صدمات متتاليه 🥀💥

انكسار💔

دا شنو .. انت بتعمل في شنو.. ياخ زح منيي. لاااا..
تييييت تيييت عفوا لو سمحتي.. طلعت من شرودها وتفكيرها.😦..
روان : هاا ااسفه ما انتبهت ااسفه😣..
الولد : 😒ياخ لي ساعه بضرب في البوري وانتي تقولي ما انتبهت وبعدين واقفه ف نص الشارع مالك زحي كدا بعداك فكري في عالمك الوردي دا😏..
روان : دا شنو دا😡.. انت مالك هسي! ياخ شوف شغلك وين.. ااخر زمن شفع يسوقو عربات ويقلو ادبهم علينا🙄..
الولد : هيي لو سمحتي ما تتمادي وانتي ما عارفه قدامك منو🧐..
روان : يا رب الصبر... وكملت طريقها ومشت. كان اول يوم ليها في سنه تانيه جامعه روان زوله مجتهده وتركيزها كلو علي قرايتها وصلت الجامعه ومستعجله..
روان : اوووف من الزحمه والمواصلات ما كان لازم اتاخر اليوووم😞..
وفجأه خبطت علي زول وقربت تقع.. مسكها من يدها..
الولد : بسم الله تااني انتي😳!! يا بت الناس صدقيني بتموتي بحادث🤪.. عميانه انتي! 😂😂.. زحت يدها منو بدون اكتراث وكملت مشيها🙁.!
روان : ااه الحمدلله ما جا الاستاذ لسسه☺️.. قعدت في ااخر البينشاات ومنتظره..
سلااام😎..
روان : وعليكم السلام!! عايز شنو علي..
علي: يا الله منك قلنا نسلم ساي😕 طولنا ما شفناك ووكدا😌 ..
روان : طيب خير😐..
علي: احنا وحوش ولا انتي ما بشر ولا الحاصل شنو يعني😒.. وبقا يعاين ليهاا ومشى منها😪..
.. في الاستراحه..
كانت روان قاعده في الكافتيريا وبتشرب في مويه.. جوها علي ومعاو شلتو.. وكانو عباره عن خمسه اصحاب علي ومحمد وتلاته بنات نوره و محاسن و روعه.. ناس مرحين وجنهم هظار وضحك من يوم اتلمو في الجامعه دي..
روعه : يا بت انتي ما قاعده تاكلي ولا شنو🧐!! يومك كلو مويه مويه🙄..
روان ساكته وبتعاين ليهم😐..
نوره : قومي ارح طالعين ناكل براا في مطعم افتتحو جديد🤪 جنب الجاامعه🤩🤤.. وااي جعت اناا..
روان : شكرا انا ما عايزه اكلت تسلموو..
محمد : يلا ارح يا جماعه خلو السغاله هي ما دايره تمشي معانا👋..
عدا اليوم وكانت متعب وكلو محاضرات رغم انو اول يوم لكن كان كلو جد وخلصو الساعه ٥..
روان : اافف هسي انا احصل البيت الساعه كمم ☹️..ومع زحمه المواصلات ديي😞.. مشت وبقت وااقفه وكل شويه تتقدم بي رجولها وتاني توقف.. وقفت قدامها عربيه وفيها الولد القبيل داك..
ياا مذه😎.. ارح اركبي اوصلك انا ساكن قريب حيكم الشفتك فيو الصباح داك وعشان سلامتك لانو بتسرحي كتير امكن يح.. قاطعتو راون
روان : انت غبي ولا شنو ياخ زح كدا وامشي اعمل حركاتك دي بعيد مني😡..
ولد راكب معاو : ياخ يا مؤيد ارح خلي البت😒..
مؤيد : انت اسكت خلاص ياخ ارح🙄.. ومشو خلوها..
روان : اااه ي ربي.. وواصلت..
منى : هسي ي ربي البت دي وين ما وصلت لسه😥..
اسراء : بتكون قريبه يا خالتي هسي بتجي..
خالتو مني : كدي امشي شوفي الباب امكن دي هي..
سلاام خالتو انا جيت..
خالتو منى : تمام ي بتي اتأخرتي مالك..
روان : المحاضرات كتيره وزحمه يا خالتو😣..
خالتو : خلاص امشي غيري وتعالي الاكل☺️..
روان : انتو اكلو يا خالتو.. انا عايزه اصلي وما جعانه هسي😔..
خالتو : غايتو الله يهديك يا بتي طواالي في الحاله دي احنا🤨..
مشت روان صلت واكلت و نامت شويه😴..
اسراء : يا بت قوومي صلي العشاء بعد داك اتخمدي😒..
