إختطاف مأساوي ( روايات ليبية )

حلقة 3🔥

#إختطاف مأساوي
💛كاتبة:أميرة محمد💛
...............((حلقة:3))...............
__________________________
عولا:اننت
أحمد:اي اني
وقعد يقرب منها
عولا:ششن بدير وبدت تعيط
احمد جي بجنبها وحط يده اعلي فمها وعولا قاعد فالته عيونها وخلاص
_____
روان خشت حوشهم
روان:سلام عليكم
امها:وين تنسرفي هدا كله زي الكلبه المدوده ودنها يا نسرافه
روان:واللهي بابا ما جانيش وراجيته واتصلت بيه ما جاش روحت
ياسمين اختها: به نوضي طيبي الغدي
روان:منيش نايضه اديري ماديري
ناضت ياسمين ومعها امها عجنوا روان طريحة نباشت القبور
_____
أميره:مش عارفه الناس الي زي هكي علي بناتهم
اخوات ممكن لكن ام عشان حاجه تافها
وماتندريش انها ترمي في بنتها لي التهلكه
....
نرجعوا لي روايتنا
...
ام روان :حقه يا فرخه جو امالي عولا ايدوروا اعليها قالوا ما روحتش
روان:كييف طلعت قبلي
ياسمين:ماتتطلع الاهاربه مع ولد زي اختها
روان:اختهاا؟؟
ام روان فنصت لي ياسمين
وياسمين سكتت
______
في حوش اهل عولا
سميه تبكي:حي اعليا بنتي حي اعليا وين مشت وينها
نورس تهدي في امها
ورولا واقفه هيا وبوها
فوزي:دورت اعليها المنطقه كلها مفيش اي حد شافها
اكيدا يا رولا تعرفي حاجه عن اختك انتي اقرب واحده ليها
رولا تبكي:مسستحيل عولا ادير حاجه اكيدا خاطفينها مستحيل تهرب
اما فوزي فكان مكسور ان عولا تكون هربت زي اختها
_______
روان:ياسمين باللهي اعليك تربحي احكيلي علي اخت روان باللهي انديرلك اي حاجه انضم وانطيب لين امتى ما تبي
ياسمين:امم
روان:باللهي اعليك
ياسمين:سميه ام عولا كانت عندها بنت كبيره موليد 90 اسمها معالي كانت صاحبتي روح فروح زيك انتي وعولا
فكانت تحب واحد وديما كانت تكلم فيه كان حبهم صادق من الجيهتين
فاجي طلبها واماليها رفضوا
امتا كان عمرها 15 سنه
وكانوا بي يجوزوها لي ولد عمها فا هربت معه
وهادي كلها صايره في 2005
ولحد توا ما يعرفوش اعليها حاجه فا عمي فوزي جاته جلطه خفيفه ومن هدكا اليوم تبرا من معالي
وبعد سنه من هروبها تواصلت معاي معالي وقالت انها تزوجته وهيا حامل وانتقلت مع اهله لي كندا وتوا عايشه غادي لكن ما يعرفوا حد اعليها
خشت ام روان:يا بهيمه تعالي
جت روان
ام روان تركها كف
روان تبكي:علاشش
ام روان: كرهتك وهدا الكف فش غلي فيك
______
عولا:يا ناس سعدوني
تعالولي اه
محمد:شن بدير توا
احمد:الي لازم ايصير راح نجبرها عل الزواج وانت اختها تو نضملك امورها
محمد:لالا بلاش لقيت واحده خاطمه عجبتني وعطيتها الرقم
احمد:تم تم
خش لي عولا
عولا:فكني خير ما انديرلك حاجه ما تعجبكش
احمد:كان ما تسكتيش اني الي بنديرلك حاجه
عولا خافت وسكتت وبدوا دموعها ينزلوا شنن تبي مني
احمد:نبي نتجوزك
عولا :ممستحييل
احمد:بي السيف اعليك يا تتجوزيني يا انديرلك حاجه ونقتلك ونقتل اماليك كلههم
عولا سكتت
احمد:خودي وقتك
______
عند امالي عولا حالتهم متأزمه وكبهم يبكوا
______
عند روان
تكتب في الرقم وتمسح تكتب وتمسح لين فالاخير
اتصلت
رد محمد طول
محمد:الوو
روان ساكته وتتنفس وخلاص
محمد:الووو
روان:....
محمد:عارفك انتي كان انتي قوليلي اي حاجه
روان: اي وسكرت طول
بعد ما سكرت محمد دار الرقم في كاشف الارقام وطلعله اسم روان طارق...
عاود اتصل
ردت روان
محمد:روان
روان:موافقه
محمد: بي ها السرعه
روان سكرت وصكرت تلفونها
______
فاتوا اسبوع وتالته ايام وزي ماهوا امالي عولا ايدوروا في كل مكان
وانتشر خبر ان عولا انخطفت
وروان بدت تكلم في محمد مرا مرا وقالتله كان بتجي تخطبني ان موافقه وحكتله علي ضلم امها ليها
ومحمد قلها ناوي الحلال
وجي لي عمي طارق وهوا بوها
وطلب ايديها
قال طارق شور شور البنيه
وروان وافقت طول
ونست عولا من للاخير
بعد يومين اقروا الفاتحه لان محمد حاجز من قبل ليهم ودارها سبله عشان يطلعها من ضلم امها
وطبعا في نفس اليوم روان مشت المزين ولبست فيلوا بسيط وداروا حفله صغيره
وامها فرحانه زي واحده ضرتها ماتت
جي محمد روح بي روان
وفاتت ليله عليهم زي العسل
وتاني يوم سافروا لي كندا
_____
بعد يوم بزبط
((موقف المقدمه))
كنت نجري بي هستريه علي امل حد يلقاني او سيمعني
ونزيد نجري ونعيط
لين حسيت بي ايد حط ايده اعليا وحضني
احمد:بتهربي وبتخليني
عولا:بديت نبكي وشهقاتي بدت تقوا
قبل ساعه
احمد يكلم في محمد اسمع توا بنصكر بنمشي نجيب حاجات من السوبر ماركت
عولا كانت مقعمزه في الدار وسمعاته وطبعا الروشن مافيشي حديد
خلت احمد طلع وخدت شراشيف امتع السرير وربطتهم في بعضهم ولوحتهم من الروشن وبدت تنزل بي الشويه لين في نهاية الشرشاف طاحت
عولا:وهه ضهري ناضت بي الشويه
وقعدت تجري وتعيط في الشارع
واحمد كيف طالع من الحوش لانه كان في الحمام الي بره وشاف عولا تجري بدي يجري وراها لي شدها وردها لي الحوش
احمد قعمز عولا عل الكرسي
وراها فيديو حد يصور في حوشهم وخواتها
هيا شن قررتي
عولا:ءءء

يتبع...