صكر . صباح الخير
الكل. صباح النور
صكر. صبحت على امي وابوي والكل واتريكت ورحت حتى اوصل ابوي وبيبيتي للدكتور بس ابوي ما قبل كال اليوم تجي ناس الديوان اريدك تبقه هنا وبقيت
ابو صكر . يله يمه خلينه نروح يله مع السلامه
ام صكر وصكر ويما . الله وياكم ترحون وترجعون بالسلامه
صكر. رحت للديوان لكيت اولاد عمي (طبعاً خل اعرفكم انا عندي عمام ٢ ابوي الكبير وعمي ابو احمد الوسطاني وعمي ابو محمد الصغير )
عمي ابو احمد عنده احمد ابنه الكبير عمره ٢٧ سنه وهو ضابط وبنت عمي زينب عمره ٢٠ سنه مبطله من المدرسه لان ما اتحبه
اما
عمي ابو محمد فه عنده ابنه محمد عمره ٢٥ سنه ويدرس لغات يريد يصير مترجم وعنده اخو اصغر منه عمره ١٨ سنه بصف السادس ادبي اسمه مجتبى
المهم
طبيت الديوان ولكيت اولاد عمي جايين سلمت عليهم وكعدنه
صكر . السلام عليكم
احمد . وعليكم السلام
محمد. ياهلا بولد العم
مجتبى. كلا الهلا بالشيخ
صكر . وبيكم اكثر
صكر. كعدنه انا و ولد العم وكعدنه نحجي وجابوه سوالف على البنات عدنه هذا محمد عينه زايغه ويدور بنات
احمد. هاا شيخ وين سارح خااااف اكوووو وحده واحنه ما ندري
صكر .🤨
محمد . عوفه هذا معقد
صكر. احسن من ما كل يوم وي وحده
مجتبى . اي شيخ كول اذا اكو وحده
صكر. ولك مجتبى من يمته كبرت وكمت تحجي بهيج سوالف
الكل . ههههههه
اي نرجع هسه للبطله(غزوله)
ام غزل. كومي غزل كومي كافي نوم لج ماما صارت الساعه ١١ كافي
غزل. ما ما ما مااااريد خليني نايمه اليوم عطله
ام غزل . راح اجيب ماي بارد
غزل . لالالا كمت اووووف والله بعدني نعسانه
ام غزل . كومي كافي كسل
غزل. كمت غسلت وفرشت اسناني ولبست تراك عادي وشلت شعري ذيل حصان ورشيت عطر اسمه انا الاسود طبعاً هذا عطري المميز وحطيت مرطب وشويه مسكاره وكمت كلت فطيره واذن الاذان وكمت صليت انا وامي
ام غزل. ماما غزل اليوم جمعه فراح نطلع نتغده برى
غزل. يس كلللللللليش شعجب راح نطلع
ام غزل . انتن البنات شما اطلعن ما اشبعن يله كومي بدلي بين ما اخوج يجي لأن اليوم عنده شغله راح يكلمه ويجي ياخذنه
غزل. اوك ماما صاعده ابدل
بعد مرور ساعتين
ام غزل. اكولك حبيبي ابو غزال ما اتصلت بفقوري اشو تأخر
ابو غزل. هسه اتصل بيه
ام غزل. هاا ما رد
ابو غزل . ما رد
ام غزل . جرب اتصل مره ثانيه
ابو غزل. اوك
ام غزل. هاا شصار
ابو غزل. يرن هااا رد .. الو الو ..
شخص مجهول . انت ابو ذو الفقار
ابو غزل . نعم انا ابوه وينه هو
شخص مجهول. ابنك سوه حادث وهسه راح نأخذه للمستشفى
ابو غزل. هسه جاي انتم وين
شخص مجهول. احنه بمستشفى.....
ابو غزل. اوك وسد الفون
ام غزل. هاا شصاير
ابو غزل . فقوري مسوي حادث
ام غزل. يمه سوده بوجهي ابنيي راح راح مني
غزل. انا دا ابدل واسمع امي تدك وتبجي نزلت كلت اله يمه شببج بويه شكو
ابو غزل. فقوري مسوي حادث انا رايح للمستشفى ابقي وي امج
غزل. شنو يمه اخوي فقوري بيه ولا بيك وراح ابوي للمستشفى
ابو غزل . وصلت للمستشفى لكيت ابني مدد على السديه بس الضاهر ما متئذي حيل بس اكو يمه رجال ومره جبيره بالعمر المره هم مابيه شي بس الرجال حالته خطره ودخلوه لغرفت العمليات وشويه وصحه ذو الفقار
ابو غزل . ابنيي اشلونك خو مايوجعك شي
ذو الفقار. لا بابا زين بس
ابو غزل. بابا شلون صار هيج
ذو الفقار. بابا فجئه دخت وفقدت الوعي وما احس الا السياره دخلت بشي ومن كعدت لكيت الرجال والمره مددين يم سيارتي لان الرجال والمره دا يمشون وانا دخت وظربتهم بالسياره
ابو غزل . رحت يم الرجال والمره الي دعمهم ابني المره زينه بس مكسوره رجله وايده واصابات صطحيه بس الرجال وضعه كلش حرج
نرجع للبطل ..
