كرونيك:💕الوريثة_المفقودة💕

11

حلقة 11 كاتبة ميمي 💣💥
مايا خلاص ما تبكيش أتقربي منو في فترة الخطوبة وراح تحبيه هو باين يحبك مدام جا تقدملك
لامية إيه إن شاء الله ونتوما قولولي كيفاش كنتو عايشين فالميتم
وفاء و مايا تنهدو كنا عايشين ذل لموهيم خلينا منخبش نتفكر
سي سليم الخطوبة سمانة الجاية خلي فرحة تدخل لهاذ القصر
نعيمة و زهرة بداو يزغرتو
نعيمة طلعت عند لامية بالبراكة عليك بنتي و باستها و جدي روحك الخطبة سمانة الجاية و نديرو كلش على جيه ومنها نفتحو و نعقدو يبقا العرس برك
لامية ولات تبكي
نعيمة واشبيك تبكي مزالك شادة في تخمامك ليث راح يفرحك و راح يعيشك ملكة
لامية بصح ما نحبوش
نعيمة بلعيه كون يسمعك باباك و لا جدك يقطعوك و يرموك بلاكي تهدري قدامهم هاذ الهدرة و خرجت وخلاتها
وفاء شفتي مايا غاضتني لامية
مايا إيه مام أنا بصح واش راح نديرو حنا مكان مدخلك
وفاء أمممم أوكي
مايا هبطت تشوف القصر ولات دور فيه من بلاصة لبلاصة طلعت الفوق حتى تسمع حس جاي من آخر لممر بلعت ريقها ولات تمشي حتى وصلت لصوت شافت لباب مفتوح شوية طلت داخل كان كريم يطريني ملاكمة لابس شورت ومن فوق عريان يسيل بالعرق ولات تشوف وتفلي فيه لسقت فالحيط تروح على روحها يا ربي واش هاذ لكور عاودت ولات طل عليه حتى بدون سابق إنذار حطت روحها على الباب تفتح و طاحت داخل البيت شافها كريم
كريم واش ديري هنا نتي
مايا مشي بالعاني كنت جايزة زلقت جيت هنا
كريم والله وانا لازم نأمنك
مايا والله هذا شغلك تامن ما تامنش مكان مدخلني
كريم حكمها من يدها لسقها فالحيط سڨمي ر... هدرتك معايا صينو نضربك ن.....
مايا طبعاتو أي أي واش حاسبك روحك هنا بلاك تزيد تمسني وخرجت تجري راحت للبيت دخلت و غلقت لباب تتنفس بجهد يا ربي قريب ما ذبت هذاك زين ولا واش عينيه عسلين و شفارتيه تي كلش فيه يجذب
بفففف واش راني نهدر وفاء راحت تحوس عليها داخل دوش بفففف وين راهي هاذي