻲ ، ﻭﺍﺫﺍ ﻉ ﺯﻋﻠﺞ ﺳﻬﻠﺔ ﻳﻤﻪ ﺍﻧﻲ ﺍﻋﺮﻑ ﺍﺭﺍﺿﻴﺞ
ﺍﻡ ﻣﺎﺯﻥ .. ﻭﻟﻚ ﺗﺎﻟﻲ ﻭﻛﺖ ﻫﻴﺞ ﺗﺤﺠﻲ ﻭﻳﺎﻳﻪ ﺍﻧﺖ ﺍﻟﻲ ﻣﺘﺮﺩﻟﻲ ﻃﻠﺐ ﺟﻨﺖ ﻫﻴﺞ ﺻﺎﻳﺮ ﻭﻟﻚ ﻣﺎﺯﻥ ﺻﺎﺭ ﺯﻋﻠﻲ ﺳﻬﻞ ﻋﻨﺪﻙ ،، ﻭﻟﻚ ﺷﻤﺸﺮﺑﺘﻚ ﻫﺎﺍﻱ ﺍﻟﻤﺼﺨﻤﻪ ﻭﮔﺎﻟﺒﺘﻚ ﮔﻠﺐ ﻋﻠﻴﻪ ،، ﻟﻮ ﺗﺰﻭﺝ ﻣﻨﺎﺭ ﻟﻮ ﺍﺗﺒﺮﻯ ﻣﻨﻚ ﻭﺍﺧﻠﻲ ﺍﺑﻮﻙ ﻳﻌﺎﻗﺒﻚ
ﻣﺎﺯﻥ .. ﻳﻤﻪ ﺗﺮﻩ ﻣﻠﻴﺖ ﻭﺍﻟﻠﻪ ﻭﺣﻖ ﺍﻫﻞ ﺍﻟﺒﻴﺖ ﺭﻭﺣﻲ ﻃﻠﻌﺖ ﺭﺍﺡ ﺍﺗﺨﺒﻞ ﻛﺎﻓﻲ ﺍﻻ ﺍﻣﻮﺕ ﻳﻼ ﺗﺮﺗﺎﺣﻴﻦ ،، ﻭﺍﻟﻠﻪ ﺍﻫﺞ ﻭﺑﻌﺪ ﻣﺤﺪ ﻳﻨﺪﻝ ﻃﺮﻳﻘﻲ ، ﻟﻮ ﺍﻋﺮﻑ ﺍﻧﺎﻡ ﺑﺎﻟﺸﺎﺭﻉ ﻭﺍﺟﺪﻱ ﻭﺍﻣﻮﺕ ﻣﻦ ﺍﻟﺠﻮﻉ ﻫﻢ ﻣﺎﺍﺗﺰﻭﺝ ﻣﻨﺎﺭ ، ﻭﺍﻧﺘﻲ ﺑﻜﻴﻔﺞ ﺗﺮﻳﺪﻳﻦ ﺗﺨﺘﺎﺭﻳﻦ ﺍﺑﻨﺞ ﻟﻮ ﺑﻨﺖ ﺍﺧﺘﺞ
ﻣﻠﻚ .. ﺑﻘﻴﺖ ﺍﻓﺘﺮ ﺑﺎﻟﻐﺮﻓﻪ ﺍﺭﻭﺡ ﻭﺍﺟﻲ ﻣﺎﺍﻋﺮﻑ ﺷﺴﻮﻱ ﺍﺣﺲ ﺭﺍﺳﻲ ﺭﺍﺡ ﻳﻨﻔﺠﺮ ﻣﻦ ﺍﻟﺘﻔﻜﻴﺮ ، ﻣﺎﺩﺭﻱ ﺷﻠﻮﻥ ﺍﺟﺘﻲ ﻉ ﺑﺎﻟﻲ ﻣﺴﻚ ،، ﺭﺍﺳﺎ ﺧﺎﺑﺮﺗﻬﺎ
📞 ﺍﻟﻮﻭ ﻫﻠﻮ ﻣﺴﻚ ﺷﻠﻮﻧﺞ
📞 ﻫﻠﻮ ﻣﻠﻚ ﺍﻟﺤﻤﺪ ﻟﻠﻪ ﺯﻳﻨﻪ،، ﺷﺒﻲ ﺻﻮﺗﺞ ، ﺍﺣﺪ ﻣﺴﻮﻳﻠﺞ ﺷﻲ
😭📞 ﻭﻟﺞ ﻣﺴﻚ ﻣﺼﺎﻳﺐ ﺣﻠﺖ ﻉ ﺍﺧﺘﺞ ﻭﻟﺞ ﻣﻨﻴﻦ ﻣﺎ ﺍﻧﺪﺍﺭ ﺳﻮﺩﻩ ﻭﻣﺼﺨﻤﻪ ﻭﻣﺴﺪﻭﺩﻩ ﺑﻮﺟﻬﻲ
📞 ﻭﻟﺞ ﺷﺒﻴﺞ ﻓﻬﻤﻴﻨﻲ ﻛﻠﺒﻲ ﺭﺍﺡ ﻳﻮﻛﻒ
📞 ﻭﺍﺋﻞ ﻳﻤﺞ ﻛﺎﻋﺪ ﻟﻮﻻ ؟؟
📞 ﻻ ﻣﻮ ﻳﻤﻲ ،، ﻭﻟﺞ ﺩﻣﻲ ﻧﺸﻒ ﺷﺼﺎﻳﺮ ﻭﻳﺎﺝ
📞 ﻭﻟﺞ ﻫﺬﺍ ﻧﺎﺋﻞ ﻣﻦ ﺍﻟﺼﺒﺢ ﻟﻬﺴﻪ ﻳﺪﻙ ﻋﻠﻴﻪ ﻭﻳﺪﺯ ﻣﺴﺠﺎﺕ ﻭﻟﺞ ﺭﺍﺡ ﺍﺗﺨﺒﻞ ﻭﺍﻟﻠﻪ ﺍﺫﺍ ﺩﺭﺓ ﻣﺎﺯﻥ ﻳﻠﻌﺐ ﺟﻮﻟﻪ
📞 ﻭﻫﺴﻪ ﻭﻳﻨﻪ ﻣﺎﺯﻥ ﺧﻤﺎ ﺑﺎﻟﺒﻴﺖ؟؟
📞 ﺍﻱ ﻭﻟﺞ ﺑﺎﻟﺒﻴﺖ ﺑﺲ ﻳﻢ ﺍﻣﻪ ﻭﻫﺎﻱ ﻫﻢ ﺳﺎﻟﻔﻪ ﺑﻌﺪﻳﻦ ﺍﺣﺠﻴﻠﺞ ، ﺑﺲ ﻓﻬﻤﻴﻨﻲ ﺷﺴﻮﻱ ﻭﻟﺞ ﻫﺬﺍ ﻧﺎﺋﻞ ﻭﺍﺣﺪ ﺍﺩﺏ ﺳﺰﺯ ﺧﺎﻑ ﻳﻔﻀﺤﻨﻲ ﻳﻢ ﺍﻫﻞ ﻣﺎﺯﻥ ﻭﻟﺞ ﺩﺑﺮﻳﻨﻲ ،، ﺍﻧﻲ ﻛﻠﺖ ﺍﺣﺠﻲ ﺍﻟﻤﺎﺯﻥ ﻉ ﻛﻠﺸﻲ
