أنا خطرا خرجت مع الرخيس تاعي نرندفوا أيا جاو ثلاثة صحابوا مع صحاباتهم و كاينة و حدة منهم صاحبتي ربنا لواحد الغابة هما كنا في عائلة😂 قاعدين نضحكوا و نتمسخروا غير هاديك الغابة جايا شوية على طريق أيا انا كنت دايرا بظهري لطريق شوية هما و نشوف فالنقش تاعي يجري قتلوا حبي علاه راك تحري ارواح هنا زدت شفت صحابوا يجريو🏃🏃اسبي قلتلهم واش بيكم. قاتلي صاحبتي اه ربي درت و نلقى جدارميا و ها رب مت صااي . كنت لابسا روبا 💃و تشوفوا ختكم تشمر ديك الروبا و تنطلق بأقصى سرعة 😂😂 تقول توفيق مخلوفي 😂🏃 نجري 🏃 نجري 🏃 هاداك الساك هازاتوا فيدي😂😂و الخمار يدي فيه الريح 🌬🌬و الجادارمي يجري موريا سبي حسيت روحي مجرمة😂😂المشكل قاعدا نزيڨزاڨي فطريق 😂😂ما طولتش و حكموني ولبنات لوخرين نشوف فيهم يجروا تقول طلقوهم يديروا لاكورس شوية هكا و يجيبهم حكمونا حنا لبنات و بقاو يجروا مور صحابنا 🏃😂😂مي ما حكموهمش 🤷🤷و صاحبتي حالتها حالة تقطعتلها البالغين و طارلها الخيمار😂😂 غير شفت فيها قريب ضحكت قاعدا تحاول فالشاف لبرgاد و تقولوا ها عمي عيشك اطلقنا نروحوا حق ربي ما نعاودوا شاف فيها مليح و ينيخا بكف عينيها دارو لاميطون😂😂أنا صااي فجعت حسيت روحي راح نتعوق أيا داونا لمركز شبعونا سبان و حا شاف و هو وااعر و زيد قبايلي (احم احم و ياااا ولد بلادي)قالي سيحلك الما؟ و انا ما فهمتش قصدوا و هو قصدوا(....)و انا قلتلوا و الله ما عطاني و انا قصدي الما . قالي و نتي تحوسي عليه(....)قلتلوا إيه جا راح يضربني اونبعد حبس و قالي طحبة تحوسي يتزوج بيك قلت فقلبي اسبي على واش راه يهدر و من البعد قتلوا و الله ما شربت والما راني عطشانة😂😂هو تناك فراسو و اونبعد زادت صاحبتي راحت تحاول فيه قالها روحي لنعديك بكود دو تات تموتي ساك جات قاتلي واش هادي كود دو تات انا ما كنتش نعرف واش معنتها قلتلها قالك روحي لنعطيك برصاص شتفت فيا و قالتلي اسبي هادا ما عندوش رحمة في قلبوا قاتلي و لوكان يعطيني نموت؟؟ قلتلها روحي اخطي سبي نن تتعوقي برك و من بعد شوية هكا طلقونا و كي جينا خارجين من المركز ناس شافتنا أنا غطيت وجهي و نديرلهم هكا ✌✌✌✌✌و هي تقولي راهم يشوفوا فينا تقول جامي شافوا بنات قلتلها بلعي لنيخك هنا شو في منين رانا خارجين و اهدري 😂😂و هي حالتها حالة لخنونة تسيح و الخيمار نص طايح😂😂😂
-----------------------و ياااااا اتهلاو---------------------
اتهلاو ما تنساوش 😁😁😁😁