صكر. وانا كاعد بالديوان انا واولاد عمي جان يتصل عليه تلفون ابويه بس مو صوت ابويه جان يكولي ابوك وبيبيتك بالمستشفى بسبب حادث سير. وانا ما كدرت حتى ارد رحت ركض واولاد عمي يركضون وراي ما يدرون شصاير خذت السويج ورحت لبغداد جان ادخل المستشفى انا واولاد عمي والكه بيبيتي نايمه على السرير و ابوي بغرفت العمليات اطمنت على بيبيتي خطيه ايد و رجله مكسورات وهي مره جبيره بالعمر وبعده حجت الي بيببتي السالفه كله ورحت يم غرفت العمليات انا واحمد وبقه محمد ومجتبى يم بيبيتي وبعده طلع الدكتور اسئلته هاا دكتور بشر اشلونه ابوي
الدكتور.. العوض بسلامتكم ابني
صكر.. لالالا الشيخ فهد اقوه من هيج وكسرت كلشي بالمستشفى واحمد حاول يهدئني بس ما اكدر وكلت والله الا اخذ بثارك ياااا شيخ فهد ورحت ادور على الولد ابو الحادث طبيت للغرفه لكيته نايم و رجال يمه وكمت بيه بوكسات وسحلته من الغرفه وصلت لوسط المستشفى وطحت بيه ضرب واجت الدكاتره وابوه واولاد عمي يحاولون يهدئوني وكلت يصير خيرر احنه رايحين وبعد يومين يمكم وبدل الشيخ فهد اقتل منكم ١٠ ازلام و بيبيتي هم تبجي على ابويه وبعده رحنه للعماره وسوينه الواجب و العزاء
نروح للبطله
ابو غزل وذو الفقار . دخلو للبيت و ذو الفقار حالته هم كلش من الضرب الي اكله من صكر
غزل و ام غزل. ذو الفقار الحمد لله على سلامتك وهنه يبجن
وبعده كعدنه و راح فقوري لغرفته يرتاح و رحت وياه خاف يحتاز شي
ام غزل. ابو غزل شلون صار هيج ذو الفقار يعرف يسوق وهو ما متهور بالسياقه
ابو غول. سولفت اله الي صار.....☝️☝️فوق
ام غزل. ياا عزه العزاني ةشلون هسه ابني اخاف يصير بيه شي
بعد يومين اجه ازلام هوووواي يم بيتنه ومسلحين
طلع ابوي وكال الهم كلشي تردون حاضر وانا تحت امركم بس صدكوني ابني ما متعمد وهذا قضاء وقدر
صكر. احنه ما نريد شي الدم بالدم
ابو احمد. هدي بويه صكر الرجال كال ابني ما متعمد
ابو غزل. احنه باحر الم عمامنه ونحي
ابو احمد. هذا هو خويه
وبعدين راحو الزلم من يم بيتنه وبعد يوم لم ابوي عمامي وشيخ عشيرته وراحو
ابو غزل واهله. السلام عليكم
صكر واهله. وعليكم السلام
ابو غزل. بويه احنه الغلطانين واعتذر بالنيابه ابني و شطلبون احنه جاهزين
صكر. دم الشيخ فهد ما تعادله اموال الدنيه كله والدم بالدم
ابو احمد . هدي ياولدي وكول يالله
صكر. ونعم بالله
شيخ عشيرة ابو غزل. انا عندي حل يرضيةالطرفين
ابو احمد . كول يا شيخ
الشيخ. ننطيكم فصل ٥٠ مليون وفصليه
ابو احمد. موافق
ابو غزل. شنو لا لا لووتنطبك السمه على الارض بنتي ما انطيه فصليه
صكر. انا فكرت كلت اذله واخليه تتمنه الموت
ابو احمد. بس ما امو غير حل يا ابو غزل
صكر. لو تنطينه فصليه لو تسلمنه ركبة ابنك
ابو غزل. خلوني افكر يومين وارد الكم خبر
ابو احمد. ماشي انشاء الله خير
