ممكن تعتبروني طبيب عم يحكي معكن كوني يعني قربت من المرحلة هي ^^ :
كورونا مرض مو خطير بس للان لا يوجد له علاج نوعي العلاج الاكبر له هو ما يعرف ( بالتباعد الاجتماعي) و ( النظافة الشخصية )
النظافة ما بتقتصر على كمامة و كفوف الجزء الاهم منها هو غسل اليدين بعناية و التهديد الاكبر هو لعبة تعرف عند الجميع بـ ( الورق ) او ( الشدة ) لان الورق عم يلف بين اربع اشخاص و انت مو ضامن هاد شو كان عم يعمل او هداك او اذا ايديهم مطهرين بس فيك تلعب بينك و بين عيلتك لانه انته في نفس الوسط و بتعرف مين طلع و طرقهم الوقائية...
مدة بقاء الفايروس على الأسطح هو 17 ساعة و مدة ظهور اعراض الفايروس 14 يوم ...
خطر الفايروس الاكبر هو على الذكور لان معظم الذكور المتعافين فقدوا قدرتهم على الانجاب و ذلك لشدة ارتفاع حرارتهم يعني انت خاف على مستقبلك و مستقبل زوجتك معك و مو كل شي لعبة ...
الناس اللي بكون عندهم امراض سارية متل : ربو ..سكري و الى اخره
معرضين لانه تواجههم صعوبات اثناء الاصابة و ممكن ترتفع نسبة الخطر على حياتهم بس. كل شي متوقف على المناعة
الاطفال يصابوا بالفايروس بس كون مناعتهم قوية بينقلوا المرض لاهاليهم مع الاسف ..
اي حدا عم ينصح بزنجبيل او بقدونس و انه اليانسون يشفي من المرض هاد كذب الامر متوقف على مناعتك و بما انه المناعة مهمة فكوب مي ساخنة مع عصرة ليمون كافي لتنشيط الجهاز المناعي و فيك تقول انه فيتامين C بشكل عام مفيد
عندك شي اسمه خمس دقائق شهيق و زفير عميق لمدة خمس دقائق صباحا و مساءا كافي لتنشيط الجهاز المناعي و اهم شي الصحة النفسية و انك راضي و ما تدخل بتفاصيل المرض انت واجهه من برا و ما في داعي تدخل في تفاصيله لان صحتك النفسية بتأثر
الحوامل ما طلعت اي دراسة بتقول انه هنن اكثر عرضة للخطر او اي شي و بكرر الشغلة شغلة مناعة و نظافة شخصية و التزامك بالتباعد الاجتماعي و تعليمات وزارة الصحة ببلدك
و قبل ما انسى الاركيلة او النبريش حسب شو بتسموها في بلدكم بس هي طامة كبرى يعني مو بس المبسم اللي بينقل المرض فيك تقول انه كلها بتصير اداة ناقلة للمرض حتى الدخان اللي بيطلع منها ...
كبار السن هم اكثر عرضة للخطر لانه بتكون مناعتهم ضعيفة وهم من ذوي الامراض السارية متل ما قلت من قبل
و اذا عم تتعامل بالمصاري او حدا من قرايبك بشتغل بالبنك فانا بنصحه بانه يلبس كفوف لانه ما بيعرف اذا كان في واحد عطس عليها او بزق ما حدا بيعرف لهيك ياخد حذره الحذر مهم
بس المهم هلق تخاف على نفسك واهلك و تقعد في بيتك و التزم بالتعليمات و حاول تطبق اللي قلتلك عليهن و انشالله بشوفكم بخير و ما يصيبكن شر ^^
