كلت بعد ثلث ايام علمود افضالها وكسرها تكسير لين كلش مقهور على خوي العزيز
ايات كمت ابجي ونقهرت حيل على اخوي ومرتة موتت روحة بعد فترة من الوقت اجو عمامي وخوالي وابي ضلو يحجون انوب عرفو الولد ابن رئيس عشيرة معروفة والولد مات امي ضلة اصرخ وتبجي وتكول راح اوليدي اني انصدمت مرت اخوي ضلة اصرخ وتبجي وصار البيت هوسة بجي والطم وناس طابة وناس طالعة فراحو ابوي وعمامي شيخ عشيرتنه حتى ياخذو وياهم لاين همة اشيوخ وراحو واني ضليت بقلق بعد فترة طويلة اجو ابوي وعمامي وابوي كلش مقهور باوع علية وصاحني بعد ما راحو عمامي وصاح امي واهل البيت وكال اني رحتلهم ورادو خمسين مليون وو وامي جكالة وشنو كول ابوي وو( فصلية) امي ضلة اتباوع علية وتبجي واتكول لا لا ما اطيها مرت اخوي تبجي
وتكول فدوة ايات نقذي رجلي فدوة اني كمت ابجي بس كلة ميخلف هاذا اخوي لازم اروح خاطر هل طفل ماريدة يتيتم اروح اني امي ما رضة اتكول اودي بنتي للموت لا ماتروح ابوي كال اذا ما تروح راح ايكتلون ابنج ويصير بحر دم بعدها امي حضتني وكالة سامحيني ماريدج ترحين بس ابني اشلون ربي هل المتحان صعب اني حضنت امي وبجيت وكتلها ميخالف يوم هاذا اخوي لازم اروح امي كالت ماترحين كة فصلية الة اجهزج كه عروسه احنة حالتنه المادية زينة ودريت بعد ثلث ايام اوح فه بهاي ثلث ايام اجهز روحي احنة الليل كلة ما نمنة ومقهورين مادري علة نفسي لو علة اخوي الصبح ماما كعتني ورحنة لسوق اشترينة ملابس مال بيت لاين اني كلة البس اتراكات واشترينة ملابس سود و فساتين ومكيب كلشي جهاز عروس بهل اليومين بعدها اليوم الثالث رحة لصالون صبغة شعري ثلجي كلش تعبني لين طويل وسويت شيرة كل جسمي وحفيت طلعت الصراحه كلش حلوة
بعدها بابا كال باجر اوديج اهل الولد اني كلش انقهرت الليل كلة مانمت افكر بهلي وافكر بدراستي اشلون اعوفهااعوف حلمي كلش انقهرت ضليت ابجي لحت مانمت صحيت علة صوت الوذان كمت صليت ودعيت ربي ايعيني بهل مصيبة بهدها نمت كعدت علة صوت امي اوف بعد ما اسمع هل صوت من ايكعدني ها يمة كلش انقهرت كمت ورحت بدلة ولبس بطرون اسود وقميص اسود وشال ودعت امي بس قبل ماروح اودع الباقي امي كضتني وطلعت صدندوق ذهب مالها وكالت هذا الج اني ما رضيت بس كالت ني ضميته الج من اصيرين عروس وضلت تبجي واني ماتحملت وبجيت وياها اه اشلون اعوفج يا الغالية امي انتي دنيتي كلها بعدها رحت ودعت ابوي وختي واخوي واهل البيت والجهال ورحت وية بابه
بنات اذا عجبتكم القصة حتى اكمل البارتات
