طبعا صحبتنا تاني يوم صحت مع المؤذن عدييل(شفقتا كعبه 😢😂😂) المهم اتوضت وصلت وكوت شعرا وعملت منكير ولقت الوقت لسه بدري(عاد كيف مايكون بدري دي صحت ديك الجيران🤓) المهم مشت رقصت زمبااا وغنت ونزلت صبحت ع اهلها وقالو البسو عشان اساعدوهم مشت لبست لبستا ديك وعملت زمام وحجل ومشت ضربت لي رندا(هي في طريق ناس حسام وحيغشوها) سالتا قالت ليها تعالو جات رندا وامها (طبعا مابحتاج احكي ليكم رندا والخفه مع اهل حنين معرووف الصحبات مع الاهل كيف😂😂😂يلا دي على اكعب بس)وحنين بتعاين ليها كده🙂احساس دي منو المهم قامت امي قالت لي ام رندا : غايتو انا حجزت رندا دي لي سااامر هديه ورضيه ماشاء الله مازي العندنا ديل 😒 وانا احساس ولا قاصدني بغني ساااي اما صحبتكم ديك تشيل وتتكبكب😂😂😂المهم وصلو بس قبل ماينزلو تعالو نوريكم حسام عمل شنو في موضوع رانيا خلال الاسبوع الفات ده(يلا حسام بقى مراقب ياسر وابوه ومن مراقبتو ليهم عرف انو الابو بتاجر بالمخدرات وببيع وسبحان االله من الناس الببيع ليهم صاحب ياسر ولدو اللي هو ببيع لي ياسر💔(الدنيا دواره)المهم ومشى وهدد ابوه انو لو الزواج تبع رانيا وياسر تم هو حايفضحو ويسلمو للشرطه ورسل ليهو صور وهو بسلم للناس ف المخدرات ولي ولدو وهو ماواعي وهو وافق انو ما يتم الزواج ده بشرط مايكلمو زول وده الحسام عاوزو) المهم وصلو الشله كلهم وحسام كانو عاملنها ليهو مفاجاه وايمن اصلا بايت معاهم اول ماوصلو ناس حنين طبعا بدو شغل ف الكرامه وكده اول بعداك قالو دايرين يطلعو يسلمو على حسام امو قالت ليهم فوق حسام معاهو ايمن حنين ضربت لي ايمن وقالت ليهو تعال المهم ايمن جا وطلعهم لي حسام والوقت داك حسام قاعد ف طرف السرير وماسك راسو ومغمض عيونو اول مافتح لقى الشله كلها قدامو انبسط شديد وتلقائيا بقت عيونو بتفتش على حنين لحدي مالقاها وشافها وتلقائيا برضو الابتسامه زالت من وشو واتحولت لغضب
كمال : شنو ياحسام يااخ الف سلامه عليك ماتشوف شر☹
حسام : الله يسلمك ياكمال قالو لي جيت المستشفى مابتقصر والله
كمال : يااخ عيب منك
يامن وعثمان : شنو يافرده سلامتك(في نفس الوقت) ضحكو كلهم عليهم😂😂
عماد :يافرده الف سلامه عليك ياااخ
حسام : الله يسلمك
حنين (ببرود): سلامتك
حسام (عاين ليهت مسااافه بعده قال) : الله يسلمك😊
ايمن : وين عمار ماشايفو
كمال : عمار ضرب لي وقال مابقدر يجي واوصل ليهو سلامتو لي حسام(مافهمتوها صح ماضروري يلا انا زاتي مافاهمه😂🙇♀️)
حسام (في سرو) : احسن زاتو (عاينو لم اعمل العلامه دي " معناها ف سرو تمام)
بعدها اتونسو شووويه مع حسام وحسام طول الونسه دمو فااير على حنين😂 بعد جو اطلعو خلاص حسام نادا حنين
حسام : حنين دقيقه خليك
حنين : عاوز شنو🙂
حسام : لحظه بس😒 ايمن تعال خليك قاعد
ايمن (فهمو) : طيب قاعد ف البلكونه
حسام : تمام وقبل على حنين بي غضببببب😡
حسام : ده شنو الابساهو ده شئ حجل وشئ زمام وشئ منكير ومابعرف شنو جايه حفله انتي😡
حنين : عفووااا بس انت منو لم تدخل ف حياتي انا حره اللبس العاوزاهو🙂
حسام(بانفعال) : يااخ ماممكن ده شنو انتي شافعه فاكره نفسك لسه صغير وتلبسي ف البناطلين والتيشريتات وماخاته الطرحه ف راسك ماتشوفي رانيا دي صحبتك القريبه دي حصل نزلت الطرحه من راسا؟
حنين (بي غضببب) : ياااخ انت مالك بي ان شاء الله احووم عريانه دخلك شنو انت
حسام (وهو بقرب منها شديييد): حنين احترمي نفسسسك وتاني ماتقولي مادخلك بي دخلني بيك ونص وخمسه كمان عارفه ليه ؟ عشان انااااااا بحبككك بحببك فاهمه ياحنين بححححبك
حنين (وخلاص عاوزه تبكي):😳😳😳😳😳😳
حسام(شويه ووعى لي نفسو) : وزح من حنين وقال ليها : حنين اطلعي براااا سرعه
حنين طوالي طلعت وايمن من سمح صوت الباب جا
ايمن : في شنو ياحسام سامعكم بتصرخو يااخ ماكده
حسام : ايمن خليني وعليك الله ماعاوز اشوف زول ولو جو سألو مني قول نايم
ايمن : لكن انت،......
