جميلات بغداد وضباط البصره

البارت ال16

الكاتبه ::: اليوم الثلاثاء وييجون الزلم علمود المشيه والبنات والأهل كلهم مخبوصين وحتصير المشيه ببيت أبو شي لين لأن هوه الجبير من إخوانه وصارت الساعه ب 4 أجو عمام الولد وشيوخ والولد نفسهم وولد عمهم وأصدقاء العمام وهواي شيوخ تقريبا بيهم 30 28 رجال واجو وطلبو البنات واتفقوا الحاضر 15 مليون والغايب 30 مليون وحيعيشون 3 ببيت واحد مساحته 200 متر يم بيت جدهم كل واحد منهم اله سويت كامل الطابق الأول بي حديقه والثاني والثالث بلكونه وكل طابق مكون من غرفه نوم وداخله حمام وغرفتين فارغات وحده للأطفال والثانيه للخطار ومطبخ وحول مكان للكعده والبيت مجهز كامل ذوق الولد واذا راد البنات يغيرون الديكور بقه بس غرف النوم يرحون كل واحد ويه خطيبته يختاروه وصارت الموافقه وارتفعت الهلاهل من قبل النسوان والمباركات للعرسان واتفقوا الخطوبه الجمعه واليوم جان أربعاء طبعا البنات من سمعة بالبدايه مقبلو لأن ميلحكون بس قنعوهن الولد وصار يوم الخميس

سيلين
اجه يوم الخميس وإني كلش فرحانه لأن حصير باسم حبيبي كعدنه الصبح كلنه اني والبنات وامهاتنه ومروه ومريم مرت كرار طبعا بيت عمي الي باابصره أجوي ورحنه كلنه للصالون حفيت وجهي وشعري بس الكذله ميشته سلفر مؤقت طبعا تيمور مجان قابل بس اني حبيت اسوي تغيير وهيه مؤقته أصلا 5 وتروح وحواجبي نضفتهن وشمرتهن ونضفت شسمي وخلتلي ماسكات المهم طلعنه الصبح رجعنه الساعه ب 2 ميتين من الجوع والتعب وإني طلعت أخبل يعني تغيرت 180 درجه وجان تغيير جذري رجعت للبيت وتغدينه وكملنه صارت ب 4 كمت بدلت حته نشتري فساتين للخطوبه ونكمل نواقصنه لأن مضل شي بأجر هيه رحنه وشتريت هواي غراض وخلصنه ب 7 رجعنه للبيت لكيت الامه العربيه كله يمنه وبيت عمامي والجهال كومه دخلت وسلمت على الكل صعدت حته ارتاح لأن كلش تعبانه وجهزت غراضي ولميتهن حته بأجر ما اتاخر وكملت كل شي وخابرت تيمور شويه مكلتله سويت شعري لأن ميقبل بعدين صاحوني على العشه نزلت تعشيت بعدين شغلة اغاني ردح وكمت اني والبنات ليندا ولين ومروه ومريم وبنات خالنه وبنات خالاته ودك ردح وردح 💃💃💃💃 لحد الساعه ب 12 راحن البنات وإني صعدت نمت لأن بأجر ورايه تعب كلش هواي

ليندا
اليوم خميس وكلش فرحانه وبإجر الخطوبه رحنه للصالون كلنه وستلمتنه حفافه وشيره وتسريح اتي والبنات احنه شعرنه ناعم بس هسه صار يخبببببل ككلللش سرح صار وسويت تنضيف مال بشره وشعري عفته مصبغته ليث ميقبل طبعا سيلين هم تيمور ميقبل وكملنه كل شي ورجعنه للبيت تغدينه ورتاحينه شويه انوب صارت 4 بدلنه ورحنه وشترينه هواي غراض كملنه رجعنه للبيت لكيت أمه لا اله إلى الله بالبيت رحت لبيتنه بدلت وخابرت على ليث بقينه نسولف شويه ورجعت لبيت عمي أبو سيلين طبعا الخطوبه راح تصير عنده لأن هوه أكبر إخوانه ورحنه تعشينه وكعدنه نسولف بعدني كلتلهم يشغلون اغاني وكمنه نردح ونردح ولا جنه العرايس هههههه حته ماما تصيح علينه نكعد وأحنه منكعد نستمر ب الركص ضلينه ل 12 نركص بعدين رجعنه لبيتنه لأن بأجر ورانه تعب وصالون وهواي شغل ورحنه نمنه