عشقت ظابطه

البارت الاول

       ازيكم يا حبايبي اولا انا كنت كاتبه روايه اسمها عشقت مربية ابنة اخى بس للاسف الواتباد اتمسح من عندى ياريت تدخلوا تقرأوا ال5 بارتات اللى كتبتهم ثانيا وحشتونى اوى الروايه دى إن شاء الله هتبقا احلى من الاولى يلا نبدا

الشخصيات
ريم بطله الروايه: فتاه في ٢٠ من عمرها وقفت امام والدها حتى تدخل كليه شرطه و بالفعل دخلتها و هى فتاه بشرتها سمراء ناعمه و شعرها اسود داكن و لها عيون مثل العسل من الاخر كده مزه
رنيا: اخت ريم عندها ١٧ سنه في تالته ثانوى مواصفاتها زى ريم بس بشرتها بيضاء بعض الشئ و شعرها بنى فتاه مرحة تحب الضحك
فريد الريان:والد ريم وهو مدير المغفر الذي ستعمل به ريم لاحقا و هو في ٥٩ من عمره شعره اسود ونصفه ابيض لكبر سنه
سميه: والده ريم و هى امراءه في اواخر العقد الرابع تقريبا جميله جدا تحب ابنائها
رامى: اخو ريم وهو شاب عنده ٣٠ عام متزوج و عنده سيليا ذات ال5 اعوام
جاسر بطل الروايه: هو شاب ذات ٢٠ عاما في دفعه ريم لكن ليس من نفس الكليه و هو شاب غايه في الوسامة
سليم السيوفي: والد جاسر وهو صديق طفوله فريد و لكن فرقتهم الايام وهو في نهايه العقد الخمسين
ريهام: والده جاسر تحبه و تريد اسعاده و هى في منتصف العقد الخمسين
يوسف: اخو جاسر وعنده ١٨ سنة في نفس مدرسة رنيا ولكن لم يتعرفوا بعد و هو وسيم جدا
  😰😰(تعبت يلا ندخل على الروايه بقا)😜
     **************
في فيلا الريان
_________
في صباح يوم الاحد يرن جرس احد المنبهات يردف صاحبه بانزعاج
ريم بنعاس:يوووووووه هو الواحد مبعرفش ينام في البيت ده
دخلت رنيا غرفه ريم فوجدتها مستغرقه في نومها بطريقه كوميديه حيث يدها اليمنى على الارض ويدها اليسرى على وجهها و شعرها مبعثر حولها وقدمها مفتوحة
رنيا وقد تذكرت لما اتيت
رنيا بفزع: يا ريم يا ريم قصدى يا حضرة الظابط
ما إن سمعت ريم حضرة الظابط حتى تذكرت ما اليوم هبت واقفه بفزع
ريم: يالهوى ده النهارده اول يوم استر يارب
ذهبت للحمام ودخلت واخذت شاور ثم خرجت جففت شعرها و ارتدت ملابس الشرطه حيث البدله الخضراء
انتهت ريم من ارتداء ملابسها و رفعت شعرها ذيل حصان و ارتدت قلعتها و نزلت للاسفل باستعجال
ريم باستعجال: بابا فين ق..قصدي سيادة اللواء فين
سمية بحنان: متقلقيش يا حبيبتى ابوكى بيعمل تليفون ولسه هيجى عشان يفطر
زفرت ريم بارتياح: يانى يا مامتى مش تقولى كده من بدرى ثم نظرت لصحن به فواكه قالت لامها : ماما ما تجيبي طبق الفاكهه اللي هناك ده
وكان يحتوى على بعض حبات البرتقال والموز
اخذت ريم الطبق وبالبلدى كده خلصت على الموز
دخل فريد باستعجال: يلا يا ريم مفيش وقت
ريم بحماس: يلا يا سيادة اللوا
ضحك الجميع ثم قالت رنيا: في ايه ياجماعه هو عشان ريم دخلت شرطه هتفضلوا نبذينى ثم قالت بمرح: ده انا هبقا اكبر دكتوره فيكى يا مصر بس البت ريم ديه ما تنوقش فيها
ضحك الجميع ثم رحل كلا من فريد و ريم
    ***************
في فيلا السيوفي
____________
جاسر: ماما ادعيلي انا اول يوم اهو 
ريهام:ربنا يوفقك يابنى وتلاقي بنت الحلال
جاسر: يا ماما هو انا رايح اخطب ده انا رايح للمجرمين
ريهام: طب يلا طرقنا هنرش مايه
جاسر بلهجة خليجية: مدرى ليش بتعاملينى هيك الله ييسرلى امورى
