رواية ليبية " خادمة البيت "

البارت الثالث

# Ryna kh
"خادمة البيت "
وفجأة تخش عليهم الست زينة وهي متفاجاة ومشهوقة ومش عارفة شعورها تفرح والا تعاتب مش مصدقا ان ولدها واقف قدامها.. وجنات مش عارفة كيف تبي تبررلها موقفها وشن بتقوللها.
جنات: ااابصراحة هواا.
زينة: يوسف وجت تحضن فيه... وينك وينك متقولش عندي ام متقولش عندي ولد،، هالسنين كلها هدا وين تفكرتنا.
يوسف: والله يا يام استاحشتكم لاكن تعرفي الضروف الي مريت بيها قلت نضم روحي ونجيكم.
انا ويزن نشوفو لبعض ومصدومين😳😦 تلفت يوسف ليزن وطبص وشده من كتافه:انا مش عمو يايزن انا البابا
يزن:بابا اه ! مشهوق😳: بابا! انت بابا!
يوسف:ايه انا بابا وسامحني لني ماكنتش معاك مالاول ، كان عندي شغل وهدا وين كملتا ، وعد اني نقعد معاك ديما ومش راح انسيبك بكل ونعيشو مع بعض ف بيت واحد.
جنات: اسفة علي صار امبكري علاش ماقلتش انك يوسف مالاول..
زينة قرنت حواجبها:علاش تتأسفي شن صار امبكري قولي شن درتيله.
كيف بتتكلم جنات تكلم يوسف: لا يام مصار شي غير تسحابني خانب جاي منخنبها خشيت عليها فجأه وقعدت نلود فالحوش من دون مانستادن منها ومقلتلهاش اني يوسف بعدين قلتلها نبي يزن خاف يزن ومشي لبد ف المخزن وصكر عروحه شاف فازو الشكلاطة خداه وقعد ياكل فيه جنات خافت علی يزن وقتلي اطلع من الحوش خير ما نتصل بالشرطة بعدين سمعنا تقربيع ف المخزن جينا نجارو سحبناه ترا شن صارله.
زينة: حصل خير هي اطلعو لصالون نقعمزو وانتي جنات اطلعي وتي العشاء اكيدا يوسف جيعان.
طلعو من المخزن وقعمزو ف الصالون ويزن قمز فحضن بوه ويوسف اهدرز عالأمه ويبوس فيزن.
يوسف :شني يام مش متعبك يزن؟.
زينة:لا ابدا هوا عاقل يسمع فالكلام.
يوسف:توا هوا قداش عمره؟
زينة تشوفله بعتاب: انت قول قداش ليك غايب؟.
يوسف: امم ستة سنين.
زينة: وهادي السابعة، ولدك توا سنة اولی.
يوسف متفاجأ: ماشاالله توا هوا عمره سبعة سنين ربي اطول فعمرك؛ وباس ولده.
يزن: اني بديت كبير نمشي للمدرسة وعندي صحاب هلبا تعال بابا شوف شنطي وكرساتي كيف حلوات؛ واقف شاد فبوه اينوض فيه.
يوسف: برا اسبقني وتوا نلحقك برا سلم ولدي.
يزن: باهي اني نستنا فيك؛ وامشي لداره. 
يوسف: قوليلي يام منهيا هادي الي مخدمتها عندك ومن وين؟؟.
زينة: هادي من الميتم واسمها جنات.
يوسف: كيف تسكني وحدة متعرفيش اصلها من فصلها.
زينة: هادي نعتتلي عليها خالت جيهان(سعاد)؟؟.
يوسف: من وين تعرفها؟؟.
زينة: علی كلام خالت جيهان(سعاد) قالت "كنت رافعا وحدة من البنات لما كانو صغار نعاين فيهم شفت بنية صغيرة فعمر اربعة شهور تعيط ومش معدلين عيها سألت السستر وين امها خيرا مخليتها قتلي امها توفت بعد ماجبتها ومعندها حد؛ صخفتني البنت خديتها منهم ورفعتها للميتم قولت حتی يهتمو بيها". طبعا اني كنت مخدمة وحدة عالاساس متعلمة وبنت ناس تجي من الصبح تروح فاليل لاكن للاسف خنبتني وهربت ومعاد شفتلها وجه وخالت جيهان قتلي بري للميتم في وحدة كويسة وكيف كملت الثنوي واخدة كورس تمريض وانجليزي تربت فيه وتخدم فيه وقالت انا الي رفعتها غادي واحكتلي القصة وبالفعل الله يبارك من كان يزن عمره ستة شهور وهي معايا ومشفتش منها اي خطا ومتحملتني وتعامل فيزن احسن معاملة لاكن منبيش نرخي عيها خايفة نندم ويصرلي زي مصرلي مع الاولی لاني عاملتها زي صحبتي وطلعت وحدة خنابة.