📞 ﺩﻳﺮﻱ ﺑﺎﻟﺞ ﺗﺤﺠﻴﻦ ﻭﺗﻔﺘﺤﻴﻦ ﺣﻠﻜﺞ ﺑﻜﻠﻤﺔ ﻭﻟﺞ ﺗﺼﻴﺮ ﻣﺬﺍﺑﺢ ،، ﻫﺴﻪ ﺍﻛﻮﻝ ﻟﻮﺍﺋﻞ ﺍﺧﻠﻲ ﻳﺸﻚ ﺣﻠﻜﻪ ﻭﺍﻟﻠﻪ ، ﻣﺴﺤﻲ ﺍﻟﺮﺳﺎﺋﻞ ﻭﺻﻴﺮﻱ ﻃﺒﻴﻌﻴﺔ ﻻ ﺗﺨﻠﻴﻦ ﻣﺎﺯﻥ ﻳﺤﺲ ﺑﺸﻲ ، ﻭﺳﻮﻱ ﺳﻜﺮﻳﻦ ﻟﻠﻤﺴﺞ ﻭﺩﺯﻳﻠﻴﺎﻩ ﻉ ﺍﻟﻔﺎﻳﺒﺮ ﺣﺘﻪ ﺍﺷﻮﻓﻪ ﻟﻮﺍﺋﻞ
📞 ﻭﻟﺞ ﺧﺎﻳﻔﻪ ﺍﻧﻮﺏ ﺧﺎﻑ ﻳﻌﺎﻧﺪ ﻭﻳﺴﻜﺮ ﻭﻳﺠﻲ ﻋﻠﻴﻨﻪ ﻟﻠﺒﻴﺖ ﻻﻥ ﻳﻨﺪﻝ ﺍﻟﺒﻴﺖ ﻫﻴﺞ ﻛﺎﻟﻲ
📞 ﺷﻜﺪ ﺳﺎﻗﻂ ﻫﺬﺍ ﻧﺎﺋﻞ ﻣﻜﻔﺎﻩ ﺍﻟﻲ ﺳﻮﺍﻩ ﺑﻴﺞ ﺑﻴﺶ ﻃﺎﻟﺒﺞ ﺑﻌﺪ ، ﻟﻮ ﺗﺸﻮﻓﻲ ﻫﻨﺎ ﺷﻤﺴﻮﻱ ﻣﻠﻌﺐ ﻧﻔﺴﻨﻪ ﻳﻮﻣﻴﻪ ﻋﻤﻲ ﻳﺘﻌﺎﺭﻙ ﻭﻳﺎﻩ ﻭﻳﻄﺮﺩﻩ ﻭﺗﻜﻌﺪ ﺭﻳﻢ ﺗﺒﻮﺱ ﺍﻟﺮﺟﻠﻴﻦ ﺣﺘﻪ ﻳﺒﻘﻴﻬﻢ ﻋﻤﻲ ،، ﻭﻳﻮﻣﻴﻪ ﻳﺠﻲ ﺳﻜﺮﺍﻥ ﻳﻜﻄﻊ ﺍﻟﺤﺰﺍﻡ ﻉ ﺭﻳﻢ ﻭﺟﻬﺎﻟﻬﺎ ، ﻫﻤﺰﻳﻦ ﺍﻟﻠﻪ ﺧﻠﺼﺞ ﻣﻨﻪ
📞 ﻭﻟﺞ ﻣﻴﻬﻤﻨﻲ ﻻ ﻫﻮ ﻭﻻ ﺭﻳﻢ ﻭﻻ ﺍﻱ ﻭﺍﺣﺪ ﺍﻟﻤﻬﻢ ﻣﺎﺯﻥ ﻣﻴﻌﺮﻑ ﻭﺍﻟﻠﻪ ﺷﺎﻳﻠﻪ ﻫﻢ ﻻﻥ ﻗﺒﻞ ﻛﻢ ﺷﻬﺮ ﺳﺄﻟﻨﻲ ﻋﻦ ﺣﻴﺎﺗﻲ ﻣﻜﺪﺭﺕ ﺍﺣﺠﻴﻠﻪ ﻉ ﻧﺎﺋﻞ ﺻﻌﺐ
📞 ﺳﻮﻱ ﻣﺜﻞ ﻣﺎﻛﻠﺘﻠﺞ ﻭﻻ ﺗﺒﻴﻨﻴﻦ ﺷﻲ ، ﻭﺍﻟﻴﻮﻡ ﺍﺧﻠﻲ ﻭﺍﺋﻞ ﻳﻄﻴﺢ ﺣﻈﻪ ﻭﺍﺫﺍ ﻛﻠﺶ ﺍﻛﻮﻝ ﻻﺧﻮﺗﻲ ﻳﺸﺒﻌﻮﻩ ﻛﺘﻞ ﻫﻮ ﻳﺨﺎﻑ ﻣﻦ ﺍﺣﻤﺪ ﻫﻞ ﺟﺒﺎﻥ ﺍﻟﺴﻜﻴﻴﺮ
....
ﻣﻠﻚ .. ﺳﺪﻳﺘﻪ ﻣﻦ ﻣﺴﻚ ﻭﺩﺯﻳﺘﻠﻬﺎ ﺳﻜﺮﻳﻦ ﻟﻠﻤﺴﺞ ﻣﺎﻝ ﺍﻟﻘﻨﺪﺭﺓ ﻧﺎﺋﻞ ،، ﻭﺑﻘﻴﺖ ﻛﺎﻋﺪﻩ ﻉ ﻧﺎﺭ ﺷﻮ ﻫﺬﺍ ﻣﺎﺯﻥ ﻃﻮﻝ ﻳﻢ ﺍﻣﻪ ﺑﺲ ﻻ ﻗﻨﻌﺘﻪ ،ﺑﻘﻠﻤﻲ ﻣﻴﺪﻳﺎ ﺍﻟﻔﻬﺪ
ﻣﺎﺯﻥ .. ﻭﻳﻨﻪ ﺍﻟﺤﺐ ﻣﺎﻟﺘﻲ ﺑﺲ ﻻ ﺑﻌﺪﻩ ﺿﺎﻳﺞ ﻭﺯﻋﻼﻥ ﺍﻣﻮﺕ ﻣﻨﺎﺭ ﻭﻋﺸﻴﺮﺗﻬﺎ ﺍﺭﻣﻴﻬﻢ ﺑﻞ ﺑﻲ ﻛﻲ ﺳﻲ 😂
ﻣﻠﻚ .. ﻭﺍﻟﻠﻪ ﺍﻟﻚ ﺧﻠﻚ ﺗﺤﺸﺶ ﻭﺗﺸﺎﻗﻪ ﻭﺍﻧﻲ ﮔﻠﺒﻲ ﻭﺍﻛﻊ ﺑﻠﺐ ....
