صدمات متتاليه 🥀💥

شيئ من الماضي🍂

زمن المحاضره خلص يلا يا شباب البحث ذي ما قلت وقسمتكم في مجموعات وتسليمو الاسبوع الجاي وماف فرص غير كدا وما بقبل اعذار والسلام عليكم..
دا كان الدكتور بتاع ناس روان..
روان: هسي كان في داعي للمجموعات دي 😥.. انا براي بكتبو ياخ ما لازم مجموعه..
الوو روان.. سامعاني ي بت
روان : ن نعم..
علي : 😏 واخيرا حاجه لمتنا انتي معاي في المجموعه 🙃..
روان : ويعني شنو ! يلا عن اذنك ما فاضيه..
علي : ليك يوم رورو 😉..
في الكفتيريا بتاعة الجامعه..
امجد : اوو كشف يا فرده..
مؤيد : مالك في مذه عابره ولا شنو 🤩..
امجد : والله ما عارف كان مذه ولا لا لكن شايفك مهتم بيها.،
مؤيد : اا روان.. ما اهتمام لكن قدري اصادفها اعمل شنو.. كدي انمشي اشاغلها 😎 من يوم المستشفى ما لاقيتا يااه اسبوع كامل..
وبقى ماشي عليها وهي من شافتو قامت وبقت طالعه من الكافتيريا..
مؤيد : علي مهلك ياخ اقيفي عايز اقول ليكي حاجه مهمه..
روان : ما اظن في حاجه مهمه تجمعنا..
مؤيد : داير اشوف بقيتي كيف بس عشان ما تقعي لينا هنا تاني 😕..
روان : انت م عندك موضوع..
ومشت منو.. مؤيد وقفها من كتفها وهي طوالي من غير مقدمات قبلت عليو ويدها قبلت قبلها وطااخ ادتو كف 🙁💔..
مؤيد ساكت وعيونو في الأرض بس.. والناس كلها انتبهت ليهم وفيهم البضحك وفيهم المتعجب وفيهم القال دي مجنونه وهو ما عمل ليها حاجه.، روان
روان : ما تتجرأ وتلمسني مره تانيه.. ومشت بسرعه منو وهو رفع راسو  وبقى يعاين ليها وابتسم ابتسامه جانبيه وعيونو بتلمع😏..
مؤيد : اوكي.. انتي الاخترتي دا كلو...
امجد : يا ود دا شنو.. ادتك كف البت وانت ساكت..
مؤيد : انا غلطت عليها وكان لازم تنبهني.. ارح من هنا انت..
روان في الحمامات : دا شنو البحصل داا يا ربي 😭💔.. انا ما طبيعيه هسي هو عمل شنو عشان انا اسبب ليو الإحراج دا كلو.. تاني حا يبقى كلام الداخل والطالع من الجامعه.. ااووف منك ي روان ااووف 😭😭😭💔..
علي : استنو شويه هسي بتجي ياخ مشت الكافتيريا هي..
نوره : ياخ ارح ي علي روان دي اصلا ما اظن تمشي معانا المكتبه..
محمد ومحاسن : فعلا ارحكم..
علي : طيب ارح..
مشو المكتبه وبدو في البحث وحددو اي زول يشتغل شنو...
روان : اكيد مشو.. يعني حا ينتظروني مثلا 🙂.. و رجعت البيت..
خالتو منى : اهلين بتي السمحه ☺️.. كيف كان يومك..
روان : زيي كدا..
خالتو : ما تقولي كدا ي بت استهدي بالله..
اسراء : مساؤ اذيكم ي حلوين 😊..
روان : اهلين سرو..
خالتو : فرحانه وبسمتك لي سنونك الورا كدا مالك 😏..
اسراء.: والله اتي ي خالتو بتحسي بي طوالي 🤩.
خالتو : اها احكي..
اسراء : لالا دا كلام شباب ي خالتو ما بتفهمي انتي..
خالتو : الله يسامحك مالي ما كنت قدركم ومريت بي طوركم 😒..
اسراء : م كدا ي خالتو.. طيب بوريك.. وكان عرفتي انا امسك المطبخ والشغل تلات يوم 😎..
خالتو : واخيرا حا تساعديني اها قولي 🤩..
اسراء : طييب.. الكراش طلع مكرش فيني 😍..
خالتو : اجي ي بتي دا كلام شنو.. لعلو مو كراش العده 🙁..
اسراء فكت الضحكه وشويه تدردق بالأرض 🤣🤣🤣🤣🤣...: غاايتو يا خالتو م بسألك.. عشان محاولتك دي ح اغسل العده انا الليله..
