عافوني ودعيت من الله يتذكرون
وذكروني ودعيت من الله ينسوني
من تواضعت ذلتني كل الناس
ومن تكبرت عالراس خلوني
ابيض من صرت كرهوني كره الشيب
صرت اسود مثلهم وحشي سموني
حجيت الهم صدك رجموني مثل بليس
بس من جذبت جبريل سموني
كلب الشعره ابيض عوف سر الليل
وين الكالي وادم ما يصبغوني
اليلكه بوجهي شامه شما يريد انطيه
مدري شلون طلعت شامه بعيوني
ناطيهم وجه بي تحلم مرايات
وناطيني ظهر بي تحلم متوني
اضوج من السواد واحترم عاشور
ركز موكب اسود تلكه بعيوني