ﻣﺎﺯﻥ .. ﺑﺮﺑﺞ ﻛﻤﻠﻴﻬﺎ ﻟﻴﺶ ﺳﻜﺘﻲ ﻭﻳﻦ ﻭﺍﻛﻊ ﮔﻠﺒﺞ 😂
ﻣﻠﻚ .. ﻣﺎﺯﻥ ﺩﺧﻴﻞ ﺭﺑﻚ ﻣﺎﻟﻲ ﺧﻠﻚ ﻛﻮﻟﻲ ﺷﺘﺮﻳﺪ ﻣﻨﻚ ﺍﻣﻚ ؟ ﺷﺼﺎﺭ ﻛﻮﻟﻲ ﺑﺪﺍﻋﺔ ﺍﻟﻠﻪ
ﻣﺎﺯﻥ .. ﻛﻠﺸﻲ ﻣﺘﺮﻳﺪ ﻫﻴﺞ ﻭﺻﺘﻨﻲ ﻉ ﻛﻢ ﺷﻐﻠﻪ ﻣﻦ ﺍﻟﺴﻮﻙ ،، ﻃﺒﻌﺎ ﺣﺠﻴﺖ ﻫﻴﺞ ﺣﺘﻪ ﻻﺿﻮﺝ ﻣﻠﻮﻛﺘﻲ ﻭﺍﺿﻞ ﺗﻔﻜﺮ ،
ﻣﻠﻚ .. ﻭﺍﻟﻠﻪ ﺟﺬﺏ ﺧﻄﺒﺘﻠﻚ ﻣﻨﺎﺭ ﻭﺭﺍﺡ ﺗﺰﻭﺟﻬﺎ ﺑﺲ ﻣﺘﺮﻳﺪ ﺗﻜﻮﻟﻲ ﻣﻮ 😭
ﻣﺎﺯﻥ .. 😂 ﺑﻼ ﻫﺎﻱ ﺷﻠﻮﻥ ﺗﻘﻨﻌﻬﺎ ﻫﺴﻪ ،،ﻟﺞ ﺑﺎﺑﺎ ﻣﺎﻛﻮ ﻫﻴﺞ ﺣﺠﻲ ﻭﻟﺞ ﺍﻣﻲ ﺣﺠﺖ ﻭﻳﺎﺝ ﻫﻴﺞ ﺗﺮﻳﺪ ﺗﻐﺜﺞ ﻻﻥ ﺭﺩﻳﺘﻲ ﻋﻠﻴﻬﺎ ﺍﻟﺒﺎﺭﺣﻪ ﺑﺎﻟﻠﻴﻞ
ﻣﻠﻚ .. ﻣﺎﺯﻥ ﺍﻟﻠﻪ ﻋﻠﻴﻚ ﻻﺿﻢ ﻋﻠﻴﻪ ،ﺍﺫﺍ ﺭﺍﺡ ﺗﺰﻭﺝ ﻣﻨﺎﺭ ﻛﻮﻟﻲ ﻣﻦ ﻫﺴﻪ ﻻ ﺗﺨﻠﻴﻨﻲ ﺍﻧﺼﺪﻡ ﺑﻌﺪﻳﻦ ﻭﻳﺼﻴﺮ ﺑﻴﻪ ﺷﻲ
ﻣﺎﺯﻥ .. ﻭﻟﺞ ﻭﺍﻟﻠﻪ ﻣﺎﺗﺰﻭﺝ ﺷﻠﻮﻥ ﺍﻭﻛﻒ ﺑﺎﻟﺸﺎﺭﻉ ﻭﺍﺫﻳﻊ ﺑﺎﻟﺴﻤﺎﻋﻪ ، ﺑﺎﻷﻭﻝ ﺧﻠﻲ ﺍﺗﺰﻭﺝ ﻓﺼﻠﻴﺘﻲ ﻭﺑﻌﺪﻳﻦ ﻋﻮﺩ ﻳﺼﻴﺮ ﺧﻴﺮ
ﻣﻠﻚ .. ﻳﻌﻨﻲ ﺭﺍﺡ ﺗﺘﺰﻭﺟﻬﺎ ﻣﻮ ﻣﺒﻴﻦ ﻣﻦ ﺣﺠﻴﻚ
ﻣﺎﺯﻥ .. ﺷﻮ ﺗﻌﺎﻱ ﺍﻧﻲ ﺍﻋﺮﻑ ﺷﻠﻮﻥ ﺍﺳﻜﺘﺞ ،، ﺣﻀﻨﺘﻬﺎ ﺣﻴﻞ ، ﻋﺎﺩ ﺻﺪﻙ ﺳﻜﺘﺖ،،
ﺻﺪﻙ ﻣﻠﻮﻛﺘﻲ ﺷﺮﺩﺗﻲ ﺗﺤﺠﻴﻦ ﻗﺒﻞ ﻻ ﺍﻣﻲ ﺍﺩﻙ ﺍﻟﺒﺎﺏ
ﻣﻠﻚ .. ﻫﻨﺎ ﺍﻧﻲ ﻭﺟﻬﻲ ﻛﺎﻡ ﻳﻨﻄﻲ ﺍﻟﻮﺍﻥ ﺍﻟﻄﻴﻒ ﺍﻟﺴﺒﻌﻪ ﻳﻤﻜﻦ ﺑﻮﻛﺘﻬﺎ ﺍﺯﺭﻛﻴﺖ ﻣﻦ ﺍﻟﺨﻮﻑ ﻭﺍﻻﺭﺗﺒﺎﻙ ،،
