كنت قاعده في البيرو حطا يدي على خدي نستنا في المدير الجديد اللي سرا اغلب أسهم الشركه حتى جا عمي موسى قلي يا بنتي وجدي كامل الملفات باش كي يجي المدير يبقى كل شي حاضر . قتلو عم موسى متعرفاش شكون لي شرا الاسهم قالي العلم عند الله بنيتي ولاد سي صالح بعد ما مات ياهو كل شي من غير ما قالو . قتلو ربي يهديهم ويرحم عم صالح والله كان اسم على مسما قالي يا نور بنتي انا نروح وانتي خلي عينيك محلولين انت الي تعرفي كل شي على الشركه والمدير باش يحتاجك برشا قتلو انشالله عمو .
خرج عمي موسى وانا بقيت نستخايل في المدير ونقول آه ويجي واحد شايب كبا ساق لبرا وعشرافي القبر وميخافش ربي وانا زيني خلاني مطمع لبرشا عباد ( نسيت معرفتكمش بروحي انا نور سكريتار تاع شركه عايشه وحدي ومعندي حتى سند في حياتي بالرغم اني نعيش يتيمه هذا شنو نقلكم تو والباقي تعفوه مع الأحداث ) .
وانا هكاك و فقط على صوت كلو شموخ فيه بحه يقول يا سي موسى قول للآنسه هذا محل متاع خدمه مش نوم واحلام ورديه و دخل من غير ما يكلمني قلت في نفسي اكيد هذا هو المدير الجديد آه يا ربي هو بقلاوه وزين وعين وبدن اما باين متكبر ربي يعيني عليه . ستنيت باش يناديني مي حتى حس وليت هزيت الملفات الكل ودحلتلو يا ماما خزرلي سيفت خزره تاع شر وقالي خير انشالله؟ قتلو مسيو قلت نجيبلك ملفات الا الشركه الكل قالي وانا قتلك جيبيهم مرا أخرى متدخلي لعندي الا كي ناديلك .
تمنيت الأرض تنشق وتبلعني و قتلو بغش حاضر مسيو وهزيت روحي وخرجت و انا نسب فيه في قلبي وقلبي ووو على زهري جاني مدير كي الهم .
جا وقت الراحه الشركه فرغت وانا بطبيعتي منخرجش نبقى نكمل خدمتي وكي نروح نتغدا . جبت مرايا وبقيت نسوي في شعري ومكياجي انا كان مظهري من أكبر اهتماماتي ربي عطاني زين وانا زدت عليه اللبسه والحطا حتى خرج الشرير الجديد( المدير) لقاني نعاود في الروج تاعي وgحر فيا gحرا متاع موت
أنت تقرأ
احببت مديري
Romanceكل شيء في هذه الحياه يحمل معنا له عادة ما يكون بسيطا الا الكتابة فهي سحر وادمان وروح بريئة نقيه صافيه ورائعه لا يفهم معناها الا القليل تطهر الروح مهمى كانت بساطتها فلا تستخ بها اغلبكم يقول ان لا نفع لها خاصة ( الكرونيكات التي باللهجات العامه) لكنهم...