راون : طييب طييب.. وقامت تصلي.. غسلت ملابسها وجات غرفتها..
اسراء : روان دايره انوم معاك الليله🙃..
روان : ش شنو! 😮 ي سرو ياخ انا مش قلت ليك ما بحب زول ينوم معاي وغرفتك مالا يعني😥!!..
اسراء : هشش خلاص بس دايره اشوفك الغبيه دي😕 انوم معاك زاتو لشنو! بِس منك.. متوحده ولا مفتريه ما عرفناك🤔..
قامت مشت و روان قفلت عليها الاوضه وقعدت تبكي بحرقه🥺.. اووف ليه ما قادره اكون طبيعيه ليه بحصل معاي كدا😭.. ماف زول فاهمني ما قادره اثق واكون صداقات💔.. اااه ي ربي شيل روحي و ريحني💥..
خالتو منى : رووان ي بت افتحي الباب دا بتبكي مالك!😮..,
راون جرت فتحت الباب ودخلت خالتها وقفلتو..
خالتو : هش خلاص ما تبكي انتي ي بتي لي بتين حا تكوني كدا خلااص انسي الحصل وعيشي على حياتك..
روان : خالتو اعيش شنو انا ما عندي حياة اعيشا اصلا ولا روح اعيش بيها.. انا مجرد طيف عايش بين البشر..
خالتو : ما تقولي كدا استهدي بالله خلااص ارفعي راسك..
راون : يا خالتو حتى سرو شايفاني متوحده ومفتريه لاني ما بخليها تنوم معاي.. هي ما عارفه انو دا كلو عشان انا بهلوس كل يوم بالحصل وما عايزاها تسمع😫...
خالتو : وما لازم تسمع وانتي ما غلطانه يلا خليك قويه واستجمعي نفسك☺️..
بعد مسافه روان هدت وخالتا جابت ليها عصير شربتو وقفلت غرفتها ونامت..
بما انو الكل ناايم🌚 نجي نعرفكم علي روان واسرتها واكيد انتو اتسائلتو وين امها ولي عايشه مع خالتو منى دي..
طيب روان البت الكبيره لي امها وابوها عندها اخوها اصغر منها عمرو 16 سنه اسمو مصعب مريض ومقعد بعد ما اتعرض لحادث قبل 3 سنوات.. ابوها طبيب وشغال في السعوديه اسمو حافظ وامها نجوى سافرت عشان علاج ولدها مصعب.. و روان من فتره الحادث عايشه مع خالتها منى.. ومنى عايشه براها في البيت بعدما اتوفى زوجها و ولدها الوحيد اتزوج وسافر بريطانيا لشغل..رفضت تسافر مع ولدها واصرت تعيش في بيتها الفيو زكريات زوجها والبنوهو مع بعض وهي واختها نجوى وحيدين بعدما توفي اخوهم الكبير و زوجتو و امهم وابوهم الله يرحمهم في الحادث الاصيب فيو مصعب وكان الناجي الوحيد وداخل صدمه حاليا مقعد وما بتكلم خالص.. روان عايشه مع خالتها ومعاهم اسراء بت خالهم الاتوفى.. ولحدي هنااا الصباااح جاا يلا ارح نشوف الحااصل شنوو 😴😂😂♥️..
السلام عليكم ورحمة الله.. السلام عليكم ورحمة الله.. يا رورو امشي صحي اسراء دي التصلي امس شكلها ساهرت شديد..
روان : تمام يا خالتو بصحيها.. ومشت صحتها وصلو و بقو يجهزو للجامعه.. اسراء بتقلب في ملابس روان
اسراء : اتي ي روان.. ملابسك السمحه دي ما بتلبسيها مالك!! امك تشيل وترسل ليك وعصام يرسل (عصام ولد خالتهم منى المغترب) وما بتلبسي ولا قطعه منهم 😔.. اديني ليهم لو ما عاجبنك🤗..
روان : ااف منك ياخ مش ملابسي وبرسلو ليك برضو تاني مالك!!
اسراء : ياخ حقاتي بقو قدام وزاتو الناس حفظوهم ☹️..
روان : 😒..! خلاص شيلي واحده منهم وخلي الباقي ومالك مالي انا بلبسهم في البيت..
اسراء جات حضنتها وفرحت 🤩.. روان بعدتها منها بسرعه و ارتبكت.. ااف سرو ياخ زحي مني شيلي العايزاو واطلعي خليني اجهز للجامعه
اسراء : 🤨 هسي مالك فجأه كان ما ياها عبايتك وطرحتك دي.. خلاص مرقت زاتو. اللبسه بجي اشيلا بعدين عندي بيها مشوااار 🤩🤤..