حسام : الله يرضى عليك ياايمن يااخ
ايمن : طيب وطلع طوالي حسام رجع رقد ف السرير وفجأه حسا بي حاجه ف خدو نزل يدو لقاها دمعه "حسام ده شنو ده معقوله بتبكي عشان بت اخر مااتوصلت ليهو لااا يااخ عملتي فيني شنو بس هي ظااهر انها مابتحبني لييه ياربي تختني ف موقف زي ده ....اف انا بقول ف شنو استغفر الله"
بهناك اصحابنا نزلو وقالو الفطووور ونادو حسام ف البدايه رفض بس اقنعو عشان حبوبو جا نازل وطبعا راسو ملفوف بالشاش💔 وقعدو ف البدايه الرجال حتى النسوان بعد انتهو الشباب كالعاده الحديقه والاهل جوه
نشوف ناس حسام
يارا : حساامي انت كوويسسسس(وختت يدها ف خدها)
حسام (وهو بزح يدها) :اي كويس
اتونسو واتهابلو مع بعض تاني بعد شويه رانيا امها ضربت ليها مشت بعييد وكده وجات بتصررخ
حنين : بسم الله مالك يابت
رانيا : تعالو تعالو بسسس(وكرت حنين ورندا)
يامن : واحنا😒
رانيا : كلام بناات😝
ساقتهم ومشو بعيييد
رانيا : يابنات اتخيلو امي قالت لي شنو(طبعا بتتكلم ودموعا ف عيونا😂)
حنين : ف شنو يارانيا خوفينا
رندا : مالك يارنيا 😢
رانيا : امي قالت لي ياسر وابوه جوو وقالو ماعايزني وانو ولدهم لسه صغير وماحمل المسؤوليه وقالو لي اجي عشان عاوزين اعتزرو مني تخيلوو بس😍😉😉
حنين : واااي احلفي😢😍😢
رانيا : وربييي😢😢😢
رندا : اخييرا😍(وحضنو بعد حضن التلاته ورانيا ودعتهم وطلعت)
رندا : حيكون ده حسام
حنين : نعم
رندا : ده حسام الحايكون خلا ياسر وابوه يتراجعو(طبعا حنين حكت ليهت بس ماحكت لي رانيا)
حنين : احتمال بمشي بسالو بعدين
رندا : اي يلا هسي نخششش
اول مادخلو حسام وديل لاحظو لي انهم مبسوووطين وحسام عرف انو موضوع رانيا اتحل
كمال : ضحكونا معاكم😏
رندا : ززي ماقالت رانيا موضوع بناتيي
يارا : وانا مابت😿
رندا : لا انتي بت زياده عن اللزوم عشان كده واحنا عاوزين بنات سااي😴
يامن : الضربه القاضيه ف الحتته الفاضيه😂😂
يارا : تيب😢
حنين(بتحاكي فيها) : تيب😒😒😬
كلهم :😂😂😂😂😂عدا ياارا 😑
المهم قعدو واتونسووو ماخلو استاذ حايم ماقطعو فيهو 🤓😂😂لم خلاص جو ماشين حنين كانت ماشه لي حسام بس خجلت منو واتراجعت وقالت تسالو بكره ودعو بعض ومشو بعد مشو حسام ماصدقق يرتاح جاتو هند نااطه
هنند : اششي على النظرات مافضل الا تاكلا😍😍😍
حسام : هننند اختيني
هند : لا جد اتكلمت معاها
حسام : اي😒
هند(بي صرخه) : اححححلف واااي قالت ليك شنووو اكييد وافقت صاح اصلا ظاهر بتحبك
حسام : مابتحبني ولا شي ياخ ماابدت اي رده فعل حتى مااتخلعت زاتو
هند : السدمممه يااخوي😂
حسام : هند اطلعي عاوز انوم
هند : طيب يلا تصبح على خير
حسام : تلاقي الخير حسام بعد طلعت " انا متخلللف ماكان لازم اعترف ليها هسه حكون خسرتها ياربي ماتحرمني منها اول بت قلبي اتعلق بيها كده اجلعها حلالي يارب😿" (قولو امين يوووخ حنيت عليهو😢😢😢)
