ميمي حب العمر 🕊️💞

البارت الآۆلْ 💕

راح نروح لبغداد ممصدكه صار شكد مرايحه حيل مشتاقه لبيت جدوو ☹️💔

جزء من القصه تابعوا ✨
________________________

اني مريم عمري 16 من بابل ادرس ثالث متوسط لان تركت سنه حنطاويه طولي 155 وزني 50 مو سمينه ولا ضعيفه حيل شعري طويل عيوني سود خشمي صغير حلكي عادي عندي اخت وحده والي هي سرى عمرها 17 واخوان ثنين محمد ومصطفى محمد بالرابع ابتدائي ومصطفى ثاني ابتدائي. طبعا عايشين ويه ماما وبابا الله يحفظهم النه.
(بالبارتات الجايه ح تتعرفون ع عائلة بطل القصه)...
_________

الام: لج ماما تعبتيني كومي يلا كافي نوم صارت بـ9 بعد منلحك نروح لبغداد
سرى: اي ولج مريم كومي حتى نحضر ملابسنه
مريم: فزيت شنو وشوكت وشلون ووين
سرى: هاي شبيج مريم كومي كعدي حتى نروح لبيت جدو ببغداد ونزور الامام الكاظم (ع)
مريم: ماما لعد ليش مكلتولي من البارحه جا تحضرت
الام: مو كلنه اني وابوج نسويلكم مفاجأه حتى نونسكم بعطلة نص السنه
مريم: ياي اي والله اليوم اول يوم بالعطله مال نص السنه
الام: يلا كومن بين ما اسويلكم ريوك
مريم: اوك
سرى: اوك ماما
مريم: راح نروح لبغداد ممصدكه صار شكد مرايحه حيل مشتاقه لبيت جدوو ☹️💔
سرى: اني هم والله لج يلا كومي سبحي ح يروح علينه الوكت
مريم: اي فتهمنه
طبيت سبحت وكملت حاطه الخاولي ع راسي طب اخويه
مصطفى: مريم يلا انزلي منتضرينج على الريوك
مريم: يلا امشي
رحت اني والخاولي مالتي حتى ممشطت
مريم: العائله مجتمعه
الام: تعالي حبيبتي تعالي تريكي اكيد هسه جوعانه
محمد: ماما اصلا مريم 24 ساعه جوعانه مو سالفه جديده 😂😂
مريم: احم احم هذا منو ديحجي الي 28 ساعه ياكل
محمد: هو اليوم 24 ساعه منين جبتي 28 ساعه 😒
مريم: كيفي 😏👊
الام: مكملتوا معارك يلا تريكوا
مريم: كعدت ع السفره
بابا صدوك شهالمفاجأه الجميله والصاكه مثلك
الاب: ولا تبطلين سوالفج
مريم: اي غير الطف الجو
محمد: ولا تكعد راحه اياد راضي
مريم: 😒😒👊
....
كملنه اكل كمت اني وسرى نلم المواعين حطيناهن بالمطبخ
مريم: (دااركض ع الدرج) سرى حبيبتي غسلي المواعين من يمج اني داريد امشط
سرى: لاا بلا اني هم داريد ابدل
الام: روحن بدلن اني ح اغسلهن
مريم: ايلافيوو ماما
سرى: فديت امي
....
كملنه تبدلين وكشخنه واكفه اني وسرى ع المرايه
مريم: سرى تدرين دااحسدج لان عندج اخت مثلي
سرى: وييع ليش بلا 😂😒
مريم: اشو هم جمال واخلاق..
سرى: اهوو مريم شو دكافي
مريم: كبر متتحملين شقه عابت 😒👊
طب مصطفى
مصطفي: ماما تكول ماكملتن نريد نروح
سرى: اي روح جايين
مريم: يلا روح ابو الاخبار 😹
..
نزلنه جواا
سرى: بووياي شهالجمال بابا
مريم: يمه فديت ماما تخبلين يروحي
الام والاب: يلا امشن صعدن بالسياره ما ضل وكت
..
صعدنه بالسياره
الاب: وصلنه بغداد
مريم: (كمت اباوع الجوو يختلف ببغداد تخبل بغداد)
بابا عود ليش بغداد تختلف عناا وحلوه هيج
الاب: هي هاي بغداد كلشي بيها حلو وناسها طيبين
سرى: تخبل العاصمه
مصطفى: شنو عاصمه؟!
مريم: ههه حبيبي يعني مركز العراق وكلشي يكون بيها
مصطفى: اهاا
....
وصلنه لبيت جدوو
الاب: يلا نزلوا

