وصلات الوقت وجا الوفد اللي كان عبارة عن مجموعة رجال اعمال بالاضافة لرئيس الشركة المنافسة ....
منصف : مرحبا بيكم تفضلو اهلا وسهلا برجال الاعمال فرصة سعيدة ليا ولناس اللي معايا ....
رجال الاعمال: مرحبا بسي منصف تبارك الله عليك شبهتي الواليد كيف كيقولو داك الشبل من داك الاسد ...
منصف : الله يبارك فيكم ولكن كيبان ليا ناقصكم شي واحد ولا خاف يجي ههههههه .....
الشخص المجهول : هانا جيت ا سي منصف ماشي انا للي نخاف ومتنساش باللي الاتفاقية انا مولاها ....
منصف: وي عندك الحق تفضلو دخلو مرحبا بيكم وبمول الاتفاقية ههههههه ....
رجال الاعمال عجبهم التنظيم والديكورات وحتى الموظفين والكفاءة ديالهم والروح باش كيخدمو ....
رجال الاعمال + الشخص المجهول : تبارك الله هادشي غزال ومنظم بلا شك شي منظم المؤتمرات هادا....
منصف: لا هادا فريق العلاقات العامة هدية من السما تبارك الله عليهم وخاصة المديرة ديالهم من بعد توقيع الاتفاقية غنعرفكوم بيهم ...
منصف وضيوفو دارو جولة فالشركة اللي خلاتهم منباهرين بالتنظيم والدقة والكفاءة اللي موجودة عند منصف والناس للي معاه ... وقعو الاتفاقية وجا الوقت فاش يتعرفو الموظفين على الوفد ديال الرئيس ديالهم ... رجال الاعمال بداو كيتعرفو على الموظفين بحسب القطاع اللي هوما فيه واخيييرا وصلو لتاس دالعلاقات العامة ...
منصف: هاني كيما وعدتكم هاهي لالا نعمة والفريق ديالها المسؤولين على هاد التنظيم الرائع ....
رجال الاعمال : تبارك الله عليك انسة نعمة هادشي غزال نتي والفريق ديالك حمرتو الوجه هكدا نقدرو نقولو باللي اختيارنا كان موفق ...
الشخص المجهول: مدام نعمة تبارك الله عليك ... وتحنى لعندها وكال ليها من بين سنانو تالدار ونتفاهمو ا انسة نعمة......
نعمة مكانت كتسمع تا كلمة نظرات الشخص المجهول او منعم ليها خلاتها تجمد فبلاصتها وبزاف ملي كال تالدار ونتفاهمو ......الحفلة دازت غزالة واخا الصدمة جمدات نعمة فالاول ولكن قدرات تكمل خدمتها ... كانت كتهدر مع الموظفين وتحرك هنا ولهيه ومنعم متبعها وحتى هو كان مصدوم مراتو خدامة عند المنافس ديالو واااااخا الالا نعمة الدار ونتفاهمو ,,,,,
منصف: نعمة باراك عليك رتاحي شوية الحفلة غادي مزيان وراكي حمرتي ليا وجهي ,,,,
نعمة: ههههه الحمد الله اسي منصف بغيت نكول منصف ههههههه هاني نجيب شي حاجة من البيرو ونرجع ,,,,
منصف : اوك لالا نعمة ومتعطليش عليا ,,,
منعم كان كيشوف فيها كتهدر وكتضحك مع المنافس ديالو كان باغي يمشي يضربو ويبعدو على الحبيبة ديالو مبغاهاش تضحك او تهدر مع تا راجل من غيرو هي ديالو وبووووحدو ,,,,, غير بانت ليه نعمة خارجة ومشى تبعها دخلات لبيرو ديالها ودخل موراها وسد الباب وعينيه حمرييين ,,,, غير شافتو خل وسد الباب وهي تعطيها للبكى والطليب والرغيب ,,,
نعمة : وحق الللللله الى كنت ناوية نكول ليك راه خدمت والله مكنت ناوية نخبي عليك ,,,, غير نسيت ونتا معمرك سولتيني ,,,, كاع داك الغضب اللي كان فيه مشى ملي شاف دموعها مبغاهاش تبكي محملش راسو ملي شاف الخوف منو فعينيها ,,,,,قرب ليها وهي كتبعد منو حتى لصقات مع الحيط بقات كتقرى الادعية وكتوجد عضيماتها لشي سلخة معقلت حتى لقاتو معنقها,,,
منعم: ششش صافي يالهبيلة راني منضربكش ولكن ملي نكونو فالدار نتفاهمو شششش باراكا من البكى منبغيش نشوف دموعك مزال مسحي كمارتك وخنونتك شوفي كيعمرتي حوايجي وحوايجك هههههههه ,,,,,
نعمة: خلعتيني ملي كتشوف فيا دوك الشوفات يحسابلي غتسلخني وسط الناس هههههه ,,,,
منعم: نن ا قيمرونة تالدار ونشبعك عصى ,,,,,
نعمة : وباش من حق اسي منعم ياك حنا اصدقاء وكل وحد يعيش كيف بغى ماشي من حقك تدخل فحياتي او تحط يدك عليا سمعتي ,,, كانت كتهدر ومنعم مبرد وكيتصنت ليها خلاها حتى كملات وفشات قلبها ....
منعم: كملتي اوا سمعيني نتي مراتي ومن اليوم غنعيشو على هاد الاساس صبرت وتسنيتك تفهمي ولكن نتي مكلخة وعميا ,,,, كملي دبا هاد الزفت عندك ساعة نلقاك فالدار والى ماجيتيش متلومي الا راسك ....
خرج وخلاها كتخمم عارفاه بوراس واللي فراسو يديرها يديرها تحمد الله مادار ليها شي فضيحة فالشركة ,,,,, رجعات للحفلة كتقلب عليه بعينيها ملقاتوش بقات تفكر تمشي او ماتمشي الى مشيت غيكول كنخاف منو والى بقيت غيدير ليا فضيحة نمشي وامري لله ,,,,,,
ساعة نيشان لقاتها قدام دارها ولكن مدخلات حتى دازت 10 دقاق باش تسمى جات مورا ساعة ب10 دقايق ههههههه العناد ومايدير ,,,,
منعم: جيتي اوا علا السلامة سمعي ا لالا انا معندي عيالات اللي يخدمو من النهار اللول كلت ليك ميخصك خير معايا ديك الخدمة من غدا خرجي منها وتكلسي فدارك سمعتي ,,,,
نعمة: اه سمعت ولكن خدمتي ماخارجاش منها بغيتي ولا كرهتي والا ماعجبك حال را الحيط قدامك من نهار تزوجنا ونتا اللي كتخطط ديري هادي ماديري هادي نكونو اصدقاء لا منكونوش اصدقاء حنا مزوجين عيييييت من هادشي ودابا باغيني نخرج ونكلس فالدار نقابلك نتا والهام ديالك هي اللي متكون ,,,,
منعم: ديك الخدمة متحلميش بيها مزال والدار فيها فاش غتكلسي والخروج والدخول ميكونش الا بعلمي سمعتييييييي .....
نعمة: عطيييني تساع بعد مني حياتي وانا حرة فيها وخدمتي منخليهاش دير الي فجهدك منصف مغيخلينيش نخرج مالخدمة علاقل هوكيحترمني و كيفهمني ماشي بحالك معقد,,,,,
منعم مقدرش يتحكم فاعصابو وصرفقها يقدر يتحمل كولشي الا مرتو والحبيبة ديالو تهدر على راجل اخر قدامو ....
نعمة: طللللللقنييييييييي ,,,
