قصتي الجديده بعنوان: جعلك الله سبب في هدايتي
الجزء الاول :مريم: هههههههه والله يا هبه انتي عسل
هبه : طول عمري يا حبيبتي بقولك ايه مش هنخرج مع الشله انهرضه ولا ايه
مريم : طبعا انا اصلا قولت لسيف يودينا دريم برك
هبه: الله بقا هنهيص يابت
مريم : طبعا يابنتي
هبه : ههههه طب بقولك بقا هتعملي تسريحه ايه والبسك هيكون ايه
مريم : ده بقا خليها مفجأه يلا خلينا نروح سيف وصل هيوصلني لحد البيت تحبي تركبي
هبه: لا خالد هيجي يوصلي يابنتي انتي عرفه بقا انه بيتعصب لما بكون معاكم بيغير
مريم : هههههه سيف كده برضوا طيب سلام
سيف : ميرو حبي
مريم : سيوتي ازيك وحشني ياحب حياتي
سيف: انتي اكتر والله مستعده انهرضه هنخرج دريم برك وهنهيص يابت
مريم: طبعا مستعده ياقلبي
سيف: طيب احنا وصلنا اشوفك بليل يا حياتي
مريم : منتظره بفارغ الصبر يا روحي
الام : ميرو حبيبتي انتي رجعتي
مريم : ايوا يا مامي
الام : طيب يابنتي روحي غيري هدومك وتعالي كلي
مريم : ماشي يا مامي ماما هي ايه الدوشه ده
الام: مش عرفه يابنتي تعالي نشوف
مريم : دول جران جديده بس مزعجين اوي والله
الام: جميل بعد ما يخلصوا نبقي نروح نسلم عليهم ونجبلهم هديه متوضعه كده
مريم: هديه ايه بس يا ماما دول مزعجين اووي
وبليل تسمع مريم صوت لا تعرفه صوت جميل فتقول
مريم: وااااو صوت مين ده مش ده برضوا قران ولا متهيئلي
فتنام مريم علي هذا الصوت العذب وفي الصباح ترتدي مريم بنطلون جنز وبلوزه ورديه قصيره جدا واكمامها مرفوعه وكانها علي الموضه وشعرها البني الامع الطويل وترتدي حذائها الوردي وتنزل لجامعتها وفي ناحيه اخري يقف يصلي بين يدي الله ويدعو ربه كثيرا ويبكي خشوعا ويدخل عليه والده ويقول
الاب: بارك الله فيك يا محمد والله يابني ابوك مش كده خالص ربنا يحميك يابني
محمد : يارب يا بابا يارب والله بفضل الله ثم فضلك علي مكنتش هكون كده خالص الحمد لله علي نعم الاسلام وكفي بها نعم والله
الاب: الحمد لله يلا يابني مش هتنزل شغلك ولا ايه
محمد : هنزل يا بابا حاضر هلبس بس
الاب: ماشي يابني
يقوم محمد من مكانه ويرتدي ملابس الازهر والقبعه بيضاء وحذاء اسود وينزل الي عمله محمد يعمل مدرس اوصول دينيه في مدرسه الازهر فيلتقي بصديقه احمد
احمد : محمد باشا ايه ياعم اخبارك والله الحته نورت بيك
محمد: حبيبي يا احمد والله بخير بفضل الله وانت يا باشا
احمد : الحمد لله يا محمد والله
محمد: ايه جديدك يابني
احمد : انا في التوهان يا محمد والله
محمد : كام مره قولتلك بتحبها روح اخطبها
احمد : للاسف انا مش مؤهل خالص
محمد : توكل علي الله فهو حسبك
احمد : هشوف يا محمد بس ياريت وقتها تيجي معيا
محمد: من عيني يا حبيبي يلا بقا عشان اتاخرنه اوي
احمد : يلا
يذهب محمد للبيت بعد العمل لاكنه يصتدم صدمه قويه جدا بمريم التي كانت تجري فتقول مريم
مريم: متحاسب ياعم انت اعمي ولا ايه مش تفتح وانت ماشي
فينظر محمد لها ثم يزيح نظره عنها بسرعه غاضا بصره ويقول
محمد في هدوء: انا اسف يا انسه
وينصرف محمد محرجا بينما تغلي مريم من الغضب الشديد وفي الليل.
