ثورة أكتوبر العراقيه

نسيتوا

#ها_نسيتوا
شلون ام الشهيد من جانت يكلولها حجيه  ابنج ب الثلاجه مو هسة تشوفي  عل دكه المغيسل لأن انريد انسوي مجال الواحد ثاني  ؟
نسيتوا من جان الاب  يكلوله حجي لاتبجي بالردهه بلازحمه لان الطريق ميكفي عدنا هواي شهداء وجرحى ؟
تعرفون شنو يعني الرجال يدگ و يلطم؟
نسيتوا الطبيب اليسوي انعاش قلبي وهو يبجي ودموعه على صدر الشهيد ويكله لاتموت لاتموت فدوه اروحلك ؟
نسيتوا الممرضة الي جانت ترجف ايدها وهي تضرب الابره من الهستيريا؟
نسيتوا ايام الطبيب من يعوف المضروب طلقه بصدره ويروح على المضروب طلقه براسه ويكول هذا حالته اخطر من ذاك؟
من جان يوكع الشهيد والشباب تركض شايلته ووتصرخ ؟
نسيتوا الناصرية من ينادون بالسماعات محاتجين توابيت لان العدهم ماتكفي للشهداء؟
نسيتوا بغداد نسيتوا النجف نسيتوا كربلاء نسيتوا البصرة نسيتوا العمارة نسيتوا الكوت
نسيتوا أمير وعمر ومؤمل وأحمد وثائر....
شعد حتى أعد إذا همه هواي؟
نسيتوا صرخات الأصدقاء من يشوف صديق عمرة مدد بتابوت،
خايبين نسيتوا شنو من شباب جنها ورود راحت من الحياة لأن بس جانت امنيتهم يعيشون مثل العالم...
وتركوا وراهم صديق وام وأب وحبيبة وطفل يحبهم..
لحد الآن أنين وصرخات أهلهم بالليل والنهار عليهم ....
#اي_جنكم_نسيتوا🥺
#وعد_ترجع_الثورة
#الخلود_لشهداء