ريهام بضحك: يلا يا ولا هتتاخر روح انت وانا هطلع اصحى اخوك و ابوك
جاسر: ماشي باااي
ريهام: في رعايه الله يا حبيبي
     **********
في سيارة فريد
__________
ريم: بابا تعرف انا متحمسه اوى اشوف المجرمين
فريد بضحك: يا بنتى اعقلى دا انتى لما سيليا بتيجى مش بتبقي بالحماس ده ثم قال بحزن : بس نقول ايه اخوكى من بعد ما مراتوا ماتت وهو اخد بنته بعيد عننا قال ايه عشان ما يبقاش عاله على حد
ريم: معلش يا بابا هو بس مش عايز يعنى إنه يحس بضعفه وخصوصا إن خديجة كانت كل حياته
فريد: يلا ربنا يهديه بس بقولك ايه انتى النهارده اول حاجة هتيجى معايا عالمكتب و بعدين هقولك تعملي ايه
ريم: ماشي
     ************
فى احد البيوت التى تطل على البحر
_________________________
رامى: يلا يا سيلي ندخل كفايه كده النهارده
سيليا بطاعه: ماثي يا بابي يلا بث انا عايزه اروح لتيتا ثميه
رامى : يلا نروح لتيته سميه ثم حملها على كتفه وذهب بها إلى السياره ثم توجه إلى فيلا الريان
     ****************
في احد الاقسام
___________
فريد بهدوء: ازيكم يا شباب النهارده طبعا اول يوم ليكم هنا اول حاجة انتوا هتيجوا ورايا و دلوقتى حالا عالمكتب
وافق كلا من ريم و جاسر و عمرو و مليكة
ذهبوا خلفه
في المكتب
فريد: اول حاجة عايز اقولها إن ريم تبقا بنتى
انصدمت الجميع الا جاسر
ثم اكمل فريد: ثانى حاجة انتوا اربعه هتبقوا في فرقه واحده و اول حاجة هتعملوها انا اللى هعلمكوا بس دلوقتى روحوا على مكتبكم وهو جنبي وافق الجميع ثم رحلوا
     ***********
في المكتب
_______
ريم مليكة: ممكن نبقا صحاب
مليكة بدهشه: انتى بنت اللوا فريد تصحبينى طب ثانيه انتى بتتكلمى جد طب انا بحلم
ريم وقد فهمت مقصدها ثم نهضت ووقفت في منتصف المكتب :يا جماعه انا عايزه اقولكوا مش عشان انا بنت اللوا فهتعاملونى كانى حد عالى لاء انا واحده جايه اول يوم زي زيكم مفيش فرق ابدا ياريت لما اتكلم معاكم محسش إن انتوا بتعاملونى حلو عشان والدى انا عايزاكوا تعاملونى بطريقتكوا انتو ثم اكملت بمرح: فل يا رجاله
اردف كل من جاسر و عمرو و مليكة:فل ثم ضحك الجميع
ثم هبت مليكة واقفه فاردف جاسر: بقولك ايه كفايه الشبح قام من شويه
وفضل يقول حكم انصدمت ريم من اللقب ثم اكملت :شبح شبح مين ثم قالت بخوف: بقولك ايه وحياة طنط اللى ولدتك انا بترعب من الاشباح وحياة طنط قول اسم تانى
جاسر بضحك:خلاص يا اخ في ايه طب ما تساعدنى يا استاذ عمرو
عمرو بضحك:يلا اهو بالمره نقول اسم الاستاذه مليكة الجديد
وقفت مليكة ثم وجهت كلامها للشباب:فللل انتوا تختاروا لينا اسماء وانا و ريم نختار ليكوا اسماء
جاسر بموافقته:اشطا معنديش مانع
اجتمع جاسر وعمروا في ركن و ريم وماسكة في ركن ثم نهضوا مره واحده
قال جاسر :اخترنا واردفت ريم : خلصنا
جاسر: ريم هيبقا اسمها عم بخ
واردف عمروا: مليكة هيبقا اسمها كورتى البعبع
ضحكت الفتيات على اسمائهم
ثم قالت ريم : جاسر هيبقا اسمه الرجل الاخضر
مليكة: وعمرو هيبقا اسمه دراكولا
الشباب باستغراب: انتوا بتتفرجوا على اكشن كتير ضحكوا جميعا
    ************
    انتهى البارت
كده البارت خلص يا حبيباتي⁦❤️⁩ يارب يعجبكم و قولى رايكم في الكومنتات و هطول البارت 😂 يلا تفاعلووووووووو😂😂😂
           
         بقلم/افنان الفقي