الحلقة (2)
من #رواية
#خصوصيات_عارية
#كاتبة #أميرة_سليمان
مرام.. في لاحظات الحديث معاش ندري شن صار ألقيت رامي خش عليه.
رامي... اه ياربي علاش بس يا مرام.
مرام... هاتفي طاح من أيدي.
حسونه... الو مرام الو.
رامي... تحسابيني جاي صدفة كلامه اطلع صح.
مرام... 🥺🥺من هو.
رامي.. ياغبية يا حق..متفاهم انا واياه.
مرام... طلقني خلاص.
رامي.... اتفوا عليك أن شاء الله ما تربحي يا خاينه
والله ما نحسابك هكي فوق ارضيت بعينك و اخذيتك
و حنيت عليك هكي ديري فيه ياربي ياريت متت قبل
ما شوفت لي شوفته.
مرام... عادي جدا طلقني و نمشي في حالي مش مشكلة.
رامي....اطلع من الحوش.
دارت بيه الدنيا و اطلعت غبية حق كيف هكي اشربت المقلب و اخربت حوشي و اخسرت راجل حبني اه بس اخربلي حوشي ولد الحرام خشيت لدار نوم صكرت على روحي و انا نبكي بجنون و قريب نموت معاش فيه حاجة تصلح اليوم اعلنت انتهاء أملي بقصة حبي الاولة كل فرصة ايطيح من عيني اقعددت لليل و انا في حالة عالم بيه ربي و أكثر شي امخوفني هو بابا و رعب بابا كان اعرف با الموضوع ما كانيش عندي حل الا نستنى رامي و نتأسف منه 🥺☹️.
رامي... ارجع ساعة 2 في ليل.
مرام... سامحني يا ولد الناس عارفة الأسف ما ينفعيش توا.
رامي... معاش نبي نسمع صوتك غدوا و تي روحك روحي عند حوش اهلك معاش نبيك تولي مرتي.
مرام... بوي يقتلني بعدين.
رامي... هذا لي مخليني صابر عليك خايف عليك من بوك.
مرام... علاش خايف عليه.
رامي... لأني انحبك من زمان اصلا من لما كنتي اتحبي حسونه و انا عارف بقصتك و انحبك و اكتمتها في قلبي
ما اقدرتيش نتعرف ليك ساعتها لأنه عارفك مرتبطة.
مرام.. 😦😦😦 من الصدمة اقعددت انعيط على طول حسي و نضرب في روحي اطلعت في جنان انعيط.
رامي... بتفضحني قدام خوتي و أهلي خشي.
مرام... انخنقت.
رامي.... خشي يا مجنونه.
مرام... 🥺🥺 خليني خلاص بنشنق روحي من لي سمعته.
رامي... خشي تربحي و اسكتي.
مرام... رجعني عند اهلي توا انا ما نستاهليش نقعد عندك.
رامي... تعرفي اليوم لي أسمعت بعينك انجرحت اقعددت نبكي بعبرتي لين اصحابي استغربوا لأنه انراقب في ايميلك اعرفت من منشور صاحبتك و اقريب موتت اوجعتيني💔.
مرام.... اس اس اس اس خلاص اسكت معاش نبي نسمع
توا جاي اتقولي فيه.
رامي... مش كنتي مرتبطة بشخص تافهه كيف بنقولك.
مرام... اعطيني فرصة باهي.
رامي... خلاص توا 🥺🥺 معاش عندي ثقة فيك اقعدي في الحوش كأنك مش مرتي.
#كاتبة #أميرة_سليمان
ضاقت بيه الدنيا و اقعددت انفكر و انخمم في طريقة اتخليه ايسامحني فيها معاش ألقيت الا نكذب عليه انقوليه حامل مش ايحن قلبه و ايسامحني و تمشي الامور فاتوا يومين كأنه مش راجلي انا نرقد داخل هو في المربوعة وجه اصفر حالته حالة جاته صدمة مني معاش امشي للعيادة مصكر على روحه باب المربوعة....
مرام... دفيت باب المربوعة خشيت.
رامي.. شن تبي.
مرام.. انا.
رامي.. انتي شن.
مرام... انا حامل 🥺.
رامي. العبي بعيد ترا انا كيد نساوين فهمه كويس.
مرام... نحكي جديات.
رامي... اطلعي يا كذابه فوتيني.
حسونه... اسمعوا يا شباب بننشر صورتها هي راجلها لي صورتها ليهم على فيس.
محمد...اتقي الله حرام عليك.
حسونه. نبيها تطلق.
محمد.... يا راجل مش حركات رجاله.
حسونه. نحسابه بيطلقه اهي قاعده عنده.
محمد... شن بتسفيد با اللهي عليك.
حسونه... بنحرق قلبها بننشره با ايميل بنت بنكتب هاذي خنبت حبيبي مني و اتزوجته بسحر.
محمد.... طول عمرك شيطان يا حسونه.
حسونه... نعجبك..
بين انا قاعدة نبكي في دار شوية تتصل بيه أمي و هي اتعيط عليه اتقولي شوفتي النت شوفتي النت انا افزعت صكرت هاتفي افتحت الفيس و ألقيت صوري في النت انا رامي يا حي على صدمة هاتفي ابديه ايرن اتصالات معاش بطل عجوزتي جتنا للحوش و حماواتي...
رامي.... يبكي زي النساوين ابديه.
أم رامي... مني هذا لي امصوركم مني لا حول و لاقوة الا با الله.
رامي... واضح مني.
أم رامي.... من.
رامي....... تابع في 2