يوسف: صار هكي قصتها! كيف حالها الخالة سعاد(خالت جيهان) وعمي صالح وجنی(اخت جيهان) قعدة تواصلي فيهم. زينة: اكيدة نواصل فيهم سعاد صحبتي وزميلتي كيف منواصلهاش ماشاالله عايشة ومتهنيا هي والحاج صالح وجنی تزوجت عصام ولد اشرف ساكنا بحداها وبعدين علاش مانواصلهاش الي دراتا جيهان مش ذنبها ومعمرها زعلتني فحاجة وحتی لما زوجاتك جيهان وكنت رافضة مزعلتش منها.
يوسف: متقولهاش! عصام خدي جنی .
زينة:ايه طلع يحبها.
يوسف :ربي يدوم المحبة ناديهم يوم اعزميهم والله استحشتها خالة سعاد كانت واقفة معاي وهي لساعدتي وطلعتني من الحبس جميلها ماننساه
زينة : ايه والله.
يوسف:حقة, جبتلكم هداية قوليلها تجيب الشنطة وتنادي يزن.
زينة: وعلاش متعب روحك، باهي، جنات جنات
أما جنات خدت الشنطة فوق لداره ونزلت وتوتي العشاء.
جتلها جنات: نعم ست زينة.
زينة: جيبي شنطة يوسف ونادي عل يزن .
جنات : حاضر.
مشت جابت الشنطة ونزلت هي ويزن.
جنات : تفضلي.ومشت
خدتها منها وعطتها ل يوسف: ها
خداها يوسف وفتحها وطلع منها باكو: يزن قول شن في الباكو.
يزن نط عند بوه وشد الباكو: "بلاستيشن 4" ههه زي متع مروان ولد خالتي ليلی.
يوسف : صح ههه وانت تعرف حتی خالتي ليلی.
يزن : ايه نعرفهم كلهم.
زينة : منا شني يعرفهم يجو في عطلة نص السنة وعيد الكبيرة وحني نمشولهم في العشرة الايام الاخيرة من رمضان ونعيدو عندهم.
يوسف : قصدك قعدين زي قبل.
زينة : ايه
يوسف طلع باكو وعطاه لأمه : وهادي هديتك .
زينةفتحتها😮:تعلاش هادا اكله تقداش منلبس سادني الي عندي.
يوسف : ميغلاش عليك كان ودي نجيبلك اكتر من هي.
زينة:وين تجبلي اكتر من هكي الدهب غالي ؛ شدت خاتم وقعدت تتفحص فيه لاحضاته غريب مش دهب:وهادا شن نوعه شكله مش دهب .
يوسف:هدا خاتم الماس .الباكو في طقم كامل دهب وخاتم الماس
شهقت زينة:ونت ملحق حتی ع الالماس .
يوسف : تمانا علاش نخدم لمن نخدم اني، ما نخدم علی خاطرك وعلی خاطر يزن.
زينة:شن كنت تخدم في الخارج.
يوسف : خدمت بوظيفتي في مصرف في المانيا في قسم الحوالات البنكية بين ليبيا والمانيا.
زينة: كويس.
يوسف طلع شيلان شتوية وباكو فيه سنسلة دهب: هدي السنسلة لخالتي سعاد وشيلان اعطي لخالتي ليلی وجنی ومرت خالي رمضان"عبير" وعطي للي بتعطي وخودي حتی انتي وعطي لحتی هادي شن اسمها، جنات .
زينة خدت منه: ماشاالله مش ناسي حد.
يزن يسميلة: مروان ومرام ووولين ووسفيان واحمد ووساجدة مجبتلهمش.
يوسف يضحك : ههه تغير منهما الي تسميلي فيهم هادم.
زبنة : هادم الصغار ليلی ورمضان وبنت جنی
يوسف : ماشاالله حتی جنی عندها بنت هدا كله في غيابي والله محسيت بيهم السنين.
زينة : سنين تجري وحني منحسوش.
يوسف : انقولك حاجة يزن، لما يجو عطيهم شوط شوط بالبلاستيشن وقولهم هدي هدية بابا باهي.
يزن:باهي ؛يفكر:مممم باهي لبنات ميحبوش البلاستيشن.
يوسف : تعطيهم من الشيلان؛وقعد اينادي فجنات لين جاته.
جنات : نعم
يوسف شد شال : تفضلي هادا شال هدية.
جنات رفضت : صحيت مفيش داعي .
يوسف : اني قتلك خودي .