خالتو : ِبس منك وكدا ساعدتيني بشنو اصلا العده بتغسلها روان 😒..
اسراء : بمناسبه روان هي وينا اصلا..
خالتو : هسي كانت قاعده هنا 😕..
قبلو لقوها قاعده في السرير بتعاين ليهم ودموعها في خدها..
اسراء : بسم الله مالك ي روان حاصله حاجه مريضه انتي!! 😥..
خالتو : امشي ارتاحي ي بتي انا بهديها وبوديها غرفتها..
اسراء : اي اصلا انا الغريبه وانتي القريبه ي خالتو.. انتي امها وهي بتك وانا مجرد دخيله ف حياتكم.. ومشت منهم خلتهم.. قفلت باب غرفتها وبقت تبكي وتتذكر في امها وابوها 😭💔.. انا ما شبعت منكم انا محتاجاكم.. انا لسه صغيره اميي ابويي لييه مشييتو 😭😭😭💔..
خالتو : روان انتي ليه بتعملي كدا ف نفسك الله بسالك منها نفسك دي ما ترهقيها كدا..
روان بتهز نفسها بي هستيريا وتبكي وهي صامته..
خالتو : لا كدا ما بنفع انا لازم اشوف ليها حل وموضوعها دا عندي انا وقامت منها خلتها ومشت دقت تلفون.. الوو ***....
روان بعد ساعات استجمعت نفسها ومشت غرفتها صلت وبعد داك رتبت حاجاتها وشالت ملابسها تغسلها اتذكرت غيارها  العند اسراء.. ومشت ليها.. وقفت في الباب وسمعتها بتتكلم بالتلفون..
اسراء : هما بس بهتمو ببعض اما انا عشان ما عندي سند في الحياة دي وامي وابوي تحت التراب.. بطلعوني من كل مواضيعهم وبقعدو مع بعض بالساعات وانا اخر همهم..
روان فتحت الباب وجات خاشه لاسراء. : سرو دا شنو الكلام البتقولي فيو دا..
اسراء : ما دخلك واخر الوصلتي ليو تتنصتي لي.. اطلعي برا..
روان : ما طالعه واقفلي التلفون دا واسمعيني..
اسراء : الو.. اسفه برجع ليك بعدين..اها تفضلي يا ستي..
روان : سرو انتي اختي وانا بحبك وابداً ما بقصدي اجزب اهتمام خالتي لي.. بالعكس هي برضو بتحبك لما تتاخري بتقلق عليكي وتسال منك وطوالي بالها عليكي بس انتي بتزعلي بسرعه..
اسراء : اولاً كلام الحب والاخت دا اتجاوزي فاهمه انا امي مشت وخلتني برااي ما عندي اخوان.😭💔..
روان : هشش خلاص م تبكي انا اختك وغصب عنك ومعاك في كل شي وبوعدك ما بتكرر كدا تاني..
اسراء : فينا شنو هسي من تفاصيل الأخوات!! انتي طوالي سارحه وبهمومك اجي اكلمك ما بتسمعيني اصلا ودايماً ما عندك لي وقت.. كتف ابكي عليو ما عندي وانتي دايما عندك خالتي منى معاك في كل مره بتزعلي فيها 😭💔.. انا الفقدت اهلي انتي اهلك قاعدين..
روان بدت تبكي وحست بي سرو لاول مره وانو بجد كانت بتخبي وجعها بضحك مزيف وبطلعاتها مع صحباتها... روان حاولي وساعديها بعد اصلا ما قادره تساعدي نفسك 😭💔.. استجمعت نفسها وحضنت اسراء للمره الاولى واسراء ارتاحت بجد وبقو يبكو شويه مع بعض وسكتو..
روان : امم خلاص هدينا ☺️..
اسراء : ا. اي 🙁..
روان : طيب انا بمشي اخت لينا اكل وبجي ناكل سوا.. ا وصحي غياري الغسلتي لي يوم جينا من المستشفى م لقيتو ف الدولاب شكلو في دولابك طلعي لي..
اسراء : 🥺 واااي اطلعوا!  انا اصلا ما غسلتو 😫
روان : خالتوو.. يا خالتوو وين...
خلاص تمام ذي ما اتفقنا انا بحاول مع روان وبنجي ان شاء الله.. تسلم كتير..
روان : تحاولي في شنو معاي ي خالتو 🙁..
حالتو منى : روان جيتي بتين هنا..
روان : هسي..
