صدفة

الحلقة السابعة

اييييه كيما قلتلكم كنت نقرا هذاك الmodule عند عمتي و les autres نقراهم نورمال فالجامعة لحق ال week-end كنت نقي فالدار عييييت بزاف و كنت نتفكر هذاك الاستاذ كرهة حياااتي حرملي م لي كور و السبة معلاباليييش طيبت لفطور .... بابا فالصالون و يما تنقي فزريعتها فالجاردان و انا كملت كلش روحت عند خاوتي لفوق
انس: حمد الله كي شديناك هنا عندنا يا لعزيزة
(خاطر مكنتش كامل نقصر معاهم كنت خايفة نعاود السنة علاجال الmodule هذاك كنت نقراااه وحدي عند عمتي نجيب لي كور جبدة ندخل لدار ندير واش ندير و نرقد سما خاوتي قاع نسيتهم و لوكان كشما يروحلي علابالي بابا يزوجني 🥺)
اكرام سمعت لخويا و جات مام هي
اكرام : هند واشبيييك مهمومة
انس: هند حكيلي ياك انا خوك لكبييير واش كاين
انا: واااالو القراية واعرة شوية و راني خايفة بابا كشما يديييير لوكان تروحلي السنة
انس: علاه ياك انت شاطرة تقراي نورمال
اكرام : هييييه صاح او زيد ان شاء الله انا تان ندير طب مور الباك نولو نروحو كيف كيف
(سمعت هكاك طاحتلي دمعة و بكيييت )
انس: ختييي واش بيييك غير الخيررر واش كاااان
انا: والو
اكرااام : واقيلا هذاك نهار جا لي قلتي حتحكيلنا فييييه احكي شا صارييي
(انس مسحلي دموعي و ضمني لييييه )
امبعد حكيتلهم الاستاذ هذاك واش دارلي ....
انس: نروح عندو نكسرلو راسسسووو مهبول هذا .. جامعة تع باباه واقيلااا اشكي بيييه
انا : منقدرش ،لوكان يسمع بابا يحبلني مالقراية ... بابا او تعرفو
اكرام : انس نروحولو لحركي هذاااا
(بدييييت نضحك )
انا: لا لا خلاص راني نقرا عند عمتي كل ما جي ساعتو باش نراطرابي شوية
اتس : ختي كشما تسحكي دبزة قتااال و لا ، خوك راو هنا
اكرام : مان انا راسو نرقليييه 💪💪💪
(كي كانو اهدرولي صونا تيليفون تاعييي و كانت لي تقرا معايا لي عيطتلي )
انس: ارفدي
انا: آلو وي سماح
سماح: هند واش راكييي صافا
انا : الحمدلله ، خييير ؟
(علما انني مامدصرة حتى وحدة ،نمشي وحدي نروح او نولي وحدي)
سماح : لبارح كي خرجتي ، ياك كان عندنا الستاذ هذاك لي ديما احاوزك ... راو سقسا عليك ، جاعندي قالي ، الانسة لي هنا وين راهي ... راهي قريب ماجاتش اكثر من 7 حصص
(خاوتي كانو يسمعو)
انا : واش دخلو ياااك يحاوز فيا
سماح: لا قالي قوليلها جي و لا نديرلما rapport
(خلعاتني يحاوز اومبعد يدير رابور .... 😟)
انا : خلاص نشوف واش ندير ،مرسي
سماح : بلا مزية (و كوبات)
................
انس شافني روحت فيييها و قالي نجي معاك
و انا روحت فيييها عييت ما يذلني
اكرام: ختي تاخذي رايي روحي و شوفي
انس : وي صاح و نجي اذا كش ما دار نكسرلو راسو جد بابا الحلوف
انا (نضحك) : ههههه خلاص نروح غدوة عندي الكور اول ساعة نقراه نشوف الحالة
(دربتها قصرة هعاهم فطرنا ، تعشييينا ما حسيت لوقت كيفاه جااااز)
غدو من داك روحت الجامعة (كنت عيانة شوية لييييل كامل و انا نخمم واش راح يقولي)
لحقت حكمت بلاستي و جات عندي وحدة : حتقراي عندو ؟
انا : وي علاه لالا !!
خزرت فيها و راحت
.........
جبدت التيليفون تاعيييي و دخل الاستااااذ و شافنييي و قعد يخزر فيا
و جا عندي
(ا يما حبس قلبي واش يدييير ، و كامل اخزرو )
الاستاذ: انسة !
انا : (نضت) انعم ؟
الاستاذ : اتفضلي برا
(لا لا ماشي لهذه الدرجة مرقها ، يعيطلي اومبعد احاوزني ، شوفت فيييهم اضحكو عليا رفدت قشييي نبكي و خرجت )
خرجت و طحت فليكولواااار نبكييي حتى وين نشوف الاستاذ لعزيز تبعني ، تشوكيييت كي شفتو .... جا
عندي و قالي : ..... 《يتبع》