خايب يمه تعال ألبس بجامتك
صاحت الام أمينه على وليده
مااا مااا ما أريد
هذا جان تاي ابو طيز الطالع يگمز منا ومنا
أمه خطيه حامل وتعبانه وتركض وراه من صفحة الصفحة تريد تلبسة بجامه وهوه ما يقبل ضال عري
چا يمه تضلللل طرزااان ولك شلعت گلبي دتعال هنانه
گامت أمينه على حيلة ولگفت تاي من أيدة
جرته عليها تريد تلبسه بجامته وچان يعضها من أيدها
اااخخخخ خايب شماالك انچلبت دعوووف أيدييي
ضلت الامايه تكفخ براس تاي حته يعوفها وهو ضال معرت بأيدها
گرصته من طيزه ياله عافها بس ضل يبچي ولزم مكان الكرصه
تاي : عااااااي بابا
خره عليك وعلى ابوك الكواد مللتوني هي هاي هم عيشه الله ياخذني ويخلصني منكم
ضلت الامايه تدمغ على كصتها
فروخها شلعو گلبها وملت من رجلها المحمض بس مهمته بالحياة يعلف وينام چنه چاموسه
لبست أمينه تاي بجامته وأخيراً
وشالته تريد تودي للغرفه يم أخوانه
فتحت الباب ولگتهم ماشاء الله عليهم شلون ملتمين سوه ويلعبون مدري شعجب نازل عليهم الوحي ما أعرف شنو
بحيث حته أمينه انصدمت
هاكم هذا أخوكم لعبو وياكم
أريد أسوي غدة وأنظف البيت قبل لا يجي أبوكم الهايشه
ذبت أمينه بالحجي وچان كل الفروخ تباوع عليها
ها يمه شنو هاي تغلطين على بابا
دخل يجي اذا ما أگله عليج
هذا جان جيمين أبو ملهي راد يستغل أمه وما لگه فرصه ذهبيه غير هاي اللحظه
جان أمه تنطي نظرة من هاي مال
أگوم أشك حلگك
وترد عليه
هوه انته بالأول أنزع الحفاظه من عزك وذب الملهيه من حلگك وبذاك الوگت عود تعال علمني الاداب ابو نغفه
طلعت الامايه من الغرفه وسكت الباب حيل وراها ضل جيمين خطيه صافن على الباب ما يعرف شيگول
هيهي مامه تگلك أبو نغفه
لو ساكت مو أحسلك
حچه جونكوك من يمه يريد يتنمر على جيمين
جيمين : دثكت أثكت احثلك
رد عليه والملهيه بحلكه
ودار وجهه على يونغي يريد يستنجد بي
بس لا حياه لمن تنادي
تايهيونغ : بس هم صدك حچي مامه أشو صار عمرك ٦ سنوات وانته بعدك تلبس حفاظه شني ما تعرف تگعد على القعاده هسه مو هذا جونكوك احسن منك يعرف يروح للحمام
تخوففف
گال جيمين وهو بعينه الدمعه
يخاف يذكر شكل القعاده لانه تعتبر أسوء كوابيسه
تعالو تعالو خل نلعب حجي ضرط
صيح نامجون على اخوته الخمسه يريد يظهر قوته التحطيميه عليهم
الخمسه كلهم : يييي يلاااا
كلهم وافقو على فكرة نامجون وأجتمعو على شكل دائرة
نامجون : ياهو منكم الحجي
تاي : خلي يونغي الحجي
جونكوك : هو صدك حجي
جيمين : لا لا انا
تاي : دروح هو أنته حصرة واحد يحاجيك طلعت نغفتك
جونكوك : يي صدك بسع تبچي
جيمين : لا لا ما أبشي
نامجون : يلا يلا انا الحجي بس صمو حلوكم
_بدو يلعبون _
لزم نامجون عصه بأيده وسوه روحه حجي وضل يمشي علكيف
التمو عليه الخمسه
وكالوله : حجي تريد نوصلك للجامع
نامجون الحجي : يي يوليداتي علواه
گادو الخمسه للجامع المصنوع من المخدات والبطاطين
ودخلو بي سوه نامجون روحه يصلي وهمه وكفو يمه
دنگ نامجون وعفط علساس يضرط
( شلون لعبه معفنه بس همه الجهال يحبونها )
وهمه ضلو يصيحون : حجي ضرط بلجامع حجي ضرط بلجامع
ركض وراهم نامجون بلعصه
وياهو يصير گدامه يگرمعه تگرمع بيها على أبو شقه وجاي نلعب بس كله چذب هو جاي يطلع حرگت گلبه بيهم
كتلهم كلهم وخلاهم يتباچون خطيه
pov أمينه
سمعت الفروخ تصارخ من الغرفه وحسيت گلبي وگفت وجان اطفر من السينگي واروح ركض للغرفه افتح الباب على حيله
ويطلعلي نامجون واكف بلنص وابيده عصه
والجهال كلهم بلكاع يتباجون
هاي شكو شصاار !!!!!
صيحت عليهم
وگلولي نامجون طگانه بلعصه
باوعت على نامجون وتقدمت منه لزمت أذنه ولويته
وللكككك جم مره گتلك ألعب وياهم لا تلعب عليهم همه أصغر منك أنته ليش چلب
نامجون : ماااا ماااا همه غلطو عليه بالاول
عااااااااااا
أمينه : أمشي گدامي احسلك
اخذته سحل للمطبخ
امينه : ضل هنا كاعد يمي لحد ما اخلص شغل واذا تحركت اذاناتك اشلعها خوووش
نامجون : ......
امينه : اذا احاجيك ترد عليه خووووششش
نامجون : خوش 😔
................
وع وع وع محلو كله من وره تايسون 😪😪
