كرونيك:💕😍زواج مجنون😍💕

01

الحلقة 1🎀

في فيلة عائلة عزيز بن عبد الله كانت العائلة فوق الطاولة العشاء مجتمعين ياكلو والصمت هو سيد الموقف كان يترأس الطاولة سيد عزيز لي هو كبير العائلة هو صاحب اكبر شركات الهندسة ديكورات في البلد ، وفي جنبو الايسر كان قاعد ابنو لكبير خالد وجنبو مرتو كوثر و ابنهوم علي وبنتهوم حياة واما في جنبو الايمن فكان قاعد ابنو تاني رؤوف لي هو أب بطلتنا وامها وفاء وجبنهوم بنتهم الوحيدة واصغر فرد في العائلة لي هي نور لي عمرها 19 سنة هدي هي عائلة سيد عزيز لي هو لي متحكم فيها وكلمتو كلمة ومربيهم على العادات والكل يطبقها بدون مناقشة دائما وهو اكثر مبدئ يقوم عليه هو مبادئو اذا قطع وعد يوفيه واذا كان عندو دين يوفيه لاصحابو

كانت عائلة كامل تاكل حتى سمعو سيد عزيز تكلم
• حبيت نحكي معاكم بخصوص أمر
• خالد : خير بابا
• خير خير ياولدي لكن حبيت نخبركم انا عطيت كلمة لصاحبي احمد الله يرحمو وان نطن جاء الوقت المناسب باش نوفي الوعد
• واش قصدك
• خليني نكمل خلال يومين راح يجونا خطابة لحفيدتي نور
نور مثل عادة كانت تاكل ولا على عبالها بشيئ تاكل بزربة باش تقوم تكونيكثي مع صحباتها حتى سمعت خطابة لحفيدتي نور
• وااااااش
• استغفر الله
• واش راك تحكي جدي
• كلامي كان واضح راح تنخطبي
• جدي وااش من خطبة انت من عقلك انا مزلني صغيرة باش نتزوج وزيد حياة اكبر مني لازمها هي تتزوج في اول
• 😡 رؤوف قول لبنتك تقعد ساكتا غير يتكلمو لكبار هي تسكت وراحش توريلي وين مصلحتي
• جدي انا من اخير رافضة
• وانا مرانيش ناخد رأيك
نور نطرت نطرت لبوها وامها حتى واحد ماشق فمو هزت روحها وطلعت لغرفتها تغلي من غش