الهرب لكوريا ممكن ؟!؟!🍒💀 (متوقفة حاليا)

راح الغالي راح 🍒🍷 فاصل ...فرحة

كل رحنا نرقدو من الحماص باه نشرو لي بيي تحرقنا خخخخ
وفي الصباح استيقضنا على العصافير وهي تزق .....
باختصار نروحو نخدمو وتيتي وريتاج راحو بكري باه يلحقو يشرو لي بيي تاع vip
رتاج : ازربي ازربي رانا لولين
تيتي: جاية جاية
على11
تيتي: صخااانة تشوي يا محاينك نروح نصب على وجهي طبصي زيت زيتونة
رتاج : نهز ونلبخ نهز ونلبخ
تيتي: جوزي قوليلو راهم حلو
رتاج : 2 تذاكر تاع الكونسرت بانقتان
تيتي :يادبا 9
رتاج : بيبي غلطت 9 vip
العامل : الثمن ***
تيتي: مغصي حبي
العامل : غي مشوكي
رجعو للدار وفي الطريق :
تيتي : وهي تعيط عااااا منيش مامنةةةةةةةة
رتاج : غير تنكز وترغي والناس تخزر معاهم
المهم صونا تلفون تاع رتاج
رتاج : الو
خديجة : وش صرا وش صاري
ريتاج للتيتي بلعقل
رتاج : نركبوها عليهم
تيتي : ياص 😈
خديجة : متخلعينيش طارولكم ولا لا
رتاج : نجو للدار ونحكيلكم
المهم وصلو للدار جوايه 12:30
خديجة ونور : واه وش صرا وشبيكم زعفانين متقولوليش بركككك..
تيتي: اسمحولنا مهيش غلطتنا
رتاج : مالقغي حاولنا مي ماطاروش
خديجة : سنقبل بما كتبه الله لنا😢
نور : يعطيكم جنية طيركم كيفاش درك
خرجت تيتي من الصاك 9 تذاكر
خديجة: وش هادا ؟😮
تيتي: vip
نور ؛ تنكز وتعيط وتحضن وتبوس وحالتها يرثى لها
عند صاغة :
الممثلة : ياو كون نحكيلك برك جارتي زوجت ومعرضتنيش وانا ديما نسلفلها القنادر والماعون الله يعطيها الربحة
صاغة : ربي يصبرك اختاه
الممثلة : اميين ونحكيلك على حبعمري وشدار.....
صاغة: الرحمة بلعي شوي (في قلبها
عند رنا :
رنا : متتحركش خلي نشوف قداه هنا
المودل : حنقلك حاجة
رنا :واه
المودل علاش زينة وعينيك كبار مش كيتاعي مجبودين
رنا : بيسك انا دزيرية
المودل: صاحا مليح وين تسكني
رنا : في جونكوك
المودل : مفهمتش
رنا : نسحن عند جونكوك
المودل انت اختو؟؟ ولا حبقلبو ؟؟
رنا : حبقلبو
المودل : بصك هو ميواعدش
رنا : شالاحني بلع خليني نخدم
.......
عند مغيم :
سولارا صحبتها في العمل :
سولارا : هم كل ملاح بصح انا حبيت هاداك بيسك زين ويشبه لبايسي
مريم : اداك صورت معاه لبارح
سولارا: مليح دبرتيها ☺
مريم : كون نقلو يخرج معايا يخرج نورمال
سولارا : ايه قوليلو
مريم : نتمسخر
سولارا : هياااا
مريم : لا منخونش طاي
سولارا : طاي ميعرفكش😐
مريم : وش دخلني
.......
عند ملاك :
مومو : ملك جيبي الكرطابل لي قدام الالفريجيدار
ملاك : اسمي ملاك اودي درك نجيبها
ملاك : عااااا
نايون : وينهم لوراقي لي كانو هنا لي داهم الراص يطير
ملاك : هاكي هاكي
......
عند صيغين :
المدير: اضحكي شوي كوني سعيدة
صيغين : انا كارهة وانت تقلي سعيدة اختك سعيدة لي مزوجة بولد عمي
المدير :خلاص سكتنا يا ودي تخوفي
صيغين : علابالك كون تحاوزني وش ندير؟،
المدير : لا لا فكك راني عاقل
صيغين : نحرقلك هاد المطعم لي ميت عليه
المدير : ديري وش تحبي السماح
صيغين: واه هادي هي الهدرة تاع الصح
......
مالا رجعو في ربعة للدار وهم مكسرين اباغ مريم مكانش
رنا : عندك لاتكون تاهت
تيتي: اسكتي نعيطو للابوليس ولا كيفاه
صاغة : بلاك سرقوها اسناو بلاك يهددونا بالصوارد ولا
رتاج : بلعي انت اديك الفالات كي وجهك