اما حنين لم رجعت ضرب لي رندا ورانيا وحكت ليها
رندا : انتتي جاده ياحنين حسام طلع بحبك اساسا هو واضح بس مااتوقعت اعترف ليك كده
حنين : اها هسه اعمل شنو
رانيا : انتي هبله شنو تعملي شنو تمشي تعترفي ليهو انتي برضووو يااخ بطلي هبل
حنين : بخخجل ياخ
رانيا ورندا : حنييييين
حنين :😂😂خلاسس تيب على قول يارا🙂
رندا : ماتجيبي سيرتا بتفقع مرارتي😤
رانيا : اي والله مابتتهضم😂
حنين : لييه عصارتك الهضميه خلصت عندها لا شنو😂😂😂😂
ولاكترو معاها الاتنين قفلو الخط ف وشها ضحكت عليهم وصلت ودعت ربنا ومشت غطت في نوووم بس حسام بهناك ابدا مانام خلص علبه سيجاره كااامله 💔💔💔💔💔حتى نام قريب لي زمن المدرسه اصلا هو مفصول اسبوع يعني مافارق😂😂😂😂
تاني يووم حنين صحححت متاخر قريب ١٠ اول ماعاينت الساعه اتنفضت ف السرير
حنين : وووووب عليي الليله عندنا اختبار الاستاذه مابدخلني نهاااائي واأاي الليله بموووت انا😢😢😢😢 لكن دقيقه هو الحصه الاولى والتانيه هسه البريك حيكون انتهى خلاص ضاع علي اليوم يلا احسن زاتو بلا اختبار بلا قرف😌ونزللت تحت مبسووووطه ولاقت امها
حنين : امي لي ماصحيتيني الليله😕
ساره : والله يابتي ماهان علي اصحيك لقيتك تعبانه 😢(احيي انا احنا هنا اصحووك بالشباشب 😢مش لو ساهرتني وانتي بتنضفي لو بتلحسي ف الواطه لحس برضوو تقومي دنيا يا جايسسه🙂💔)
حنين : اي احسن زاتو
ساره : يلااجهزي نمشي ناس خالتك سوسن جاينا احمد هسه يسوقنا
حنين : ليه نمشي تاني
ساره : نسااعدهم ف النضافه البيت كبير ومابقدرو عليهو كلهم يابتي
حنين : يعني ماصحيتني عشان امشي انضف هناك مشش😬
ساره : اي يعني انتي قايله عشان سواد عيونك😝😂
حنين : كووويس ياماما لم بابا يجي بعدين
سااره : بابا سااافر زمااان😂
حنين : ك كيف ساافر ومتين وليه ماكلمني
ساره : ساافر امبارح سفره طارئه ضرب لي وانتو كنتو بتتونسو ماحب يزعجكم
حنين : اخس عليهو ماشه اضرب ليهو
ساره : طيب اضربي والبسي الزمن
حنين : طيب
طلعت ضربت لي ابوه واتونست معاهو بعد قفلت مشت طلعت تيشرت احمر فاتح وبنطلون كبدي واسبورت ابيض وفوق ليهم عبايه (عشان هي اصلا حاتنضف) ولبست الطرحه وعملت قلوس بس ومشت لقت احمد برا ومعاهو كرم وكريم جررت عليهم حضنتهم لممم وقعت😂😂😂😂😂
احمد : ههي اولادي ديل بتقتليهم لي يوم
حنين : صححي؟😢
كرم وكريم : لالا
حنين : 😝😝كياااا ليك يااحمد
احمد : 😂شافعه دي
بعد شويه طلعو واحمد قال ماشي يطمن على حسام حنين لم سمعت حسام جاتها رعشششهه😂فاكراهو ف المدرسه بعدين ضربت راسا وقالت هو عامل حادث وراسو لسه بي شاشو ويدو مكسروه يمشي كييف وهو اصلا مفصووول اوووف كيف نسييت بس يلا😬
ساره : بقيتي تتكلمي براك ولا كيف😂
بعد شويه احمد جا نازل قال لقاهو نايم ووراهم انو ف حبوب مفروض يبلعا بعد شويه وطلع مشى شغلو.
#نتلاقى
اووووووهبببكووووم😍😍😍❤❤
