فصليتي المثيره

16

بسم الله الرحمن الرحيم
اللهم صل على محمد وآل محمد الطيبين الطاهرين
اللهم بحق فاطمه وابيها وبعلها وبنيها والسر المستودع فيها ان تشفي كل مريض وتحل كرب كل مكروب اللهم امين
ونبلش الروايه
قمر:وصلنه للفرع مال اهلي وكلبي كام يدك من الفرح  ابوي امي اخوتي راح اشوفهم
اسد:باوعت لقمر شكلهه كله تغير وصار بي حياه وكانما ورده ذابله ورجعت ازهرت من جديد
رواء:شنو ما وصلنه لان تعبت حيل
اسد:وصلنه خمس ثواني واحنه بلبيت
قمر وصلنه للفرع بلا ما اسيطر عل نفسي نزلت من السياره وركضت  للبيت وصلت للباب شلعته شلع من الدك
ساهر:الله يطرشك عل هل دكه منووو وفتحت الباب😟قمر
قمر:يمه خويه ساهر حضنته واشم بي وشفت امي اجت تركض من سمعت صوتي ركضت وحضنتهه واخوي سامر هم حضنتهم وابجي كلهم بس امي متغيره لابسه اسود والشيب ماكل راسهه
قمر:وين بابا مشتاقتله
سامر:😔
ساهر :ابوي راح يا قمر
قمر :وين راح بس لا يتأخر صدك اجه أسد واخته وياي
سامر :هله بيهم
ام قمر:دخليهم يمه بسرعه عيب من الناس موكفيهم
أسد :دخلت وشفت المنضر يكطع الكلب قمر عيونهه مورمه وحاضنه امهه ونايمه بحضنهه وأم قمر تمسح عل راسهه
اسد:السلام عليكم
سامر وساهر:وعليكم السلام هل بيك خويه
ام قمر:هله بيك يمه البيت بيتك تعال
قمر:تصلو ابابا خلي يجي مشتاقتله
ساهر:قمر
سامر:اي اي قمر درتاحي هسه
أسد :توترو من سمعو قمر سألت عن ابوهه تقربت من سامر وكتله شنو السالفه عمي وين
سامر:ابوي توفه بجلطه بسبب حزنه ها قمر
اسد:شنو الله يرحمه يا ربي شراح يصير بحال قمر بعد هل شي هيه تموت عل ابوهه

ساهر:بابا هوه
قمر:شبيكم بابا وين
ام قمر:يمه ابوج نطاج عمره😢
قمر:ها ماما شنو كلتي
ام قمر:ابوج توفه يا ماما توفه بسبب حزنه عليج وما كدر يبقه بفراكج
قمر:الكلام اجه مثل الصاعقه عل كلبي ابوي مات بقيت ساكته لا ابجي ولا احجي شي مجرد حسيت الدنيا خلص وكفت والوقت وكف اباوع بأهلي يتحركون بس بطئ شديد وبعدهه ما شفت شي غير اني بفراشي حاولو اكل شي مقبلت لسه مصدومه من الي صار
أسد :قمر نصدمت وبعدهه داخت وكعت لزمتهه وشلتهه دخلتهه بغرفته كعدت بس رافضه لا تأكل ولا تشرب يا ربي رواء حاولت وياهه بس هباء كلشي مفاد بس كاعده وفاتحه عيونهه مثل العابه
سامر:اخت أسد الي هيه اسمهه رواء حيل ساعدتني بقمر تحاول وياهه وحسيتهه كلبهه متاذي عليهه ما اعرف شوصف شعوري اعجاب اي يمكن نعجبت بيهه لا ما اعتقد المهم بقت قمر سبوع على هاي الحاله
ومره من المرات جنه كاعدين بلصاله وسمعت صياح اسد

أسد :قمر كافي اصحي عل نفسج لازم تاكلين ميصير تبقين هيج
سامر وساهر:شنو جاي يصير هنا
اسد:حضري نفسج احنه راجعين باجر
قمر:مجرم
أسد :شنو قمر شنو كلتي احجي وخلصيني مردتي كلبي حبييتي
قمر:انته مجرم قاتل
اسد:شنو شديصير يا ربي شهل حجي
قمر انته واحد مجرم لوما دخلت حياتي ما خسرت ابوي وسنين مشفتهم ابوي صارله 3سنوات مشايفته ولا شايفه اهلي  تحملت المر منكم اني اكرهك يا أسد اكرهك
اسد:مصدوم قمر شجاي تحجي  كتلهه قمر احنه نحب بعض شنو هل حجي حبيبتي
قمر:لك ما حبيتك بحياتي اكرهك كره العمه اسمع يا أسد ما اريد اشوفك بحياتي جاي تفهم يا اسد