ﻫﺎﺍ ﻻ ﻣﺎﻛﻮ ﺷﻲ ﺑﺲ ﺍﻣﻲ ﺷﻮﻳﻪ ﻣﺮﻳﻀﻪ ﺍﻟﻴﻮﻡ ﻣﺴﻚ ﺧﺎﺑﺮﺗﻨﻲ ﻭﻛﻠﺘﻠﻲ ،،
ﻣﺎﺯﻥ .. ﻣﺎﻋﻨﺪﻫﺎ ﻏﻴﺮ ﺍﻟﻌﺎﻓﻴﺔ ،، ﻣﻦ ﻳﺼﻴﺮ ﻋﻨﺪﻱ ﻭﻗﺖ ﺍﻭﺩﻳﺞ ﻋﻠﻴﻬﺎ ﺗﺸﻮﻓﻴﻬﺎ
ﻣﻠﻚ .. ﺗﺴﻠﻢ ﺣﺒﻴﺒﻲ ﺭﺑﻲ ﻣﺎ ﻳﺤﺮﻣﻨﻲ ﻣﻨﻚ ،،
ﻧﺮﺟﻊ ﻟﺒﻴﺖ ﺍﺑﻮ ﺍﺑﺮﺍﻫﻴﻢ …………
ﻣﺴﻚ .. ﻭﺍﺋﻞ ﺍﻟﻴﻮﻡ ﻋﻨﺪﻱ ﻣﻮﺿﻮﻉ ﺍﺭﻳﺪ ﺍﺣﺠﻲ ﻭﻳﺎﻙ
ﻭﺍﺋﻞ .. ﻛﻮﻟﻲ ﺣﺒﻴﺒﺘﻲ ﺧﻤﺎ ﺑﻴﺞ ﺷﻲ ؟
ﻣﺴﻚ .. ﻻ ﻣﺎﺑﻴﻪ ﺷﻲ ﺍﺻﻼ ﺍﻟﻤﻮﺿﻮﻉ ﻣﻴﺨﺼﻨﻲ ﻳﺨﺺ ﻣﻠﻚ،، ﻣﻮ ﺗﺪﺭﻱ ﺑﻴﻬﺎ ﻣﻦ ﺭﺍﺣﺖ ﻟﺒﻴﺖ ﺍﻫﻞ ﻧﻬﻰ ﻭﺗﺰﻭﺟﺖ ﺍﺧﻮﻫﺎ ﻭﺍﻟﺤﻤﺪ ﻟﻠﻪ ﻫﺴﻪ ﻭﺿﻌﻬﺎ ﺻﺎﺭ ﺯﻳﻦ ﻭﺭﺟﻠﻬﺎ ﻳﺤﺒﻬﺎ
ﻭﺍﺋﻞ .. ﺍﻟﻠﻪ ﻳﺠﻌﻠﻬﺎ ﺍﻥ ﺷﺎﺀ ﺍﻟﻠﻪ ﺩﻭﻡ ﺑﺴﻌﺎﺩﺓ ﺗﺴﺘﺎﻫﻞ ﻣﻠﻚ ﻫﻮﺍﻱ ﺗﻌﺬﺑﺖ ﺑﺤﻴﺎﺗﻬﺎ ، ﺑﻘﻠﻤﻲ ﻣﻴﺪﻳﺎ ﺍﻟﻔﻬﺪ
ﻣﺴﻚ .. ﺑﺲ ﺍﺧﺘﻲ ﺣﻈﻬﺎ ﺍﻋﻮﺝ ﻭﻣﺎ ﻳﺪﻭﻣﻠﻬﺎ ﺷﻲ ﺯﻳﻦ ،
ﻭﺍﺋﻞ .. ﻟﻴﺶ ﺷﺼﺎﻳﺮ
ﻣﺴﻚ .. ﺍﺧﻮﻙ ﻳﺘﺼﻞ ﻋﻠﻴﻬﺎ ﻭﻳﺪﺯﻟﻬﺎ ﻣﺴﺠﺎﺕ ﻭﻫﺬﺍ ﺍﺧﺮ ﻣﺴﺞ ﺷﻮﻑ ﺷﻜﺎﺗﺐ ، ﻭﻫﺴﻪ ﻫﻴﻪ ﺣﻴﻞ ﺧﺎﻳﻔﻪ ﻟﻴﺸﺮﺏ ﻭﻳﺮﻭﺡ ﻟﺒﻴﺖ ﻋﻴﺎﻟﻬﺎ ﻳﺴﻮﻳﻠﻬﺎ ﻣﺸﻜﻠﻪ
ﻭﺍﺋﻞ .. ﻭﻟﺞ ﻛﻮﻟﻴﻠﻲ ﺷﺴﻮﻳﻠﻪ ﺍﺫﺑﺤﺔ ﺍﺧﻠﺺ ﻋﻠﻴﻪ ﻛﻠﻪ ﻣﻨﻮﺭﺓ ﺍﻣﻲ ﺍﻟﻠﻪ ﻳﺮﺣﻤﻬﺎ ﺩﻟﻠﺘﻪ ﻭﻫﺬﺍ ﻧﺘﻴﺠﺔ ﺍﻟﺪﻻﻝ ،، ﻭﻣﻨﻴﻦ ﺟﺎﺏ ﺭﻗﻤﻬﺎ ﻣﻮ ﻛﻠﺘﻲ ﺭﻗﻤﻬﺎ ﺟﺪﻳﺪ
.......
