الحلقة 3🎀
• بابا راح نحكي هكدا بسكو راح نهبل
رؤوف وحياة خرجو ونور قعدت تخرب في فراشها من عصب قعدت ساعتين وهي تخمم بعدها عياة من تخمام وراحت للفايسبوك متقدش تراطي هههه
هدي هي نور نعرفكم بالمناسبة على بطلتنا لي هي نور طفلة مدللة وزينا هي وحيدة امها وابوها هي طفلة راسها خشين بزاف وتحب تعيش كيف ماحبت لسانها طويل ولي في قلبها تقولو وهدا اكبر اسباب معناتها ههه
هدا تشخيص بسيط مع الوقت تتعرفو عليها مليحنرجعو للواقع
نور غير فتحت فايسبوك ترن ترن ترن هههه
• ياطفلة وينك وينك واش تخدمي هزي دشبيك
• دشبيك يا كلبة قلقتيني واش تحوسي مني
• يا كلبة يا نكارة الخير
• هههه رنكي
نور قعدت تحكي مع ياسمين لي هي صاحبتها لانتيم وصديقة طفولتها وكيف ختها
• ايه كاش جديد
• جدي حاب يزوجني وبالجمعة جايين يخطبوني 😥
• 😱😱😱 تتمسخري
• يا كلبة من وقتاش وليت نتمسخر
• واش راح تخدمي
• مانعرف
• يا ريت كان جاعندي جد كيف جدك كان وقتها مقعدت بايرة
• هههه اتزوجي في مكاني اذن انا نشكيلك وانت تتمناي كان جيتي في مكاني واش راح تخدمي قولي انا راح نتزوج بواحد منعرفوش وزيد اختيار جدي غير نغمض عيوني نشوفو يشبه لجدي مدامو ختارو جدي اكيد هو عندو موستاش وشعرو يرجعو في الجنب
• وجدك تخد قرارو تقدرو تغيرو رأي نتاعو
• مستحيل جدي عندو كلمة ياربي واش نخدم
• اهربي
• مرسي مكونتش مخممة فيها دروق نهرب يا بقرة من عقلك نهرب راكي تشوفي فينا في مسلسل ولا فلم قولي قالك نهرب وغير نهرب وين نهرب قولي اولا في دقيقة يلقاوني وكان كلقاونيش راح يغتصبوني ويرموني قالك اهربي
• ههههه اذن اقبلي بالواقع
• ايا روحي غدوا نحكو
• باي وتصبحي على خيرنكمل ونتمنى تعطوني رايكم 😂😂😂😍 وتفاعلو والله كلما تتفاعلو نكتب الحلقات 😂
أنت تقرأ
كرونيك:💕😍زواج مجنون😍💕
Romanceكرووو جديدة نتمنى تنال اعجابكم للكاتبة المتألقة 👈👈👑 احلام👑 كرونيك راح يكون فيه دراما وكوميديا 😘😘👑 ..رح يكوون اسلوبها بسييط هاييل يحكي على ثنين شخصيااتهم مخلفة كل الاختلاف💔💦يجمعهم القدر عن طرييق الزواااج بالاجبار😢💔.. لي رااح يسبب معانااااة...