الامل الوحيد

ولو لمره ياقلبي لا تخذلنى

هناك من يحب بصدق وهناك من يريد اسقاطك
لا ياقلبي ساترك عواطفي واتجه الى عقلي

يرشدني للطريق صحيح ماخلي كلبي هو اليمشيني
انى رونق بنيه عادي ويمكن اقل من العاديه راح احجي قصتي وصلت الاعداديه وبنجرت بالرياضيات واصلا هم مالي واهس بالدراسه جنت
رونق ولج رونق متكوليلي وين صرتى اي يوم اجيت والله اجيت عفيه شغل ميخلص عندج عبالك حناخذ جازه نوبل
جياد طالب مرحله اخيره كلية الهندسة التكنولوجية
عصبي جدا ماتفاهم ابد وعندي الدنيا كلهه غلط بس انى صح صح طالب وعشت وشفت لكن هي وحده دخلت كلبي الي هي ام لسان الفوك الجانت تحجي قبلي بس للاسف لهذا يومي هي متعرف بيا احبه واريده لان بعدهه طالبه وازغيره بالعمر وانى هم طالب ساد الموضوع
هااا خل اكول الكم موصفاتى طويل جسم معظل عيون سود وسط خشم رفيع
(يول منو خشمه رفيع لما خشمك بدك خارطه العراق مرتين )
ولواله اي والله ول بعينج قزمه نيلز
هاي انى نيلز لعد انت ساسوكي 😂
اي عادي مضحك
غليظ
مو اجي
وين تجي
عليج غير انفش عطبوبج
هاي انى ام عطوب
لعد امي
ديله فديتنى وفديت شعراتي
طبعا هاي كلما انزل للعراق هيج نشاقه وبنات عمتي
ميامن السلام عليكم جياد
وعليكم السلام هلا ميامن شلونج وشلون الصحه
الحمدلله بخير وانت
الحمدلله
دومك ان شاء الله
تسلمي خيتي
طبعا على طول للعراق لان اهلي هنا ودراستي وشغلي بس بالعطل اطلع وياجماعتي نتونس وحاليا انى بسوريا مصار كم يوم من اجيت عساس نبقى اسبوعين نتونس بس صديقي الروح بالروح ابوه اتخربط اطرينا نرجع وشوي شوي حتعرفون باقي احدات القصه
ها يوم ماتجين نطلع والله متنا بالبيت هم عطله وهم كعده بالبيت ماتجين نروح لسوك
لا مابيه اطلع خليهه غير وكت نطلع
والله يوم لو كاطع عقلج تطلعين بس احنا من نريد منج شي متقبلين
امشي لج قابل امشي بمزاجج بالطلعه
طبعا اني و نبع الحنان على طول نتناكر هيج وين نروح احب اضوجهه
جياد من رجعنا من بيت صديقي ولا حظي تعطل السياره بعز الظهر وشمس حاره واكف فاتحه جاشوف شبيهه مرتي يوميه عطلانه طبعا لسياره اصيلحه مرتي لا والله اعز من مرتي 😂(هسه انت دزوج وبعدهه صنف ) وج يمه ينفتح الباب الكدامي وشلون طيره حلوه تطلع تغسل بالطرمه البره هم جمال وهم طول واكفه ترش بالمي وملابسه مي يارب ادري اظل اباوع عليه لو احير بسيارتي همزين من شافتني صافن عليه طب جوه والله لو عليا ابقه واكف اشوف جمال ربي شخالق
ظليت فتره رايح راجع اريد بس اشوفه ماكو متطلع سالت عليه المنطقه كالو اخلاقه زينة وبنت العالم بيهم رفعه راس وجنت ناوي اليوم باجر افتح الموضوع ويااهلي حتى اتقدم اله كاعد يم جماعتي بالكوفي بس بالي يمها
ولك متكلي وين غاط وين بالك طافر
جياد لا هيج يمعود بس موضوع بالي ان شاءلله خير
يله شباب انى اترخص تعبان ونعسان قفلت بعد