ﻣﺴﻚ .. ﻏﻴﺮ ﻗﺒﻞ ﻛﻢ ﻳﻮﻡ ﻳﻤﻜﻦ ﺳﺎﻣﻌﻨﻲ ﺍﺣﺠﻲ ﻭﻳﺎﻫﺎ ، ﻭﺍﺟﻰ ﻛﺎﻟﻲ ﺍﺭﻳﺪ ﺍﺧﺎﺑﺮ ﻭﺍﺋﻞ ﻭﺩﻙ ﻋﻠﻴﻚ ﺑﻮﻗﺘﻬﺎ ﺗﺘﺬﻛﺮ ﻣﻮ؟ ﻳﻤﻜﻦ ﺍﺧﺬﻩ ﻣﻦ ﺟﻬﺎﺯﻱ
ﻭﺍﺋﻞ .. ﺍﻟﻠﻪ ﻳﻄﻴﺢ ﺣﻈﻚ ﻳﺎ ﺍﻻﻏﺒﺮ ﺍﻧﻮﺏ ﺍﺗﺮﻳﺪ ﺗﻤﺸﻜﻠﻨﻪ ﻭﻳﻪ ﺍﻟﻨﺎﺱ ﺍﻟﻐﺮﺑﺔ ، ﺍﻭﻑ ﻳﺎﺑﺔ ﻣﻮ 100 ﻣﺮﺓ ﻛﻠﺘﻠﻚ ﺍﻧﺬﺑﻪ ﺑﺎﻟﺴﺠﻦ ﻫﺬﺍ ﻛﻠﺸﻲ ﻣﻴﻔﻴﺪ ﻭﻳﺎﻩ
ﻣﺴﻚ .. ﺍﻟﻤﻬﻢ ﺍﻧﻲ ﻛﻠﺘﻠﻬﺎ ﻻﺩﻛﻮﻟﻴﻦ ﺍﻟﺮﺟﻠﺞ ﺍﻧﻲ ﺍﺧﻠﻲ ﻭﺍﺋﻞ ﻳﺤﻠﻬﺎ ،،ﻫﺴﻪ ﺷﺮﺍﺡ ﺗﺴﻮﻱ ﻓﻬﻤﻨﻲ
ﻭﺍﺋﻞ .. ﻫﺴﻪ ﺍﺷﻮﻓﺞ ﺷﺴﻮﻱ
ﻣﺴﻚ .. ﻭﺍﺋﻞ ﺍﺣﺠﻲ ﻭﻳﺎﻩ ﻉ ﻛﻴﻔﻚ ﻓﻬﻤﻪ ﺍﻧﻮ ﻣﻠﻚ ﺗﺤﺐ ﺭﺟﻠﻬﺎ ﻣﻦ ﺗﺠﻲ ﺑﻌﺼﺒﻴﻪ ﺧﺎﻑ ﻳﻌﺎﻧﺪ ﺑﺎﻟﺰﺍﻳﺪ ﻭﻫﺬﺍ ﻣﺨﺒﻞ ،، ﻟﻮ ﺗﺪﺭﻱ ﺷﻤﺴﻮﻱ ﺑﻌﺪ،، ﻗﺒﻞ ﻛﻢ ﺍﺳﺒﻮﻉ ﻻﺣﻚ ﺭﺟﻠﻬﺎ ﻭﻣﺎﺧﺬ ﻭﻳﺎﻩ 3 ﺯﻟﻢ ﻣﺘﻠﺜﻤﻴﻦ ﻭﻣﻜﺴﺮﻳﻦ ﺭﺟﻠﻬﺎ ﻣﻮﺗﻲ ﻛﺘﻞ
ﻭﺍﺋﻞ .. ﺷﻤﺪﺭﻳﺞ ﻫﻮ ؟؟
ﻣﺴﻚ .. ﻫﻢ ﺩﺯﻟﻬﺎ ﻣﺴﺞ ﻭﻛﻠﻠﻬﺎ ﺍﻧﻲ ﻫﻴﺞ ﺳﻮﻳﺖ
ﻭﺍﺋﻞ .. ﺑﺎﻟﻘﺮﺁﻥ ﺍﻟﻜﺮﻳﻢ ﺭﺍﺡ ﺍﻧﺠﻦ ﺷﺴﻮﻱ ﻓﻬﻤﻴﻨﻲ ﺍﺫﺍ ﻛﻠﺖ ﻻﺑﻮﻳﻪ ﻟﻮ ﻳﻤﻮﺗﻪ ﺧﻼﺹ ﻟﻮ ﻳﺼﻴﺮ ﺑﻲ ﺷﻲ ﻫﻮ ﻫﻢ ﺭﺟﺎﻝ ﺟﺒﻴﺮ ﺷﻴﺘﺤﻤﻞ ﻣﻦ ﻣﺼﺎﻳﺐ
ﻣﺴﻚ .. ﺍﺣﺠﻲ ﻭﻳﺎ ﻭﺍﻟﻠﻪ ﻛﺮﻳﻢ ﺑﻠﻜﻲ ﺭﺑﻚ ﻳﻬﺪﻱ ﻭﻳﻔﻚ ﻳﺎﺧﺔ ﻣﻦ ﻣﻠﻚ ،
ﻭﺍﺋﻞ .. ﺗﻌﺎﻝ ﻧﺎﺋﻞ ﺍﺭﻳﺪﻙ ﺑﺴﺎﻟﻔﺔ
ﻧﺎﺋﻞ .. ﺍﺣﺠﻲ ﺑﺴﺮﻋﻪ ﻣﺘﻮﺍﻋﺪ ﺍﺭﻳﺪ ﺍﻃﻠﻊ
ﻭﺍﺋﻞ .. ﻟﻚ ﺑﺎﺑﺎ ﺍﻋﻘﻞ ﺷﻮﻳﻪ ﺗﻌﺎﻝ ﺑﺎﻻﺳﺘﻘﺒﺎﻝ ﻧﺤﺠﻲ ﻣﻮﺿﻮﻉ ﻣﻬﻢ
ﻧﺎﺋﻞ .. ﻳﻼ ﻭﻫﺎﻱ ﻛﻌﺪﺓ ﺷﺘﺮﻳﺪ ﺧﻠﺼﻨﻲ ، ﻭﺍﺫﺍ ﻉ ﺳﺎﻟﻔﻪ ﺍﻟﺸﺮﺏ ﻣﻦ ﻫﺴﻪ ﺍﻛﻮﻟﻚ ﻣﺎﻛﺪﺭ ﺍﻋﻮﻓﻪ ﻳﻤﺸﻲ ﺑﺪﻣﻲ
ﻭﺍﺋﻞ .. ﻣﻦ ﻃﻴﺢ ﺁﻟﻠﻪ ﺣﻈﻚ ﻭﺣﻆ ﺍﻟﺸﺮﺏ ﻭﻟﻚ ﺍﻧﻲ ﻭﻳﻦ ﻭﺍﻧﺖ ﻭﻳﻦ ،، ﺍﺭﻳﺪ ﺍﺣﺠﻲ ﻭﻳﺎﻙ ﺑﻐﻴﺮ ﻣﻮﺿﻮﻉ،،
