الحلقة 6 نور:يأخي خليني حتى في الموت واقفلي عضم تنجم تمشي اااه وزدت قوات في بكى. رؤوف* حسيت قلبي راح يخرج جبدتها من يدها و قتلها اهبطي معيا نهزك للسبيطار نور : انا سبيطار انا نسنى فالموت بفارغ صبر و انت تقولي سبيطار اااه مسيو رؤوف تنجم تمشي سي نو والله نلم عليك لجيران . رؤوف مسمعتش لكلامها و نحيت لفاست متاعي و لبستهالها و هي تقاوم فيا و جبدتها لبرا و صلتها لسبيطار طول دخلوها إستعجالات و مبعدا دخلوها للكومة طول و انا حسيت روحي سبو خسرتها معرف علاه حسيت هكا مي باك تعذيب ضمير . خرج طبيب و قالي مسيو انت مع لمريضة .. رؤوف: طمني عليها دكتور ؟ طبيب: والله مريضة أهملت روحا برشا و كلاوي متاعها في زوج ولاو ميخدموش مليح و لقدر ربي هذا يؤدي لفشل كلوي لزمها راحة و الاهم راحة نفسية و ربي يجيب شفى. رؤوف: مصدقتش ابدا لا منقبلش هذاك الجمال و الزين الكل يتخسر و زيد بمرض لقتل بابا ابدا مستحيل نخليه يهزك وقت مرض بابا كان لفقر رابط يدي مي تو الحمد الله نخسر كلش عليك نور و منخليكش تموتي . رجع رؤوف لدار نور باش يجبلها دبش يبدلولها بيه خاطر مطولة قعدتها . حل لباب و شاف دار لعكس نور تمام مش مرتب دخل للبيت متاعها و حل لخزانة صدفوا ملابسها داخلية (سلب حشاكم ) ضحك خاطر مرسوم فيهم كامل كوميكات ههه قال سبحان الله ليشوف إغراء مستحيل يحط لبستلهم كوميك هه . طاحت عينو على ورقة مقطعا فوق سرير هزها و قرتها مي كانت مش واضحة ( مستحيل نسامحكم مستحييل ماما نكرهك نو نحبك لااااا نكرهك جدتي ربي لا يسامحك و كون نقفوا بين يدين ربي نقولو منسمحاش هشااام تخلصها فدنيا قبل لخرة كااااامل منسمحكمش) بقى حاير مفهم شي و تبقى نور لغز لمحيرو لسمع عليها قبل ما يوصل للشركة . رجع غدوة باش يطل عليها خاطر ليوم وين تنجم تفيق رؤوف :سبحان الله ملاك قربت لبيتها لقيتها مفرشة زربية و تصلي
أنت تقرأ
احببت مديري
Romanceكل شيء في هذه الحياه يحمل معنا له عادة ما يكون بسيطا الا الكتابة فهي سحر وادمان وروح بريئة نقيه صافيه ورائعه لا يفهم معناها الا القليل تطهر الروح مهمى كانت بساطتها فلا تستخ بها اغلبكم يقول ان لا نفع لها خاصة ( الكرونيكات التي باللهجات العامه) لكنهم...