يمعود بعد وكت هو بالاسبوع مره نجمع لكل واحد ملتهي بشغله
ميخالف حبيب عل جايات نتقابل ان شاء الله
الله وياك
بالطريق وافكر لازم اليوم افتح الموضوع ويااهلي ولو ادري الوالده الله يحفظها قافله على بنت اخته
تريده جنه لبيت طبيت لبيت همزين كلهم ملتمين عل عشه كعدت اتعشيت وياهم كلت وراء العشه افتح الموضوع المهم خلصنا العشه وفتحت الموضوع بسرعه اجانا الرفض مندخل غريبه لبيت
يابه يمه بس افهمو هو منو الراح يزوج اني لو انتو
قابلت موضوعي بالرفض منهم بس مع هذا مستسلمت احاول مره واثنين وياهم لما يقنعون
رجعو فتحو موضوع زواجي من كرايبي بس جاوب برود لو الي بالي لو مازوج ابويا يابه اشو هيج تحجي ويانا لازم معاجبك الوضع
لا يابه اسفه بس الي يريده قلبي هي تجي تتوسد على ذراعي ماخذ الي بالكم عفتهم وطلعت كعدت بالباب مالي واهسهم ظلو يحجون واسمع صوت ابويا صار عصبي خل يهد ارجع احجي وياه على نفراد لان امي الله يسلمها مازال تريد من حبايبه تقرء براس ابويا
بعد شهر
اليوم ناوي اعزم ابويا بكعده عصيره وافتحي موضوي وياه على هدوء وهم لازم يعرف شنو داخلي
بنات بنات اسمع صوت تلفون يدك وينجن مو كاعده اصيح عليجن ها يوم هياته تلفونج عل كاوتنر بالمطبخ فتحتله خط وبعدني يمها بالغرفه اسمع تكل الخالتى ياهلا ويامرحبا هلا بيج حبيبه شوكت تجين ديله عيني هلا بيكم الله وياج سلمينا
ابو اياد عيني باجر بيت اختي يجون على غده عود اسوكلنا
ميخالف كتبولي طلباتكم حتى العصر من اطلع اجيبهن الكم وها مو تنسن شغله تعالو روحو جيبو وتعالو ودو
ميخالف عيني
رونق ترجع تكمل وياكم
طبعا انى مو وحيده لاهلي لا انى اخوان واخوات كلهم اكبر مني بس انى واختى بعدنا طلاب والباقي كلهم مزوجين وها اخواني بعدهم كاعدين ويانا بس البيت وطبعا البيت لا يخلو من المشاكل التعبانه
ثانى كعدنا من وكت امي استلمت الطبخ واحنا عل تنضيف حتى نخلص بسرعه ونرجع انساعد امي بالطبخ هايوم بيش اساعدج رونق سوي زلاطه
بعد وكت يوم للزلاطه خل اصير بالدعش اسويها
ديله براحتج اكعدي لكطي الخظروات ونضفيهن زين
والله كعدت اشتغل واباوع على امي تشتغل وتبتسم
يوم يوم
وجع شكو اصيحين
لا بس جااشوفج تشتغلين وتبتسيم لازم ايويا مرضيج بليل هل كاعده فرحانه
ولج اشو طالع لسانه اشتغلي وانتي ساكته لا اجيج
يمه بس بضميرج دشوفي وجهج شلون مورد
يله تالي وياج
شبيج ياعيني ياقلبي يا معلاكي قابل شحجيت اني وياج هاي زعلت وصاعده فوك لغرفتي عود من يكمل الغده صيحوني
تالي ولج شلون درب تديد تطفر منه
هههههههه والله يمه بس انتى فاهمتني وطالعه عليا
ولج هو منو اليطلع على منو اني لو انتي
وداعتج ياامو ماكو فرق بينا 😂😂
ديله يله اشتغلي وانتي ساكته
زين ايصير اشتغل وانى احجي 😉😉😉