ﻧﺎﺋﻞ ﻋﻮﻑ ﻣﻠﻚ ﺑﺤﺎﻟﻬﺎ ﺍﻟﻴﻮﻡ ﺣﺠﺖ ﻭﻳﺎﻳﻪ ﻭﺗﺒﺠﻲ ﻭﺩﻛﻮﻝ ﺧﻠﻲ ﺍﺧﻮﻙ ﻳﻌﻮﻓﻨﻲ ﺑﺤﺎﻟﻲ ،ﺍﻧﻲ ﺍﺣﺐ ﺭﺟﻠﻲ ﻭﻣﺎﺭﻳﺪ ﺍﺧﻮﻙ ﻳﺨﺎﺑﺮ ﺑﻌﺪ ،،
ﺑﺲ ﺍﺳﺄﻟﻚ ﺍﻧﺖ ﻣﺎﻋﻨﺪﻙ ﻛﺮﺍﻣﻪ ﻭﻟﻚ ﻟﻮ ﺍﻧﻲ ﻣﻨﻚ ﻟﻮ ﺭﻭﺣﻲ ﺑﻴﻬﺎ ﻫﻢ ﺑﻌﺪ ﺗﻄﻠﻊ ﻣﻦ ﻧﻔﺴﻲ ﻻﻥ ﺻﺎﺭﺕ ﺑﺤﻀﻦ ﻏﻴﺮ ﻭﺍﺣﺪ ﺷﻠﻮﻥ ﻫﻴﺞ ﻋﻨﺪﻙ ﻧﻔﺲ ﻭﺗﺮﻳﺪﻫﺎ ﺗﺮﺟﻌﻠﻚ ،
ﻧﺎﺋﻞ .. ﻭﺍﻟﻠﻪ ﺍﺣﺒﻬﺎ ﻭﻣﺘﻨﺪﻡ ﻻﻥ ﺧﻨﺘﻬﺎ 😭
ﻭﺍﺋﻞ .. ﻭﻟﻚ ﻋﻴﺐ ﻋﻠﻴﻚ ﺭﺟﺎﻝ ﺷﻜﺒﺮﻙ ﻭﺷﻜﺪﻙ ﺗﺒﺠﻲ ﻉ ﻣﺮﺓ ﻭﻟﻚ ﻟﻌﺪ ﺷﺨﻠﻴﺖ ﻟﻠﻨﺴﻮﺍﻥ ، ﺍﻣﺴﺢ ﺩﻣﻮﻋﻚ ﻭﺟﻴﺐ ﺗﻠﻔﻮﻧﻚ ﺧﻠﻲ ﺍﻣﺴﺢ ﺭﻗﻤﻬﺎ ﻭﻃﻠﻌﻬﺎ ﻣﻦ ﺣﻴﺎﺗﻚ ﺻﺎﺭ ﻋﻨﺪﻙ ﻃﻔﻞ ﻳﺨﺒﻞ ﻳﺴﻮﻩ ﺍﻟﺪﻧﻴﺎ ﺩﻳﺮ ﺑﺎﻟﻚ ﻋﻠﻴﻪ ﻭﻟﻚ ﺣﺘﻪ ﻣﺎﺷﻮﻓﻚ ﺗﻼﻋﺒﺔ ﻭﺗﺸﻴﻠﻪ
ﻣﺴﻚ .. ﻫﺎﺍﻱ ﺷﺴﻮﻳﻦ ﻫﻨﺎ ﻣﻮ ﻋﻴﺐ ﻋﻠﻴﺞ ﺗﺘﺴﻤﻌﻴﻦ ﻣﻨﻮﺭﺓ ﺍﻟﺒﺎﺏ ،ﺑﻘﻠﻤﻲ ﻣﻴﺪﻳﺎ ﺍﻟﻔﻬﺪ
ﺭﻳﻢ .. ﻫﺎﺍ ﻻ ﻣﺎﺍﺳﻤﻊ ﻗﺎﺑﻞ ﺷﻜﻮ ، ﻭﺧﺮﻱ ﺧﻠﻲ ﺍﻓﻮﺕ
ﻣﺴﻚ .. ﺍﻟﻠﻪ ﻳﺴﺘﺮ ﻣﻨﺞ ﻳﺎﻟﻤﻠﻌﺒﺔ ﻛﻠﺞ ﻣﺸﺎﻛﻞ ﺗﻔﻮﻭ 💦
ﻧﺮﺟﻊ ﻷﺑﻄﺎﻝ ﻗﺼﺘﻨﺎ ﺍﻟﺤﻠﻮﻳﻦ ……………
ﻣﻠﻚ .. ﺻﺢ ﻣﺴﻚ ﻃﻤﻨﺘﻨﻲ ﺑﺲ ﺑﻘﻴﺖ ﻳﻮﻣﻴﻦ ﻋﺎﻳﺸﻪ ﺑﻘﻠﻖ ﻭﺧﻮﻑ ، ﺍﻡ ﻣﺎﺯﻥ ﺑﻌﺪ ﻣﺤﺠﺖ ﻭﻳﺎﻳﻪ ﺑﻤﻮﺿﻮﻉ ﻣﻨﺎﺭ ، ﻭﻧﺎﺋﻞ ﻣﺎﻛﻮ ﺑﻌﺪ ﻣﺘﺼﻞ ﺍﻟﺤﻤﺪ ﻟﻠﻪ ﻣﺴﻚ ﻛﺎﻟﺖ ﻭﺍﺋﻞ ﻣﺴﺢ ﺭﻗﻤﺞ ﻭﺍﻟﻤﺴﺠﺎﺕ ﺑﻴﺪﻩ ، ﻭﻣﺴﻚ ﺧﻠﺖ ﺭﻣﺰ ﻟﺘﻠﻔﻮﻧﻬﺎ ﻭﺧﻠﺖ ﻉ ﺭﻗﻤﻲ ﻏﻴﺮ ﺍﺳﻢ ﺣﺘﻪ ﺧﺎﻑ ﻳﻠﺰﻡ ﺗﻠﻔﻮﻧﻬﺎ ﻣﻴﻌﺮﻑ ﺭﻗﻤﻲ ،، ﺷﻮﻳﻪ ﺍﺷﺘﻤﻴﺖ ﻫﻮﻩ ﺑﻌﺪ ﻫﺬﺍ ﺣﺠﻴﻬﺎ ،، ﻣﺎﺯﻥ ﻓﺪﻭﺓ ﺍﻟﻌﻤﺮﻩ ﻣﻮ ﺑﺸﺮ ﻧﺴﻤﺔ ﻭﻋﺎﻳﺶ ﻭﻳﺎﻳﻪ ﻣﺮﺕ ﺍﻻﻳﺎﻡ ﻭﻫﻮ ﻉ ﻧﻔﺲ ﺣﺒﻪ ﺍﻟﻲ
......
