كلماتي البسيطة لوصف رشا الفتاة الرقية جوهريآ والصلبة المظهر من خارجها....
#لسان_حال_رشا
من رواية ابي والغزلان
انا الضحكة بوجه طفله بليالي العيد
وانا البارود والشاجور لو تلمحني من بعيد.....
انا انشاف ماي ونار
اخليلك بكل لحظة تعيش وياي الف تذكار
ادوخك بيه فد تحتار
تشوف الليل بيه نهار
ماتفهمني صدگني انه كل دوب طبع جديد....
جبل گدامك تشوفه ولا ينهز
وطفل بداخلي اعله الحاجة يتعزز
لا تلچمني بحچاية وتدوس بطارفي اتنرفز
تره مثل الجرح من الملح لو جاسه يتفزز
واصيرن ماي يروي ضماك بالطيبة لون تريد.....
مو مسألة وصعبه انفهم
ولا عشگي فد قصة وحلم
تعرف شرايد يانشم؟؟
رايد تفز من الوهم
وتعرف تطيح بلچمتي داويها ويطيب الالم
مثل الطفل وامه مشه متگاود وايد بإيد....
رايح لبيت بلا خوف
ما اكلته النار بيوم ولا ضيعت منه حروف
ولا ضيعت حلم الابو وخلته مگيد مچتوف
كبرن بناته وشيبن شافن الدنيا بلا شوف
عدا يكولن هالوكت والوكت رد من جديد....
حبني اذا رايد تحب بس عوض الضيعته
عمري المشه بلايه عمر
ولون الحياة الشافني وماشفته
طعم السعادة ال بس حلم ظل وابد ماضگته
مهري حياة بلا جرح .. وبلا الم وبلا قيد...