خالتو : اا.. لالا دا ولدي اتصل وسالني منك ومن دروسك وهظرني قال نجي هناك وانا قلت ليو خلاص اشاور روان وبنجي 😊..
روان : اهاا تمام.. يلا انا دايره اخت اكل تاكلي معانا يا احلا خالتو في الدنياا 😁..
خالتو : كويس انا بمشي اشوف سرو وانتي جهزي سريع..
روان : تمام ☺️.. جهزت الاكل واكلو وسرو طوالي قبلت وعملت نايمه..
روان : سرو وين الملابس.. سرو!!.. هه نامت☺️.. الحمدلله علي الاقل واحده فينا بتقدر تنوم سريع وبي راحه 🙂💓..
اسراء سمعت كلامها واتسائلت ليه يعني روان ما بتنوم 😣..
مشت روان غرفتها بعد ما قضت كل اشغالها و ذاكرت شويه وجات تنوم.. سمعت أصوات كركبه جايه من برا.. مرقت..
روان : خالتو دي انتي... خا.... سرو بتعملي ف شنو نص الليل..
اسراء : 😁😁😁.. ولا شي..
روان : عندك غسسييل كان تكلميني انا غسلت قبل شويه وانتي تعبانه اليوم..
اسراء : لالا عادي ياخ تسلمي لي انتي..
روان : دقيقه دقيقه هي دي هدومي انا 🙁..سروو انتي ما غسلتيهم لسه 🙂💔..
سرو : 🤗..
روان : غاايتو 🤣🤣.. غسلي غسلي عشان تاني تعملي موقف انتي ما قدرو.. بالمناسبه قبيل قلتي لي خالتو شنوو 😏.. كراشك مكرش فييك!!..
اسراء: هههه ااي 😌.. اختك ما هينه ي بت قايلاني زيك..
روان : ياخ ما تقارني بينا انا ما عندي ليهم حاجه الاولاد ولا بعاين ليهم.. اها احكي لي حصل شنو..
اسراء : طيب ***.. وبدت تحكي لروان ومشو نامو.. مرت ايام وعلاقتهم مع بعض بقت احسن حتى خالتهم تعاملها بقا واحد معاهم الاتنين ومبسوطين و روان حالتها النفسيه كانت افضل واكتشفت انها كل ما عدت وقت مع سرو وكانو قريبين من بعض بتنسى الحاصل معاها وتنوم مرتاحه من غير كوابيس ....
ترررن ترررن ⏰.. دا كان المنبه حق روان..
روان : ااخ ي راسي بتين الصباح جا.. كلو من سرو ساهرت بي 😣.. لكن تاني ما بتتكرر انا انوم بعد صلاة الصبح! واصحى الساعه 7 لالا دي ما حصلت..
صباح الخير خالتوو..
خالتو : ي هلا بتي صباحك نور.. سرو ما قامت ََ
روان : ما اظن خليها اليوم مؤجزه هي لكن غبيه انا الساهرت معاها وعندي جامعه 😣..
مرقت روان للجامعه وهي مرتبكه وعاارفه الراجيها لانها ما كتبت البحث مع المجموعه.. ناس علي.. هم كتبو وخلوها.. علي قال ليها بحاول اكتب ليك اسمك معانا بس هي وعنادها رفضت.. وكتبت بحث براها..
السلام عليكم.. الزمن متاخر يلا الكل يقعد واقفلو الباب ماف زو.. قبل ما يقفلو الباب عديل جات روان خاشه 🙂..
الدكتور : علي وين يااا استاذه.
روان : ا اسفه يا دكتور ممكن ادخل..
الدكتور عااين فيها كداا مساافه وقال ليها ادخلي..
الدكتور بعد ساعه : يلا بعد دا نبدأ جمع البحوث ومن غير اعذار كلو قدام يلا بسرعه جمعو الناس بحوثهم و وران جمعت وقلبها ف يدها.. الدكتور شالهم وطلع..
نهايه اليوم لما جو طالعين من الجامعه..
علي : روان ممكن دقيقه لو سمحتي!
روان : خير!
علي : اسف بشأن البحث انتظرناك وما جيتي وتاني ما كان في فرصه لانو كلنا بدينا..
روان : ما فارق معاي يلا باي..
علي :  ا.. استني روان. ممكن طلب..
روان : ي ربي الصبر اها قول مع اني واثقه ح ارفضو..
علي : انا بس قلت لو تديني رقمك وو ندخلك قروب الدفعه وو عشان نقدر نتواصل معاك في حالات ذي البحث الفات دا..
روان : طيب لو خلصت كلامك استأذنك.. ومشت منو..