ﻣﺎﺯﻥ .. ﺍﻣﻲ ﺑﻘﺖ ﺗﻠﺢ ﻋﻠﻴﻪ ﻭﻣﺮﺍﺕ ﺗﺒﻘﻪ ﺯﻋﻼﻧﻪ ﺗﺮﻳﺪﻧﻲ ﺑﺲ ﺍﺭﺿﺦ ﺍﻟﻬﺎ ﻭﺍﺗﺰﻭﺝ ﻣﻨﺎﺭ ﺑﺲ ﺍﻧﻲ ﻣﻌﺎﻧﺪ ﻣﻦ ﺷﺎﻓﺘﻨﻲ ﻣﺼﺮ ﻉ ﺭﺃﻱ ﺑﻌﺪ ﻣﺎﺣﺠﺖ ﻭﻫﻢ ﺍﻟﺘﻬﻮ ﻫﻴﻪ ﻭﺍﺑﻮﻳﻪ ﻳﺤﻀﺮﻭﻥ ﻟﺴﻔﺮﻫﻢ ،، ﻣﻨﺎﺭ ﻣﻦ ﻣﻜﺎﻟﻤﺎﺗﻬﺎ ﺍﻟﻤﺴﺘﻤﺮﺓ ﻭﻣﻠﺤﺘﻬﺎ ﺍﺟﺘﻬﺎ ﻓﺘﺮﺓ ﺍﺧﺘﻔﺖ ﻫﻢ ﺍﻟﺤﻤﺪ ﻟﻠﻪ ﺧﻠﺼﺖ ﻣﻨﻬﺎ ،، ﺷﻜﺪ ﺟﻨﺖ ﺍﺣﺒﻬﺎ ﻗﺒﻞ ﺑﻜﺪ ﺍﻟﺤﺐ ﻛﻤﺖ ﺍﻛﺮﻫﺎ ﻫﺴﻪ ﻭﻣﺎﻃﻴﻘﻬﺎ ،،
ﻓﺼﻠﻴﺘﻲ ﺍﻟﺤﻠﻮﺓ ﻳﻮﻡ ﺑﻌﺪ ﻳﻮﻡ ﺗﺤﻠﻮ ﺑﻌﻴﻨﻲ ﻭﺍﺣﺒﻬﺎ ﺍﻛﺜﺮ ﺑﺴﺒﺐ ﺍﺳﻠﻮﺑﻬﺎ ﻭﻣﻌﺎﻣﻠﺘﻬﺎ ﺍﻟﻲ ﺗﺤﺴﻬﺎ ﻣﺮﺓ ﻧﺎﺿﺠﺔ ﻳﻨﺸﺪ ﺍﻟﻈﻬﺮ ﺑﻴﻬﺎ ،، ﺭﺣﻤﺔ ﺍﻟﻠﻪ ﻉ ﺭﻭﺣﻚ ﻋﻤﻲ ﻛﺎﻇﻢ ﻉ ﺗﺮﺑﻴﺘﻚ ،، ﺍﻭﻭﻑ ﻣﺠﻨﺖ ﻣﺘﺨﻴﻞ ﺍﺣﺒﻬﺎ ﺍﺍﺍﺍﺍﻩ ﺻﺪﻙ ﻳﺎﺣﻈﻲ ﻭﻋﺸﻘﺖ ﻓﺼﻠﻴﺘﻲ 😌
ﻣﻠﻚ .. ﺗﻘﺮﻳﺒﺎ ﻛﻞ ﻭﻗﺘﻲ ﺍﻗﻀﻲ ﺑﺎﻟﻐﺮﻓﻪ ﺍﺣﺲ ﻏﺮﻓﺘﻲ ﻫﻴﻪ ﻋﺎﻟﻤﻲ ﺍﻟﻮﺭﺩﻱ ﻣﻜﻀﻴﻪ ﺑﻴﻬﺎ ﻛﻞ ﺍﻟﻮﻗﺖ ﺍﻟﺤﻠﻮ ﻭﻳﻪ ﻣﺎﺯﻥ ﻭﺃﺣﻼﻣﻨﻪ ﺍﻟﻲ ﻧﻨﺘﻈﺮ ﻧﻜﻤﻠﻬﺎ ،، ﺍﻟﻲ ﺟﻨﺖ ﻣﺘﺨﻴﻠﻪ ﺍﻛﻤﻠﻬﺎ 😔
ﻣﺎﺯﻥ .. ﻭﻳﻦ ﻣﺮﺗﻲ ﺍﻟﻔﺼﻠﻴﺔ ،،،
ﻣﻠﻚ .. ﻫﻴﺎﺗﻨﻲ ﺑﺎﻟﺤﻤﺎﻡ ﺇﻏﺴﻞ ﻣﻼﺑﺲ
ﻣﺎﺯﻥ .. ﻭﻟﺞ ﻟﻴﺶ ﺗﻐﺴﻠﻴﻦ ﺑﻴﺪﺝ ﻭﺑﻌﺪ ﻛﻢ ﻳﻮﻡ ﻋﺮﺳﻨﺎ ﻣﺎﺭﻳﺪ ﺍﻳﺪﺝ ﺍﻟﺤﻠﻮﺓ ﺗﺨﺮﺏ ﺍﻛﻮ ﻏﺴﺎﻟﺘﻴﻦ ﺑﺎﻟﺒﻴﺖ ﻓﻮﻙ ﻭﺟﻮﺓ ﻟﻴﺶ ﻣﺘﺴﺘﺨﺪﻣﻴﻬﻦ
ﻣﻠﻚ .. ﺍﻫﻮﻭﻭ ﻣﺎﺯﻥ ﻻﺗﺴﻮﻳﻬﺎ ﺳﺎﻟﻔﻪ ﻫﻨﻪ ﻛﻢ ﻗﻄﻌﻪ ﺍﻏﺴﻠﻬﻦ ﻭﺗﻔﺾ ﻣﺎﻛﻮ ﺩﺍﻋﻲ ﺍﺷﻐﻞ ﻏﺴﺎﻟﻪ
ﻣﺎﺯﻥ .. ﻫﺎﺍﻱ ﺷﻨﻮ ﺑﻴﺪﻱ
ﻣﻠﻚ .. ﺷﻨﻮ ﻣﺎﺍﻋﺮﻑ ؟؟
ﻣﺎﺯﻥ .. ﺟﻮﺍﺯﺍﺕ ﺳﻔﺮ ﺍﻣﻲ ﻭﺍﺑﻮﻳﻪ ﺧﻠﺼﺘﻬﻦ ﺍﻟﻴﻮﻡ ﻳﻌﻨﻲ ﺑﻌﺪ ﻳﻮﻣﻴﻦ ﺑﺎﻱ ﺑﺎﻱ ﻳﺴﺎﻓﺮﻭﻥ ،، ﻭﻳﺤﻼﻟﻲ ﺍﻟﺠﻮ
ﻣﻠﻚ .. ﺻﺪﻙ ﺍﻟﻠﻪ ﻋﻠﻴﻚ 😊 ﻭﺍﺧﻴﺮﺍ ﻭﺍﻟﻠﻪ ﻣﻠﻴﺖ ﺍﻻﻧﺘﻈﺎﺭ ،