مريم في مكان اخر
مريم : سيبني يا وجه البق
الراجل: اركحي يشوفك الزعيم ونطلقوك
مريم : ياك زعيم خوك
راجل: نضربك تشوفي الموت
مريم : اهدر قدقد قول نضربك الخنونة طير من خشمك
مالا قعدها علا كرسي وثبتها
وجا هاداك المودل لي صورت معاه اسمو ليي نو غيه
لي نو غيه : قاتلك سولارا واعديني محبيتيش علاه
مريم : ببساطة وتواضع شديدين بين قوسين شديدين انو منحبش جدك
لي نو غيه : شا ناقصني
مريم :انت ماشي تايهونغ
لي نو غيه : ههههه تايهونغ مش سامع بيك يا جايحة
مريم : ولات تبكي وتفتلو في وجهو : خخخخ تفوووو قاتلو : يا ديقولاص يا مكراش كون نحب نخرج منا نخرج علابالك يخي 😐
لي نو غيه : نحب نحبسك هنا نحبسك حتى تحبيني
مريم: ياو بلع معقد مريض نفسي فوملات كلب البحر لي قدك ام بولادهم ياكلب
لي نو غيه : كون تحبيني ونزوجو لتم صحا
مريم ضربتو لتم على ******* برجلها بالقاوي وقتلو
مريم : جيب لولاد ضرك
هزت الموس وفكت روحها طبعا الحراس وهاداك الشي راهم برا بدا هو يعيط
مريم : بلع عرفتك فوملات ملول
دخل واحد معضل وباباي تقولش ويل سميث
قالها
وييين رايحة
مريم: للامك رايحة
بدا يقرب ليها حكمتو بحرككة بسبطة فلعصتلو رجلو طاح لرض زلزلت
ملاحظة : مريم بوكسينغ
دخل واحد عطاتو بدبزة للوجه طاح يتغاشا
خرجت من البيت هاديك وهبطت وين دروج
لقات واحد قالها :
الراجل: كانت عندي سلحفات قدك قتلتها
مريم : هزت التمثال ليكان قدامها وعطاتو للوجه طاح داخ قعدت فوقو وبدات تقتل فيه وتقول
مريم: داب حرام عليك انا نحب الفكرونات
وهي خارجة لقات واحد هاز مسدس
هو: وينهو جون (علا لي قتلتو بالثمتال
مريم : اوييي صحيبك هداك لي لابس احمر
هو : وي ونهووو؟
مريم : راهو قال بلي رايح للكاندا عند مرتو وقال بلي تخدم مصممة مجوهرات و....
هو : علاه تكذبي وينهو
مريم: بعد من قدامي لا والله تتخلط تموت كيفك كيفو
هو : تيرا الرصاصة واوغوزمو بعدت مريم راصها صافي عدات عليها برك
مريم: هزت المكحلة وتيرات عليه
قتلك اي رح تتخلط ولا مقتلكش علاه واحد مايسمع ليا ياودي زادت تيرات وهي تقول موت تفاك ادخل للجهنم الحمرة

خرجت تجري لقات صاكها مطايش واهم حاجة فيه صوارد حكمت طاكسي داها للدار :
........
تيتي:ياربي ميصرا والو ياربييي
صاغة : نيشان نشا الله
طبطب الباب
رتاج : انا نحل
....
مريم : هلو نيقز
وهي بالدم وحالتها يرثى لها خخخ
رتاج : تعاركتي؟ رجعتي لطبايعك تاع بكري نهار كامل وانت تضاربي بالماس مع ولاد الحوم مكفاكش مابردتيش
مريم : بلعي برك العبد كابابل يسويسيدي من التعب وانت هنا تناقي كي الدجاجة
دخلت شفناها دارلنا الشوكك خخخخ
حكاتلنا الحكاية بالتفصيل الممل واحنا غير نسمعو في الاكشن لي صرا
مريم : مبعد خرجت وجيت بطاكسي لهنا ! هل من سؤال؟
صيغين :راسك او بدم تاع الرصاصة
مريم : حتشي نعوم ونعالجو وتحيا الججائر
ملاك: علاه ميصراش معايا هك
خظيجة : بعيد الشر بلعي
نور : تقولش انمي ياجدك حرفيا
مريم : خخخخ انا اصطورة
صاغة : روحي عومي يالزريعة الخامجة روحي ربي عيطنا لابوليس
مريم : رايحة رايحة
مبعد هبطت مريم ولقاتهم يتوانسو وتفكرتتتتت........ اسمعو انتم لحقتو ....

يتبع يا رجال ورجالة 😂😂😂😂🍷🍷🍒🍒🍒🍷🍷🍷🍒🍒🍒🍒🍒🍷🍷🍷🍷🍷🍷🍒🍒🍒🍒🍒🍒🍒🍒🍒🍒🍒🍒🍒🍒🍒🍒🍒🍒🍒🍒🍒🍒🍒🍒🍒🍷🍷🍷🍷🍷🍷🍷🍷🍷🍷🍷🍷🍒🍒🍒🍒🍒🍒🍒🍒🍒🍒🍒🍒🍷🍷🍷🍷🍷🍷🍷🍷🍷🍷🍷🍷🍒🍒🍒🍒🍒🍒🍒🍒🍒🍒🍒🍒🍷🍷🍷🍷🍷🍷🍷🍷🍷🍷🍷

نحب بانقتان شدا لان سكلولو شعره مرة يجنن🍒🍷🍒🍷🍒🍷