دكومي كومي شوفي منو عل باب اخاف اجو بيت خالتج هاي صارت الساعه بالعشره ونص واحنا بعدنا ممكملين
ياهلا بالخالتي والله الحمدلله انتو شلونكم اخباركم
خاله روى والله الحمدلله انتي شلونك فدوه لطولج
هسه مادري خالتي تمدح بطولي لو تقصف بيه 😂
زوج خالتي شلونك عمو صحتك عافيتك
بخير عمو انتى شلونكم صحتكم
والله الحمدلله
عفت امي كاعده يم خالتي و زوجه رحت اجيب مي الهم والله اكول شغلتهم مو خاليه لا شو النظرات خالتي الي كاعده احجي ويا نفسي مااحس غير تجيني كفخه معدله
شكو ولج تكفخين عوبه
شكو شبيج ادردمين ويانفسج
وداعتج ماكو شي بس اذكرت شي مو مهم
ديله ودي المي وتعالى حتى نكمل
وديت المي وعصاير الهم سوه ورجعت نكمل شغل وامي كلساع تجي تتفقد الطبخ فوك راسنا وترجع تكعد يمهم المهم خلص الغده على خير وبدينا نودي السفر للاستقبال سوينا خيرات الله دولمه وبانيه على لحم وتمن عليه حشوه ولبن وطرشي وزلايط بدز يتغدون احنا البنات كعدنا بالمطبخ نتغده مو وياهم
خلصو الغده وشرب الجاي بدء الوقت الجد زوج خالتي فتح وياابويا الموضوع خطوبة جياد مني وكانت الصدمه بس سكتت عيب منهم واشوف اهلي كيفو بالموضوع طبعا يكيفون لان الشهاده لله ولد صايم مصلي و مكمل دراسه وهم يشتغل اعمال حره
ابويا كال نسال البنيه ونرجع الكم جواب وهم لما تفكر زين هذا زواج مو يوم ويومين لا سامح الله
راحو بيت خالتي واحنا هم كملنا تعزيل لما هلكنا اليوم ابويا فتح الموضوع وياي هو ميدري انى سمعت كلشي المهم وراء منفتح الموضوع وياي
كمت لغرفتي واشرت لعلياء بمعنا اصعدي فوك هم صعدت مطولت لان ادري بيه روحه طويله ساعه لما تصعد
شكو شبيج يولي اتاشرين عليا كولي شعندج
يولي مو تدرين بيا احب ابن عمج ومتفقين عل زواج وعساس هالايام يجي يخطب
اكلج من ابن عمج رايدج اشو محرك ساكن صارلكم سنه انتى واحد يركض وراء الثاني عاد جان كال لابويا يكله عمي انى رايد بنتك على سنه الله ورسوله بس اكون نفسي تره مابيه شي علاقل المهم اهلج يصير عدهم علم بيكم
يولي مو تدرين هو ماكال حتى يكدر حتى لو من بعيد يشوفني صح قليل كلام بينا بس علاقل من بجي على اخوانج اشوفه بحجه اودي الجاي
يله الله يقدملج البيه الخير بس هاااا وصلي خبر اله تره امج مكيفه بالموضوع
ولج شنو امج اشو صايره متستحين
ادري شكايله ولج لعد مو امج
كولي امنا
امنا مشترك وانى اشك بيه امي اروح اسال ابويا بلكت يعرف منو امي 😂😂😂😂
دمشي امشي هو مو صوجج صوجي انى كاعده اتناقش وياج واكبر راسج
ديله عيني هو انتي واكع بيدج تكعدين تتناقشين وياي
ديله اطلعي لا ابتلي بيج هسه
لا عيني ميحتاج تبتلين بيا طالعه بكرامتي 😂😂

اخذت تلفوني ودزيت رساله لعمر كتبتله اليوم خالتي خطبتني لابنه واذا ماتحرك ساكن تره مبين اهلي موافقين 😭😭 اباوع عل تلفون كتب تم الارسال
عاد شوكت يقراها كلما يكول هالايام حتقدم ويبطل