علي : 😕 ذي دي يسوو معاها شنو هسي..
وبين ما روان ماشه شافت مؤيد واقف جنب واحده من القاعات وبأشر بي يدو لزول  روان نزلت عيونا  بقت ماشه سريع ما دايره ينتبه عليها ووو هبب خبطت في بت وجات واقعه.. البت لابسه اسكيرت ضيق وشعرها برا وعطرها فايح ااخر قشره بس اتقول حفله ما جامعه😕.. : يووه سووري.. ومدت يدها لروان عشان ترفعها..
روان : لالا عادي انا الما انتبهت.. ومدت يدها للبت ورفعت راسها واول ما عيونهم جات في بعض اتجمدو الاتنين وبقو يعاينو لبعض..وروان خلااص في لحظه انهياار وما مصدقه القدامها ودموعها خلاااص..
مؤيد : مفروض بدل روان يكون اسمك جاذبه الصدمات والمصائب 😏..
في اللحظه دي روان رجعت من شرودها ودهشتها وقامت بسرعه جمعت حاجاتها جوه الشنطه وجرت..
والبت نفس الشئ مشت بدون ما تقول ولا كلمه..
مؤيد : ديل مالهم هسي! وجا عايز يمشي لقى تلفون في الأرض.. رفعو وكان تلفون روان 😥.. وابتسم ابتسامة نصر 😏..
روان : لالا اكيد دا خيال.. اكيد انا بحلم. لالاااا وبقت ماشه وما واعيه بنفسها كانت منهاره وبتبكي حتى الناس الفي الشارع استغربو منها.. جا الليل وهي لسه ما رجعت البيت وخالتو واسراء قلقو عليها ويتصلو تلفونها مغلق خلاااص ما فضل ليهم الا يطلعو يفتشوها في الشوارع.. وفعلا خالتو طلعت تشوفها وقالت لي اسراء تقعد في البيت عشان لو جات تتصل تكلمها.. وبين ما خالتو منى طالعه من حلتهم شافت مؤيد واقف جنب عربيتو ومعاو أمجد..
خالتو : هيي دا الولد الساعدنا المره الفاتت امكن يكون بعرفها وبقت ماشه عليو.. سلام ي اولادي ازيكم..
مؤيد : هلا يا خاله تفضلي .. اا.. انتي خاله رواان صح.
خالتو منى : اااي ي ولدي وروان ما جات البيت وخفت عليها وهسي طلعت اشوفا لو قريبه ولا كدا..
مؤيد : ااا.. والله ي خاله بتك دي طلعت قبيل من الجامعه وكانت مستعجله كمان..
خالتو منى : ااه ي الله تصبرني..
وبين ما هم واقفين شافو روان جايه من بدايه الشارع ماشه وكأنها منومه مغنطيسياً بتعاين ف الارض بس وماشه..
خالتو منى : الحمدلله دييك بتي..
وبقت ماشه بسرعه عليها ومؤيد و امجد معاها.. حصلوها وخالتو منى مسكتها وبقت تعاين ليها : روان اتي كويسه! مالك ي بتي خوفتينا عليك وتلفونك مغفول مالو..
روان : تلفوني! خالتو انا شفتها 😦..
خالتو منى : شفتي منو ي بتي قولي..
روان : خ خالتو لاقيتها 😫 وبدت تعلي صوتها ورمت الشنطه من يدها.. لا انا تاني ما عايزه جامعه انا عايزه اموت خلوني انمشي الظلط داك احسن لي..
خالتو منى بقت تحاول تهدي فيها و مؤيد مسكها معاها وساقوها البيت وهدت لمن نامت..
خالتو منى : يا الله تكون في عونا وتصلح حالنا..
اسراء : خالتو.. روان مريضه!!؟؟
خالتو منى : اا.. لالا ي بتي بتتوتر بس ووكدا..
اسراء : اها تمام دا الفصل المحجوب عني اوكي انا ماشه غرفتي..
  خالتها مسكتها من يدها : اسراء اقعدي.. اسمعي ي بتي.. روان شكلها تعرضت لصدمه من حادث الاسره وما تنسي اخوها اصيب فيو وهسي امها وابوها بعاد منها واخوها الكان ما بفارقها..
اسراء : بس ي خالتو ما للدرجه دي وكما اذكر انها كانت كويسه بعد الحادث بفتره استجمعت نفسها قبلي انا.. يعني ما اظ..