ﻣﺎﺯﻥ .. ﺍﻭﻳﻠﻲ ﻫﻴﺞ ﻣﺴﺘﻌﺠﻞ ﺍﻟﺤﻠﻮ ؟ ﻟﻌﺪ ﺑﺎﺟﺮ ﺍﻟﺼﺒﺢ ﺣﻈﺮﻱ ﻧﻔﺴﺞ ﺍﻧﻄﺎﻧﻲ ﺍﻟﻤﺤﺎﻣﻲ ﻣﻮﻋﺪ ﺣﺘﻪ ﻧﻌﻘﺪ ﻣﺤﻜﻤﺔ ، ﺷﻠﻮﻧﻬﺎ ﺍﻻﺧﺒﺎﺭ ﺍﻟﻴﻮﻡ ﻣﺎ ﺍﺳﺘﺎﻫﻞ ﺑﻮﺳﻪ ﻋﻠﻴﻬﻦ
ﻣﻠﻚ .. 😳😳 ﺻﺪﻙ ﺗﺤﺠﻲ ﺷﻮ ﻣﻜﻠﺘﻠﻲ ﺍﻧﺖ ﻣﻘﺪﻡ ﻉ ﻋﻘﺪ ﺍﻟﺰﻭﺍﺝ
ﻣﺎﺯﻥ .. ﺳﻮﻳﺘﻠﺞ ﻣﻔﺎﺟﺌﺔ ،، ﺿﺒﻄﺖ ﻭﻳﻪ ﺍﻟﻤﺤﺎﻣﻲ ﻭﺩﻫﻨﺘﻪ ﺑﻜﻢ ﻭﺭﻗﻪ ﻭﺳﻮﺍﻫﺎ ﺑﺴﺮﻋﻪ،، ﻟﻌﺪ ﻟﻴﺶ ﺫﺍﻙ ﺍﻟﻴﻮﻡ ﺍﺧﺬﺗﺞ ﻟﻠﻤﺴﺘﺸﻔﻰ ﻭﺳﻮﻳﻨﻪ ﺗﺤﺎﻟﻴﻞ
ﻣﻠﻚ .. ﻳﺎﺍﺍ ﻳﻌﻨﻲ ﻣﻮ ﻻﻥ ﺗﺮﻳﺪ ﻧﺠﻴﻚ ﻉ ﻣﻮﺩ ﻫﺎﻱ ﺍﻟﺠﺮﺛﻮﻣﻪ ﺍﻟﻲ ﻣﺪﺭﻱ ﺷﺴﻤﻬﺎ ؟
ﻣﺎﺯﻥ .. 😂😂 ﻻ ﺟﺬﺑﺖ ﻋﻠﻴﺞ ﻟﻌﺪ ﺷﻠﻮﻥ ﺗﺼﻴﺮ ﺍﻟﻤﻔﺎﺟﺌﺔ ﺍﺫﺍ ﻛﻠﺘﻠﺞ ،، ﺻﺪﻙ ﺷﻮ ﻏﻠﺴﺘﻲ
ﻣﻠﻚ .. ﺷﻨﻮ ﻉ ﺷﻨﻮ ﻏﻠﺴﺖ
ﻣﺎﺯﻥ .. ﻉ ﺍﻟﺒﻮﺳﻪ ﻋﻴﻮﻧﻲ ﺍﻟﻴﻮﻡ ﻣﺎﺭﻭﺡ ﺍﺫﺍ ﻣﺎ ﺍﻧﺘﻲ ﺗﻨﻄﻴﻨﻲ ﺑﻮﺳﻪ ، ﻛﻞ ﻫﺎﻱ ﺍﻻﺧﺒﺎﺭ ﺍﻟﺤﻠﻮﺓ ﻭﻛﻠﺸﻲ ﻣﺎﺍﺣﺼﻞ 😢
ﻣﻠﻚ .. ﻣﺎﺑﻘﻪ ﺷﻲ ﺍﺗﺤﻤﻞ
ﻣﺎﺯﻥ .. ﻭﻟﺞ ﺷﺘﺤﻤﻞ ﺻﺎﺭﻥ ﻣﻮ ﺷﻬﺮﻳﻦ ﻋﻠﻴﻪ ﺳﻨﺘﻴﻦ ﻭﺍﻟﻠﻪ ﻭﻟﺞ ﺑﺲ ﺑﻮﺳﻪ ﻭﺣﺪﻩ ﺗﺼﺒﻴﺮﺓ ﺑﺪﺍﻋﺖ ﻣﺎﺯﻥ ﻋﻠﻴﺞ
ﻣﻠﻚ .. ﺍﻭﻙ ﺑﺲ ﻉ ﺧﺪﻙ ﻣﻦ ﻫﺴﻪ ﻧﺘﻔﻖ
ﻣﺎﺯﻥ .. ﺍﻱ ﻣﻮﺍﻓﻖ ﺍﻫﻢ ﺷﻲ ﺍﺣﺼﻞ ﺑﻮﺳﻪ ،، ﺗﻘﺮﺑﺖ ﻋﻠﻴﻪ ﻭﻏﺪﺭﺕ ﺑﻴﻬﺎ ﻭﺑﺴﺘﻬﺎ ﻣﻦ 😘
ﻣﻠﻚ .. ﻣﻦ ﺑﺎﺳﻨﻲ ﺣﺴﻴﺖ ﻧﻔﺴﻲ ﺑﻐﻴﺮ ﻋﺎﻟﻢ ﺍﺭﻳﺪ ﺍﻭﺧﺮﺓ ﺑﺲ ﻣﺎﻛﺪﺭﺕ ،،
ﻣﺎﺯﻥ .. ﺍﻭﻳﻠﻲ ﻫﺴﻪ ﻳﻼ ﺍﺭﺗﺎﺣﻴﺖ 😌 ﻭﻟﺞ ﻣﻮ ﻣﺮﺓ ﺍﻧﺘﻲ ﻏﻀﺐ ﺍﻣﻮﺕ ﻋﻠﻴﺞ ﻣﻠﻮﻛﺘﻲ ﺍﻟﻌﺴﻮﻟﻪ
ﻣﺮﺕ ﺍﻻﻳﺎﻡ ﻃﺒﻌﺎ ﻋﻘﺪﻧﻪ ﻣﺤﻜﻤﻪ ﺍﻧﻲ ﻭﺣﺒﻴﺒﺘﻲ ،، ﻭﺍﺟﺔ ﻣﻮﻋﺪ ﺳﻔﺮﺓ ﺍﻣﻲ ﻭﺍﺑﻮﻳﻪ ﻭﺻﻠﺘﻬﻢ ﻟﻠﻤﻄﺎﺭ ﻭﺍﻧﻲ ﺍﻟﻔﺮﺣﺔ ﻣﺴﺎﻳﻌﺘﻨﻲ ﺍﻭﻳﻠﻲ ﺑﺎﺟﺮ ﺍﻭﺩﻱ ﻣﻠﻚ ﻻﻫﻠﻬﺎ 😍
ﺩﺍﺳﻮﻕ ﻭﺍﺟﺎﻧﻲ ﻣﺴﺞ ﻣﺎﻛﺪﺭ ﺍﻗﺮﺍﻩ ﻭﺻﻠﺖ ﻟﻠﺒﻴﺖ ،، ﻓﺘﺤﺖ ﺍﻟﻤﺴﺠﺎﺕ ﻭﺍﺷﻮﻑ ﺻﻮﺭ ﻣﻠﻚ ﻭﻳﻪ ﻭﺍﺣﺪ ﻭﻛﻮﻣﻪ ﻣﺤﺎﺩﺛﺎﺕ ﻣﻠﻚ ﻭﻫﺬﺍ ﺍﻟﻮﻟﺪ 😨😨