عشق ( ابن العم ) 💕💕

البارت 9 💃🏻💃🏻💃🏻

زيد : كعدتني ندى من النوم شتردين بس كليلي
ندى : كوم حباب وصلنه للصالون اني والبنات
زيد : انتي ويأمن تروحن للصالون
ندى : اني وعشق وحوراء
زيد : اني من سمعت عشقي تروح وياهن كمت بسرعة سبحت ونتضرتهن بالسيارة اول شيء أجت ام خشم يابس عشق حته ما سلمت المهم تعاركنه عركة بسيطة بس 😂😂😂 وصلتهن ورحت للخياط علمود اجيب الدشداشة مالتي وماله الولد لان اتفقنه باليل نسوي حنه بالشارع ونلبس كولنه زي عربي ورة شوية تقريبا الضهر اخو تحسين جاب البنات من الصالون وأشوف عشق هله هله نص شعرهة طالع اني خزرتهة هية عافتني ودخلت جوة اني اعلمج كملت شغل فتت للمطبخ جاي اشرب مي وباوعت من الشباك وأشوف عشق شون تركص عبالك رقاصة اخخ لو اكضهة اشرب من دمهة على هل طيحان حض عفتهة بعد ما رزلتهة ورحت صارت 9 بدت حنه الشباب ضلو يدبجون ويهوسًون وهيج شي رفعت راسي ليفوك وأشوف عشق واكفة يم شباك السطح وطالع شعرهة وصدرهة هم اني عيوني صارن براسي اني اعلمج دوكفيلي اذا ما اربيج اليوم دخلت جوة اول ما شافتني شردت للمطبخ رحت وراهة سحلتهه للغرفة

عشق : خلصنه كولشي ندى كالت راح اخابر واحد من الولد يجونه المهم اجانه اخو تحسين وصلنه للبيت اول موصلنه وأشوف زيد اني جنت لابسة هيج رداء طويل مثل العباء وحاطة شال على راسي بس شنو هوة خزرني خزرة من يمي اني ضليت ارجف شبيه هذا حته شعري مغطيته شكو بعد المهم دخلنه  للبيت اول مدخلنه هلهلن النسوان ويشمرن جكليت بوية احس نفشخت من الجكليت كعدنه العروسة بكوشتهة واني وحوراء رحنه الغرفة البنات نسوي لمسات اخيرة وننزل جوة صعدت لكيتهن مبسطات بالمكياج ضليت اضحك عليهن حته بعدهن ممبدلات لان صبو غدة وراهة يله مكيجن ساعدت البنات بمكياجهن ولبست الكعب مالتي الي هوة هذا

باوعت على نفسي بالمرايه طالعه تووب تبا للتواضع البنات كلولي طالعة تخبلين لان المكياج وهيج لون فستان فاتح يبرز بشرتي ولون اعيونيً نزلت جوة وشفت بت عمي الططوة اقصد سهى بت عمي حارث طالعه تلعب النفس مع احترامي لشواربهة الخضرة المبينة بنات عمامي كلهن حلوات وعيونهن ملونه وبيض الا هاي البنية مو زركة بس ملامحهة ابد محلوة وتحب تخلي ألوان المكياج احمر واخضر وهيج ألوان عبالهة بعدنه بالتسعينات متدري احنه 2018
يجوز متيهة عادي اعذرهة 😂😂😂😂 لابسه فستان طويل أبو التور احمر وحاطة مكياج احمر وحمرة مارونيه يأبه متت ضحك عليهة تموت على الاحمر وهيج ألوان ناريات بت الطركه المهم اول مشافتني كلتلي اووع وهاي انتي عود رايحة للصالون وطالعة تلعبين النفس كتلهة حبي عفت الجمال ألج اني ممحتاجة جمال لأنو اخبل بدون اي شي ( راح تكولون مغرورة اني ماحجي وي احد هيج بس هيج بشر يستاهل واحد يحجي وياهم بهل غرور ) 👌👌👌👌
عفتهة ورحت يم النسوان شغلو ديجي واني نطلقت ركصت ركص بعرس امي مراكصة هيج 😅😅😅 اباوع واحد واكف يم الشباك ياشرلي منو هذا اقتربت اكثر واشوفة زيد لا يالله شجابه هذا هوة اشرلي اصعد فوك بغرفته كتله لو تموت كلي وين اطيرين من يمي اني اعلمج اذا ما راويتج الامهات شتجيب فلا أسمى زيد عافني وراح يااا هذا شبي مخبل مو بيده شوية وكالو راح يدخل العريس حطن شي على راسجن اني شمرت هيج شال على راسي بس ما غطيت شعري زين هيج لان اني أصلا مو محجبة دخل تحسين حنه ندى وضل كاعد يهمس باذنهة وكذا وهية تضحك اني دعيت الله يحفضهم ويتمملهم على خير ورة شوية طلع راح لأنو شوية وتبدي حنه الولد اني كومت البنات وندى والعب ضلينه نركص لحد مهلكنه شوية وسمعنه صوت دبج ورمي طلق عرفت بدت حنه الولد ركضنه اني والبنات من الشباك مال سطح نباوع عليهم فدوة شلون يركصون لمحت زيد يركص بيناتهم جان لأبس زي عربي لابس دشداشه وشماغ ماعرف شسمه وساعة ولازم سبحة بيدة يعني من صدك حلو وهيبة شكله واباوع عليه شلون يركص يجنن شوية ورفع رأسه ليفوك وشاف الشباك مفتوح البنات وأكفات بعيد عن الشباك بس اني مطلعه راسي من الشباك اباوع عليه صارن عيونه براسه من شافني اني جنت حته شال ملابسة وصدري طالع نصه يمه متت خوف من نضرته حته عيونه صارن حمر اني راستن سديت الشباك ونزلت ركض شوية ودخل زيد يمه اجاك الموت يلتارك الصلاة باوع عليه اني ركضت للمطبخ جان محد موجود بالمطبخ البنات ملتهيات بالستقبال يركصن اجه وراي سحبني من أيدي اني ردت اصرخ كلي اذا اسمع صوتج اكسر راسج سحبني لغرفته دخلني للغرفة كلي حسابج زاد وشوفي شراح اسوي بيج جاي احجي وجان """""""""
إلى هنا ينتهي البارت 🥰🥰🥰🥰
شنو رأيكم وشنو توقعاتكم للبارت الجاي وزيد شسوة العشق 😱
احبكم هوووووايه ❤️❤️❤️❤️
تصبحون على خير 💕💕💕