كرونيك تحت عنوان :💔العاهرة 💔

💔03💔

الحلقة 03
كنت عايشا مع عائلة محافظة بزااف او صعبة كنت نسكن في مدينة كبيرة اما عقلية عائلتي كانت بدوية يعني تاع جبل  كانت عائلتي متكونة من اب حسان ام حورية اخ سمير  في عمرو 22سنة  و ختي لمياء  في عمرها وقتها  18سنة  اما متزوجة لانو بابا هك لي متقراش ازوجها وتدي واحد من قرية مسكينا عايشة ذل معا راجلها وخويا سمير صعيب بزاف وطايش اما إخاف بابا  نولو ليا توا انا كان وقتها في عمري 17سنة كنت نقرا في ليسي ناجحا وكلش بابا كان يعمل فيا لويل ضرب كل يوم ناخذو من عندو على صغيرة وكبيرة وماما تسمعني وسخ وذنيا (حشاك) كليوم واما خويا هههه مارس فيا كل أنواع تعذيب اما انا كنت صابرة حتى لحق وقت خويا تقلق مني لاني كنت ناخذ بزاف مصروف باه نروح نقرا  راح وسوس لبابا  سمير:بابا مركش تشوف ليلى كبرة وتاع زواج وواحد من عشيرتنا في دشرة طالبها هايا نزوجوها  حسان :واش دخلك سمير تقلق هنا سمير :كيفاه واش دخني. ختي ومراكش تشوف لهدرة كثرة علينا في دشرة يقولو علينا  مخليين بنتهوم تترندف في ليسيات عجباتك لهدرة هذي  خبط لباب وخرج يتبسم عرف بلي قاس باباه في صميم ناض حسان عيط لمرتو حسان :وجدي روحك نتي وبنتك غدوة ماشيين لدشرة  حورية :اما ليلى تقرا حسان :كي طبطل نهارين مرحش تخلا دنيا  حورية : حاضر لي تشوفو هذاك هوا  ناضة وجدت قشي وقشها وقعدو يستناو فيا وقتها انا كنت جاية من لمسيد انا ولنتيم تاعي خولة قاعدين نضحكو ونتمهبلو كيف لبنات لكل كنا متحجبات وانا وهي نتنافسو على حفظ لقرآن كونا حافظين لزوج 55حزب ..وفجأة سكتت و قعدة طريق كلو وهي تغزر فيا غزرة مش مفهوما انا :وشبيك يا موصيبة تغزريلي هك  خولة :معلباليش قلبي واجعني حاسة مرحش نزيد نشوفك ضربتها على راسها ووليت نضحك لحقت لدارنا بعد مودعتها حضنتني وكأنو آخر مرة تشوفني دخلة لقيت ماما وبابا موجدين روحتيهوم انا :بابا وين ماشيين حسان :لدشرة امشي تروحي معانا متقعديش وحدك انا :بصح نقرا ماما :معليش بنتي نهارين برك خممت مع روحي وقلت معليش نروح منبقاش معا سمير اكسرلي عضامي بضرب وجدت روحي ورحنا طريق كل وقلبي اقولي مكاين خير وصلنا رحبو بينا عمومي  تلاقيت ببنات عمي وقعدنا نحكو ونضحكو ❤