روان : غوري انتي ومشاويرك التافهه دي 😐👋..
طلعت روان ومشت الجامعه.. خلصت محاضرتين وكانت الساعه ١١ حست نفسها تعبانه وبقت ماشه علي الحمام واستراحه البنات..
مؤيد : اوو ازيك يا برلومه ماشه علي وين حمامات البنات من الجهه ديييك.. واشر ليها علي حمامات الاولاد..
روان : 😒.. انت مالك معاي.. زح عليك الله انا ما فاضيه ليك..
مؤيد واقف قدامها وما زحا ليها.. : اوو يبدو انك عارفه او عملوها فيك امس عشان كدا ما اتغشيتي لي كنت داير ابرلمك..
روان : انت غبي كدا ليه!! ياخ زح يبدو انك انت البرلوم.. العب من القدرك..وجات تمشي منو كدا وقف قدامها تااني..
مؤيد : اووو بس اوع يكون انتي سنيري..
روان عاينت ليو كداا بعيوون خاليه من التعابير وجاات واقعه..
مؤيد : وووب دي مالا هسي.. هيي انتي.، قوومي..
بقى يرفع فيها واصحابو اتلمو.. ارح نوديها الاسعافات الاوليه يا امجد ارفعها معاي..
امجد : للاسف مقفلين في صيانه عشان كدا الا توديها برا الجامعه..
مؤيد : ااف انا الوقفني قدامها شنو اوع يكون انا السبب.. بتكون مالا هسي.. ارح هاك المفتاح جيب العربيه وانا اشوف لو عندها صحبه هنا تمشي معانا..
كانت في بت من القاعه حقت روان.،
البت : عاين روان ما عندها صحبه ولا في زول عارف عنها حاجه.
مؤيد : انتي بتعرفيها وقلتيي اسمها روان طيب ارح معانا..
البت : طبعا لاا.، دي واحده مفتريه اكيد ما حا اضيع محاضراتي عشانها..ومشت خلتهم..
مؤيد : مفتريه!!..
امجد : ارح جبت العربيه شيلا بسرعه ارح..
مؤيد : يا الله.. وشالا وركب معاها ورا وامجد ساق العربيه..
مؤيد خاتي راسها في رجولو وبعاين في ملامحها.. : هسي دا وش مفتريه!!
امجد : قلت حاجه!
مؤيد : 🙂لالا ما قلت شى..
روان بدت تصحصح شويه وكانت بتهزي بي كلمات.. لااا بعد مني..
مؤيد : البت دي بتقول في شنو!! 🤔.. وقرب اذنو منها يسمع 👂..
روان : لاا انا ما عايزه.. لاا ياخ انت بتعمل في شنوو..
مؤيد : بتتكلم معاي ولا بتهلوس يا ربي..
امجد : اكيد ما معاك مالا قالت شنو!
مؤيد : لالا انا زاتي ما فهمت حاجه بس شكلها هلوسه من الحمه لانو حرارتها مرتفعه..
امجد : انزل ارح وصلنا..
نزلوها والطبيب فحصها وقال ليهم انها مرهقه من قله النوم والاكل وبتكون ماره بي فتره توتر..
ركب ليها درب واداهم روشيته فيتامينات وقال ليهم ممكن تطلع بعد تصحى وحرارتها تنخفض..
مؤيد : امجد هاك امشي الصيدليه ديك..
امجد : 😒 وانت مالك ي صحبي!!..
مؤيد : ياخ امشي انا داير اخش اشوفا بقت كيف..
امجد : 😒 تمام جاي الروشيته.. التقول حبيبتك.. هسي بتصحى و تكشر ليك وانت مالك وشنو شنو..
مؤيد : 🙂 انت مالك معاي!..
دخل مؤيد لي روان وقعد جنبها شويه وقام طالع وسمعها بتتكلم تاني..
روان : خاالتو لاا انا انتهيت.. انا ضعت 💔.. عايزه امووت بسس..
مؤيد : رواان.. ي بت قولي بسم الله.
راون : انا خاايفه خالتو حا يحصل شنوو.. انا خايفه..
مؤيد ماسك يدها ويدو التانيه علي راسها بقيس في حرارتها.. : هشش خلاص روان انا جنبك ماف شى بخوف.. مسح ليها وجهها بي منديل مبلل وبدت تصحى شويه شويه..
روان : في شنو! كيف جيت هنا!!
مؤيد : حمدلله على السلامه 🙃..
روان :.. انت!! 🤨.. بتسوي في شنو هنا وانا وين!..