قاطعتها خالتو منى.: هسي خلينا من دا ي سرو يا بتي.. انا شفت لروان دي طبيب نفسي بس لاحظت انها الايام الفاتت متحسنه قلت اخليها امكن خلاص اتخطت الحاصل بس شكلو كنت غلطانه وهسي عايزه الطريقه البقنعها بيها انها تمشي وتقابلو..
اسراء : كويس انا بحاول معاها وان شاء الله توافق..
خالتو : ان شاء الله..
بهناك عند مؤيد : اسمع يا فرده انا راجع البيت..
امجد : انت مالك بقيت بترجع بدري كدا..
مؤيد : يلا يلا سلام..
ومشى البيت واول حاجه عملها  ختا تلفون روان في الشاحن.. ودخل المطبخ.. سندريلاا 😀..
البت : اي داير شنو..
مؤيد : مشتاقين ياخ..
البت : انتا ما اندك مودوع زه انا ماشي.. كان داير تاكل افته تلاجه فيو اكل.. زه زه.. وتاني ما تقولا لي كدا انا اندي اسم 😒..
مويد : 🤣🤣 اقيفي يا ماري ياخ ماشه وين ما نهظر معاكي يعني.. اقسم بحب كلامك وزعلك داا بسس 🤣🤣💓.. ومشت منو..
ماري كانت بت متوسطه في العمر 28سنه شغاله في بيت ناس مؤيد من زمن طوييل وبعرفو بعض من كانو صغار لكن مؤيد اصغر منها كانت بتجي مع اختها تشتغل وتساعد وهسي اختها تزوجت وسافرت بلدهم ومسكت ماري الشغل ومؤيد بريدا ومعتبرها من الاسره حتى مرات بجبرها تقعد تاكل معاهم في نفس الصفره.. ابو مؤيد اسمو محمد وامو نايله والاتنين مشغولين وكل الوقت برا البيت أبوهو عندو شركه وامو شغاله معاو.. 
     نرجع لروان..
روان : ااخ ي راسي..
واخيرا صحيتي..
روان : خالتو 🥺..
خالتو : بقيتي كيف
كويسه ما تقلقي
خالتو : ممكن افهم مالك كنتي..
روان  قلبها اتقبض من اتذكرت الحصل وبصوت خافض قالت لي خالتها.. اليوم صادفت ميار 😔..
خالتو قامت علي حيلها لمن الكرسي وراها وقع : شنو!! لاقيتي ميار!! كيف و وين وليه.. وقالت شنو وريني سريع وبي اي وش تتكلم معاكي 😠..
روان : اهدي ي خالتو دا كلو ما حصل.. اقعدي احكي ليكي.. وقعدت تحكي ليها ويلا احنا ما علينا لاننا عارفين الحصل بس ما فاهمين اكيد 🙂🤣🤣.. يلا نعمل فلاش باك ونفهم شويه 😉👏...

Flash  Back 👀...
هههه.. اكيد ياخ دي ايام بتتنسي!!! 😂😂.. واتي تتذكري لما كنا في سنه سادس وحولوك من المدرسه لمدرسه خاصه وزعلتي ومرقتي من البيت وفتشوك.. ااخ 🤣اكيد اكيد وبعد لقوني مدسيه في بيتكم وحتى انتي ما عارفه اني ف بيتكم وكانت دقه حلوه حلا من بابا 🙂 المهم رجعنا في نفس المدرسه تاني 😀.. وهسي قدامنا جاامعه 😌.. جاامعه ي بتي فكري ح ندرس شنو! ونلبس شنو ونتصرف كيف 🤩.. والاولاااد في الجاامعه والمذذ 😌💓.. ههههخ انتي تفكيرك دا امكن بسببو نجيب درجات ضعيفه وما نقرا جامعه زاتو 🤣💔.. لالا بنقراا 😌.. هيي يلا ي بت انا لازم امشي بعد داا 😥.. اتاخرت وخالتو بتقلق علي وتزعل.. يا روان اقعدي حبه ياخ ما تمشي انا مشتاقه ليكي🥺💓..
روان : انتي عشان دا بيتكم لكن انا كان اتاخرت الشارع ببقى لي ضلااام وبخاف يا ميار 💥..
ميار : طييب ي شينه امرقي وارح انا بقدمك 😔💔..

وبكدا عرفنا علاقه ميار بروان شنو 🙂 لكن  جات تساؤلات اكبر من القبلها اكييد 😁🤣🤣.. واستنو الجزو التالت عسا ولعل ينقشع النور عن بعض خبايا الماضي ومأسي روان 😔💥... هوووفا محبه الغموض والسلام عليكم 🤩👋..