ميمي حب العمر 🕊️💞

البارت الثالث ✨

تابعـوني تيك تووك
10___m.b

شكد يسألوني ؏ــليك
وآنطي وآخذ بـ الحچي ومآ آنطي بيك 💛
......................................................................
الجده: منهو روميو وجوليت؟!
فهد: اااا شسـمه اا
اسد: جده ذوله فهد يتابعهم بالموبايل واليوم متزاعلين
فهد: اي اي صح
جده: فهيد انت يرادلك مريه تلزمك صاير تباوع افلام ومسلسلات
فهد: بيبي عمري 18 كولي ياالله 😂
جده: لبعمرك عنده 4 جهال
فهد: جده اني مااريد اتزوج هيج الا احب وحده وتحبني 😌
جده: اسكت فهيد اسكت
فهد: سكتنه
.....
مريم: كاعده يم ساره والبنات بالصاله احجي وياهن وكذا وكلما اصد هناك الكه سجاد يباوعلي صدك مليت من نضراته
كلت لساره كتلها اكولج وين امي وعمتي
ساره: يم بيت جيرانه
مريم: ليش شعندهن
ساره: مو اكو مره مريضه وطابت راحن يتحمدلها بالسلامه
مريم: اها
شويه واجن امي وعمتي وانوب رحنه للمطبخ نحضر العشاء صبينه واخير شي دااصب بالمي واجيت اخر وحده بالسفره ماكو مكان اكعد ساره سوتلي مكان وكعدت كمنه ناكل وكملنا ولمينه لماعين ودنغسلهن عمتي ماقبلت اغسل بس اني اصريت كتلها مو غريبه اني بقيت اني وساره دنحجي واني داسوي جاي وهي بقه كم ماعون دتغسل بي
ساره: اكولج شبي سجاد؟
مريم: مدري نضراته ماارتاحيتلهن
ساره: اكولج تراا هو من زمان يحبج
مريم: حبته حيه ام راسين
ساره: اكول ترا بس امه واخته مكروهين هو حباب
مريم: مااحبه
ساره: مخبله ترا صاك ويجنن
مريم: اخذي الج يلا كملت رايحه اودي الجاي
رحت لهناك كام سجاد اخذه مني وكلي روحي انطيته نضره ورحت
ساره: يلا امشي فوك يم البنات
مريم: اوك
صعدنه هناك ودنحجي ويه البنات اباوع سرى ماهي
مريم: ساره وين سرى
ساره: مدري
فاطمه (بنت عمي امجد): راحت نزلت جوه مدري منو صاحها
مريم: اها
....
سرى: طبعاا من رحنه لبيت جدو كولش جنت فرحانه لان مشتاقه لبنات عمي وعمامي ف طول الكعده جنت اشوف جلال شلون ثكيل ورزن ودائما يعجبني حركاته بالاحرى اني معجبه بي هو هم جان يباوعلي بس اني من يباوعلي اسوي نفسي مشفت والهي نفسي حتى ميشك بيه اباوعله اني ف من خلصنه غده اني والبنات صعدنه فوك غدير كلتلي
غدير: اكلج شبيج مو ع بعضج
سرى: اني لا ابد مبيه شي 🙂
غدير: اها مدري
سرى: عزا معقوله شكت بيه لا شنو مكلت شي وحتى ملمحت اني المهم سمعت واحد من ولد عمي يصحلي كلت الغدير اشوف منو يصيحني نزلت جوه محد يصيحني دااصعد الدرج اريد اطب للغرفه مال البنات جان واحد يجرني من ايدي شفت جلال عزاا ردت اصيح جان يصم حلكي كتله شكوو
جلال: شبيج شفتي وحش
سرى: لا لا مو هيج بس جفلتني
جلال: زين
سرى: شكو شنو ردت مني بعدين هسه اذا احد صعد شيكول علينه
جلال: يمعوده هسه شمسوي شنو واذا صعد قابل بغرفة النوم طب علينه
سرى: طبعاا اني نخلست وخجلت وضليت بس اباوع عليه وانزل راسي
جلال: هسه معليه اني ردت شي منج
سرى: هزيت راسي شنو
جلال: قللي الضحك مالتج والكعده
سرى: ضليت اباوع عليه مدري فرحانه مدري مستغربه
كتله ليش شمسويه
جلال: كتلج الضحك مالتج نصي وكعدتج عدليها
سرى: هزيت راسي
جلال: هسه روحي
سرى: اني طبعاا مطببت للغرفه كبل رحت للمطبخ لان اذا شافني البنات هسه يضلن يسئلن ويخبصني لان اني فرحانه مدري خجلانه 😹
صعدت فوك للغرفه يم البنات
مريم: وين جنتي عيني
سرى: اا جنت بالمطبخ
مريم: جنت اني وساره بالمطبخ مموجوده
سرى: لاا مو صاحوني ونوب رحت للمطبخ
مريم: اوك
سرى: عزاا خفت حيل همزين لحكت على نفسي
.......
مريم: اجت سرى واني اعرف وجهها بيها شي بس مترسد تكول ف كلت بعدين اسئلها
كعدنه نسولف شويه كالو نزلن بنات نزلنه جوه كالن تعالن نريد نشوفجن مو بس تحجن ي
ضلينه كاعدين ضحك وسوالف ف اني كلت لبابا
مريم: بابا شوكت نروح للامام الكاظم (ع)
الاب: ان شاء الله عكب باجر
مريم: ليش مو باجر
الاب: بكيفكم شوكت متردون نروح
مريم: باجر نروح
الاب: الله كريم
مريم: صارت بـ12 ف نعست كولش لان كاعده من غبشه رحنه فوك اني والبنات فرشنه ف جبت فوني كاعده اكلب بي لان متعوده حتى لو نعسانه لازم اشوف بالفون شكو ماكو واكلب بصور ميمي وانام
ف جنت دااكلب بصور ميمي واركز بملامحه الحلوه
راسلني واحد من رقم غريب راسلني ع الفايبر طبيت
ف اجاني اختيار كلي اضافه جهة اتصال لو اضهار لو اخفاء صار عندي فضول اعرفه منو ف سويت اضهار بس مجرد اشوف الرسائل جان يكلي