مؤيد : هههيي انا خطفتك 😈وطالب فديه من اهلك.. لكن انتي تعبتي وجبتك هنا شويه وترجعي مخطوفه تاني..
روان : 😫 دا ما وقت هظارك السخيف.. الجابني هنا منو!!.
مويد : يعني ح يكون منو!! عندك صحبات ولا زول عشان يجيبك!
روان : دي ما حاجه بتخصك.. وبقت تحاول تقوم عشان تمشي..
مؤيد : علي ووين ي مذه.. لو ما خلص الدرب ما حا تقومي الطبيب قال انك مرهقه.. بتساهري شكلك وما بتتغذي كويس..
روان : اهتم بي امورك وما عليك بي..
مؤيد : دا بدل تشكريني 😔.. وانا القال خفت عليك وشلتك وجبتك بي عربيتي الخاصه لحدي هنا وفوت محاضراتي 😒..عش... قاطعتو روان وهي مخلوعه
روان : دقيقه دقيقه ش.. شنو!!.. انت عملت شنو!!.. و بدت تجوط وفكت الدرب و وانفاسها تسارعت وبعدت من مؤيد..
مؤيد : بسم الله مالك هسي. كدي اهدي..
روان : عملت لي شنو انت.. بعد مني اطلع من هنا اطلع.. وبقت قاعده في ركن من الغرفه ومقمضه عيونها وخاته يديها علي اذنيها وتكورك فيو..
مؤيد : لالا دي ما طبيعيه خاالص.. انا اقول اساعدها وهي حالتها تسوء اكتر..
بقى يفتش في شنطتها وشال تلفونها وطلع.. جات الممرضه ادت روان مهدئ ورفعوها السرير وركبو ليها الدرب تاني..
الممرضه : خلوها ترتاح حا تصحى بعد نصف ساعه وانت..
مؤيد : انا..
الممرضه : ااي انت ما تدخل تاني لانو الظاهر وترتها بكلامك او حاجه..
مؤيد : ااووه طيب خير..
امجد : اسمع ي صحبي كدا ما ممكن.. شوف لينا حل..
مؤيد : اصبر انا شلت تلفونا ان شاء الله يفتح لي عشان اتصل لاهلها..
امجد : مرات بتفكر والله اها ارح اتصل 😀..
مويد : 😒.. طيب كدي بسم الله..
مسك تلفونا وفتحو.. ههه..
امجد : مالك يا ود..
مويد : الحمدلله رمز زاتو ما فيو فااتح تلفونا.. اها كدي نشوف الرقم..
بقى يفتش لقى سجلاتها فااضيه ما فيها غير رقم خالتو منى ورقم مسجل بي اسراء..
مؤيد : رقم امها زاتو ماف بس خالتو منى 🤨..
امجد : جيبو من الارقام جوه خلي سجل المكالمات السابقه ياخ..
مؤيد : ياهو جبتو لكن دولي..ياخ خلي نتصل بخالتها دي اصلا بعد نايمه كانت بتقول خالتو بدل امي.
امجد : نعم!!
مويد : ولا شي. حا اتصل اسكت..
الو.. روان وينك يا بتي ما جيتي لسه!!
مؤيد : اهلين يا خاله.. روا..
خالتو منى : انت منو كمان وبتي وينا اديني ليها سرييع.،
مؤيد : علي مهلك يا خاله بس والله بتك تعبت شويه وهسي نحنا في المستشفى..
خالتو منى : سجمي مالا يا الله قول المستشفى ويين عشان اجي اسوقها..
مؤيد : تمام يا خاله.. مستشفي ******..
بعد مسافه جات خالتو منى وخشت لي روان واطمنت عليها.. مالك ي روان يا بتي!! ليه بتهملي نفسك كداا..
روان : خالتو الولد قال جابني.. خالتو انا ما كنت واعيه كنت مغمى علي.. جابني بالعربيه يا خالتو..
خالتو : هشش مالو ي بتي الله يجزيهو خير اتصل لي وساعدك ي بتي..
روان : خالتو اقول ليك جابني هو.. هسي كان عمل لي شي.. خالتوو وبدت تبكي تاني.. وخالتها هدتها شويه وقالت ليها يلا نمشي ارح ماف حاجه ي بتي..
مرقو وكان مؤيد لسه واقف وماسك تلفونها فتح التطبيقات هيي لا واتس لا فيس دي عايشه كيف..
روان : عفوا!! دا تلفوني كما اظن..
شالتو منو بسرعه وهي لسه خايفه منو.. فتحت شنطتها طلعت قروش رمتها لي مؤيد..
روان : شكرا علي المساعده ودي حق تكاليف العلاج..