(طبينه لبيت جدو+عمي الجبير بهالبيت)
سلمت ع جدو وبيبي وعمي وعمتي وبنات عمي وكلهم

ساره (بنت عمي علي الجبير عمرها 16 بكدي)
ساره: لج حقيره مشتاقتلج لا تسألين لا شي
مريم: خااب متدرين بيه امتحانات نص السنه واليوم يلا ارتاحيت
ساره: اي ادري وخاصتا الثالث صعب
مريم: اي كولش صعب
ساره: الله كريم
مريم: ونعم بلله
....
مريم: بيبي شسالفه مامشتاقتلنه
بيبي: يا يبيبي شلون ممشتاقتلكم مشتاقتلكم بكد رحمة الله
مريم: فطيت فطيت بيبي الكيوت
بيبي: نوب عليه كيوت
مريم: 😂😂
....
اني عندي 3 عمام عمي علي وعمي حسام ببغداد وعمي امجد يمناا بالحله
....
عمي علي عنده 3 ولد و2 بنات
الولد فهد(18)وجلال(20)واسد(19)
والبنات ساره (16) وغدير (17)
....
اما عمي حسام عنده بس ولد واحد وبنيه وحده
الولد سجاد (20)
والبنيه نور (17)
(عمي حسام ببغداد بس مو كاعد بالبيت مال جدو كاعد بصف بيت جدو)
....
عمي امجد عنده ثنين ولد وثنين بنات
الولد عباس(13) وحسين(18)
والبنات زينب(15) وفاطمه(15) توأم
________
نور: اي عيني مريم شخبارك اشو ماكو وين ملتهيه
مريم: (بكلبي.. اهوو هم حجت المسمومه) لا حبيبتي مو دوام وكذا مشغوله شويه ف ماكدرت اتواصل وياكم
نور: اهااا اي التوفيق عمرري 🙄
جدوو: لعد وين بيت امجد شنو ميجون
الاب: لا هسه راح يجون بالطريق مساعه خابرتهم
جدو: خوش خوش
...
اجو بيت عمو امجد
سلموا وكعدوا وصارت ضحك وسوالف
..
عمو امجد: لعد وين الشباب
عمو علي: هسه يجون طالعين
عمو امجد: اها تمام
عمو حسام: اي بنيتي مريم شلونها دراستج ان شاء الله زينه
مريم: زينه عمو نشكر الله
نور: اي بابا مريومه شاطره 😏
مريم: (بكلبي.. اي مبين من ملامحج) تسلمين حبيبتي
عمو حسام: اي لعد تعلمي من عندها
مرت عمو حسام: هه لعد شبيها بنتي هم شاطره وعين البارده عليها
ويه الحجي دخل ابنها سجاد
سجااد: السلام عليكم
الكل: وعليكم السلام ورحمة الله وبركاته
(سجاد كام يسلم عليهم وكعد)
الاب: شلونك وليدي سجودي
سجاد: بخير يعمي انته شخبارك مشتاقيلكم
الاب: جان امتحانات نص السنه وما كدرنه نحجي وياكم
سجاد: اي هم صدك
شلونهن بنات عمي
كل البنات ما عداي: تمام انته شلونك
سجاد: دومجن
لعد وانتي مريم شلونج
مريم: (اهوو شكد مكروه هو واخته) زينه 🌚
سجاد: دومج
جدو: ولكم سجاد وين راحوا الولد
سجاد: جدو شمدريني اني اجيت من بيتنه
جدو: روح شوفهم مو عيب عمامك موجودين وهم ماموجودين
الاب: بويه عوفهم خاف عندهم شغل شي
ويه كلام بابا اجو الشباب (ولد عمي)
جلال واسد وفهد: السلام عليكم
الكل: وعليكم السلام
جدوو: وين جنتو؟!
جلال: جدي والله جانو اصدقائنه موجودين وهسه يلا فرغنه والطريق ازدحام
بيبي: عوفهم يكاظم شعليك بيهم شباب وحرين
جدوو: متشوفين عمامهم موجودين وهمه مو بالبيت يم اصدقائهم
فهد: خااب صكد جذب جدييي بعدد متنعاد وداعتك
جدوو: خوش
....
صبوا الغده وتغدينه وكل واحد راح الغرفته
ساره وغدير: ولجن بنات مرييم سررى تعالن تعالن لغرفتنه
مريم: خير ولج ليش تحجين ع كيفج
غدير: هسه امشن
سررى: شكوو؟!
ساره: اليوم منخلص امشن دنكلجن
مريم وسرى: اوك اوك
......
______________________________________
°°°°°°°°°°°°°°°°°°°°°°°°°°°°°°°°°°°°°°°°°°°°°°
"القصه خيال"
(950كلمه).
{الشمريه}