هلاو انتي مريم 💬
اي نعم مريم تفضل 💬
*طبعا جان مخال صوره*
كلي
اها شلونج مريم 💬
تمام بس منو 💬
شعجب مو نايمه مو كلتي نعسانه 💬
*شنو شمدري هذا لازم هذا جان بالبيت*
كيفي انته منو وشمدريك نعسانه؟؟؟! 💬
لتعصبين اني سجاد 💬
اها سجاد نعم شرايد بلا زحمه 💬
مرايد شي بس كلت شعجب مناينه 💬
ههه وانت ويايه بالغرفه وتعرفني منايمه 💬
ياريت وياج بس كلبي كلي 💬
احترم نفسك شنو ياريت 💬
مقصدي شي بس كلت احاجيج واطمأن عليج خاف رايده شي 💬
شكرا ومرايده شي واتمنى تحذف رقمي 💬
هه اذا حذفته من الموبايل رقمج ف عادي يبقى بكلبي 💬
سجاد مبيه حيلك وكلي منين جبت رقمي 💬
جبته من كلبي 💬
خلي كلبك يفيدك 💬
بلوك 😴💬
انطيته حضر بس ضليت افكر منين جاب رقمي
كلت خلي يولي ونمت
كعدت الصبح محد يمي غسلت وجهي وبدلت ملابسي ونزلت
صبحت عليهم
مريم: صباح الخير جده
الجده: هلا مريومه هلا شهالصباح الحلو
مريم: فدوه جده حياتي
رحت تريكت بالمطبخ لان الكل متريك لان اني كاعده متأخره كعدت ب 11 هم يتريكون من وكت ف رحت للمطبخ اكلت كملت وغسلت كاعده ع الطاوله الي بالمطبخ اكلب بالفون  طب فهد
فهد: هاا الفاره كاعده اليوم من الصبح
مريم: عليه
فهد: لا على جدي
مريم: الا اروح اكول لجدي
فهد: لا تعالي يولل دااشاقه
مريم: تشاقه متشاقه ماادري تنطيني حبشكلات لو اروح اكول
فهد: صايره قويه الفاره
مريم: ميخالف ميخاااااالف
فهد: شكد تريدين
مريم: اممم من ايدك الله يزيدك
اشو ديطلع ربع وانطانيا
فهد: هاج حبيبتي
مريم: شنو كلولك عليه طفله مثلا + (فهد مثل اخويه ف عادي يكلي حبيبتي لان اني وياا كلش اصدقاء واخوان)
فهد: لعد شنو كلولج عليه مدير شركات هو اني الله مطيح حضي وبس هالربع بجيبي
مريم: فهودتتي رجع الربع مااريده
فهد: اول تالي متردين فلوس
مريم: اي مااريد
فهد: فدوه للبنيات
مريم: فهد جدي وين 😈
فهد: ليش
مريم: ركضت كتله كيفي
وجان يركض وراي وجدتي تضحك علينه كتله
مريم: كتله فهد اني اعلمك
فهد: رياضيات لو علوم
مريم: لا اعلمك الفاره شتسوي بيك وغمزتله 😉😂
كتم يهجم عليه يريد يكمشني ف ركضت وجان انصدم عبالك بحايط شلت راسي جان اشوف سجاد عاقج حواجبه فهد باوعله ويكول هلا بالشريك
طبعا اني رحت يم فهد وكرصته من ايده
سجاد: شنو هالهوسه والضحك
مريم: اوو شنو سمعت من بيتكم واجيت
سجاد: مريييييييييييم
مريم: نعم
فهد: هاي شبيكم
مريم: هذا ابن عمك مو صاحي
فهد فتح عينه عليه
مريم: والله
سجاد…...؟؟؟؟؟؟!
______________________________________
°°°°°°°°°°°°°°°°°°°°°°°°°°°°°°°°°°°°°°°°°°°°°°
القصه خيال
بقلمي
الشمريه 💞