مؤيد :..... دا شنو ي بت.. يا الله تصبرني.. انتي وقحه بجد..
روان : 👋مع السلامه.. ومشت هي وخالتها وطلعو وبقو واقفين للمواصلات..
مويد : ارح قووم ي فقر ما تزفتها معاي اكتر..
امجد : 😂 ما كلمتك قلت ليك بعد تصحى بتندم 😏..
مؤيد : قوووم ارح😐..
وطلعو ركبو العربيه.. لقو راون وخالتها لسه واقفين..
مؤيد : يا خاله ارح اركبو اوصلكم ماشين نفس الاتجاه..
خالتو منى : ما بتقصر يا ولدي جزاك الله خير.. احنا ماشين ****..
مؤيد : اي عارف ساكنين وين اركبو ارح الوقت اتاخر..
روان : خالتو لا بنقيف للمواص...
خالتو : يا بت هس🤫 دايره تقعي لينا تاني ولا شنو.. هس ولا كلمه اركبي يلا..
مؤيد : 😏😏😏..
وصلهم البيت وشكروهو ومشو هو وامجد..
مؤيد : يلا انت انزل شوف بيتكم وين.. انا تعبان ماشي البيت زاتي..
امجد : ي زول مستعجل مالك ارح نشرب جبنه وندردش شويه..
مؤيد : لالا ما قادر. داير انوم
امجد : جداده انت 😒..
مؤيد : 😒😒😒..👋.
دخل البيت وبقى يفكر في هلاويس روان وبكون حاصل معاها شنو عشان تقول كدا ولا ليه خافت لما قال وصلها هو بعربيتو!!..
مؤيد : اووف احسن انوم.. لا انا المحيرني لا عندها واتس لا فيس ولا صوره واحده في تلفونها.. دي غريبه بجد 🤔..
خالتو مني : روان يا بتي لي بتين حا تعدي كدا اهتمي بنفسك ياخ..
روان : خالتو تمام يا خالتو خلاص بحاول..
خالتو : ي بت احاول شنو! لازم تتقوي وتنسي.. هسي هاك العصير دا بنفعك..
اسراء : مساء الخير 😒.. اتي ي خالتو شنو الاهتمام والفرز دا يعني! انا ما بتك ولا شنو!
خالتو : دا كلام شنو ي بتي كدي اقعدي ومالك اتاخرتي كدا!!..
اسراء : كنت مع صحباتي طلعنا مشواار 🤩..
خالتو : 😒 مشوار مع صحباتك متاكده!!..
اسراء : 🤗 ااي ي خالتو مع صحباتي ووو..
خالتو : وو شنو اكيد معاكم اولاد اتي ي بتي الله يهديك..
اسراء : خاالتو يعني ما عادي كلنا اصحااب 🙃..
خالتو : هووي ي بتي فتحي عيونك ديل وخلي الحوامه.. هسي غيري وامشي التلاجه ختيت ليك عصير برضو باارد تشربي وترتاحي..
اسراء : امممح💋.. حبيبتي انتي ي خالتو.. تسلمي..
هي دي مالا رواان!! ي بت..
روان : اا اي ي سرو.. قلتي حاجه.!
لا سلامتك 😒..
روان : تسلمي ما حصل شي بس فقدت وعي و شويه ارهاق..
اسراء 🤔🤨 هو شنو دا ي بت!! وشافت العلاج جنبها.. وااي يعني جد تعبني.. سلامتك ياخ ارح ارتاحي ..
روان : لاا عندي غسيل
اسراء 😒 غسيلك الما بنتهي دا كل يوم لازم تغسلي اللبستي!.. ياخ الناس بتغسل بالاسبوع وبالشهر عديل 😂👋..
روان :، 🙂 لا انا بغسل كل يوم..
دايره تقوم كدا راسا لفه..
اسراء: علي مهلك علي مهلك.. ارح السرير انا بغسل ليك نومي انتي..
ومشت نامت واسراء شالت ملابس روان.. يعني هسي اغسل ليها وانا تعبانه ونعسانه كدا 🤨. ياخ افضل حل اني المهم في غرفتي مع ملابسي واغسلهم يوم تاني ما بتلاحظ 🤗..

ولي هنا كانت نهايه الجزو الاول من قصتنا.. ولسه ما خشينا في الاحداث واكيد ما فهمتوا الحاصل شنو و روان مالا! وفي كتير من الاسئله في بالكم.. تابعوا باقي الاجزاء لمعرفه الاحداث واسدال الستار عن الماضي شيئاً فشيئاً 😉..؛ الكاتبه هووفاا. محبة الغموض💥👀.. دمتم سالمين 😊👋..