جنات : منبيش صحيت.
يوسف تنفرز
زينة تكلمت:خودي منه الهدية متتردش.
جنات بتردد خدت الشال: شكراً
يوسف : لما نعطيك حاجة معاد ترداها عليا فاهمة.
جنات: حاضر.
زينة: خودي الشنطة ردها في الدار.
جنات : حاضر. خدتها ومشت حطتها في الدار وطلعت.
بعدين الست زينة قالت ليوسف: نوض خ نرفعك لدارك ناض يوسف وامشي لداره طلع دبشه من الشنطة وشرتحم ع السرير وخدي الي يبي دوش وبدل ونزل.
زينة:يوسف هي تعال العشا عالطاولة
جي قعمز  بجنب أمه ويزن قعمز بجنب بوه.
يوسف وهو ياكل: اه تعرفي يا يام جيعان موت يسلمو ايدياتك مش عادي العشا.
زينة بابتسامة😊: صحيحة علی قلبك يوليدي ، اكيد ماكلت الحوش مش زي المطاعم.
يزن: اشكر جنات عالماكلة هي لطيباته.
زينة: ايه جنات هيا الي اطيب ودير الحوش ، لإني تعرف نطلع الصبح الروح المغرب.
يوسف يكلم في جنات من البار وهي واقفة فالمطبخ :صحيتي عالعشا خيرك قعدا غادي تعالي تعشي.
التفتت جنات تشوفله وتشوف لي زينة وتقول: سلمك ، ولو' هذا واجبي ااا اني.معرفتش شن تقول.
يوسف: خيرك تعالي تعشي.
زينة: لا هي متتعشاش معانا.
يوسف مستغرب: علااش.
زينة كيف بتتكلم سبقتها جنات: لا اني منكلش ف اليل.    يوسف ايشوفلها من فوق لي لوطا: هأهء شني تتروجمي، هأهأ منسمنك ماشاالله قريب تتفزري.
جنات تحشمت ونزلت راسها ومعرفتش شن ترد.
زينة: كول كول، مدورهاش هي العشية اكلها تاكل هدا علاش متتعشاش، وبعدين منقعمزش خادمة تاكل معاي.
يوسف مستغرب: علاش مش ليبية هي.
زينة: لا ليبية، لاكن هي خادمة' كيف تقعمز معايا؟!.
يزن: هيا مش خادمة هيا مربيتي، وكانا كلت معانا شن فيها.
زينة تفنص فيزن: احني شن قلنا عالموضوع هدا يتسكر وله، قلت مفيش تقعميز معناها مفيش تقعميز.
يوسف متفاجأ من كلام أمه وكيف جنات لاهيا اضم فالمطبخ وكنا الكلام مش علاها.
تعشو وكملو وناضو، يوسف طلع برا، ويزن مشي لداره، وزينة قعمزت ف
الصالون، وجنات مشت رقدت يزن بكري لان الأحد غدوا عنده مدرسة، بعدين مشت لدار يوسف اضم فدبشه وخدت تكوي فيهم لين خش علاها قعد واقف متكي عالباب ويتأمل فيها وهي عاطية بالضهر بعدين قرب منها بشوي وقعد موصلهاش  تلفتت ونطت من مكانها مخلوعة: هااء وتشوفله..ااااانت اامتي خخخشيت. يوسف زاد قرب منها وهو يشوفلها وساكت، هي وخرت وقتله: ااااشن تبي وشافت لدبش:اني كنت نكوي فددبشك وتوا منحطهم ف الدولاب وكان تبي حاجة ناديني، سكتت وشافتله وقالت: انت علاش كدبت عالامك
وهوا قاعد ساكت وسرحان فيها
جنات:هي انتا خيرك اطرش! نكلم فيك علاش كدبت لما راح يزن.
ناض من سرحانه : اااا خيرك نسمع فيك،اه منبيش نديرلك مشكلة ويكبر الموضوع
جنات:اسفة،،،وشكراً وقامت الحوايج وبدت تستف فيهم وهي تقوله:تعال انقولك وين حجاتك باش تعرفهم.
يوسف ستفيهم واطلعي انا منخش الحمام  (اكرمكم الله ).
ستفتهم وطلعت ونزلت لوطا دوشت وغيرت حوايجها ورقدت؛طبعا هي مدايرا فراش فالمخزن ترقد عليه . 
فاليل الساعة2 طبعا الدنيا ضلام جنات سمعت صوت فالمطبخ😱....
شن قصت حبس يوسف؟
ومني جيهان وعيلتها!؟؟
وشن الصوت الي سمعاته جنات!؟
تعرفوهم في البارتات القدمة...