محمد ولع سيارته و عدا
و انا بعدها ب نص ساعهه حسيت بحاجهه في قلبي
انا... مروان
مروان... كنك
انا... نبي نروح
مروان... كنك
انا... مش عارفهه نبي نروح و خلاص
بشرى... كنك في حد ضايقك
انا... لالا
رزان... تعالي نبيك
انا... لالا نبي نروح و تواا
مروان... الاء كنك شنو فيك
انا... قعدت نبكي
مروان خذاني في حضنه... كنك قوليلي
انا ندوي بالعبره... مش عارفهه في حاجهه غامهه علي قلبي
مروان... انشاء الله خير
انا... مروان رن علي محمد
مروان... عليش كنك
ترن ترن ترن
احمد... الووو ... اها ولد عمه ... اوكي مسافة الطريق و نكون عندك
انا... من يا احمد
احمد... محمد داير حادث و قاعده في المستشفى
انا قعدت نبكي... نبي نعدي ل محمد
رزان... وسعي بالك حبيبتي اكيده اكويس
ايمان... لولي خلاص اكيده مافي شي
انا... لالا نبي نعدي نشوفهه
احمد... مروان و فيصل و قيصر روحو بالبنات و انا تو ناخد معايا الاء
و عدينا لل مستشفى 🏥
احمد... ها يا دكتور شنو حالته
الدكتور... عنده كسر في يده فا توا مجبسهه و بكره انديرله خروج
احمد... تمام شكراً
انا... نقدر انشوفهه
الدكتور... اها بس هوا توا تحت تأثير البنج
انا... اوكك
و خشيت انا و احمد ل محمد
انا... قعدت نبكي
احمد... خلاص وسعي بالك
انا... انشاء الله
احمد... خلاص اطمنتي عليه خليني انروح بيك
انا... لالا نبي انبات معاه
احمد... لالا شنو اتباتي في المستشفى
انا... بليز يا احمد بليز
احمد... اوووف باه انتي اقعدي معا محمد علي ما عديت لل حوش طمنتهم عليه و جبتلك حاجات و نجي اوكك
انا... اوكك
احمد... ماتطلعيش من الدار
انا... اوكك
احمد... سلام .... و عدا
انا... محمد نوض هيا خلاص معش نبي نعدي ل رتاج نوض بس
محمد فتح عوينه... انا وين
انا... في المستشفى
محمد... شنو صار
انا... انت درت حادث و سعفوك
محمد... وين الشباب
انا... توا احمد كاين هنا و عدا ايطمن في العيله
محمد... وانتي شنو اديري هنا
انا... قاعده معاك
محمد... اهااا باه
و قعد اشويه هكي نين رقد
وفاء... شنو صار في ولدي يا احمد
احمد... الحمد الله يا عمتي عنده كسر في يده و بكره يطلع
ماما... وين الاء
احمد... قالتلي نبي نقعد معا محمد
ماما... باهي
و عدا اليوم و محمد راقد اما انا مسكت في يده و قعدت يلاه طول الليل
ثاني يوم جو الشباب
و خشو لقوني ماسكه في يد محمد و راقده و محمد ماسك يدي و راقد
فيصل... اقسم بالله ايحبو بعضهم
مروان... مش عارفهه
احمد... خلاص اسكت
محمد... صباح الخير
كلهم... صباح النور
انا... انتم هنا
احمد... اها صباح الخير
انا... صباح النور
مروان... شن جوك توا
محمد... تمام
الدكتور... السلام عليكم
نحن... و عليكم السلام
الدكتور قعد يفحص في محمد و عينه فيا
محمد رقاله... انا المريض مش هيه
الدكتور... تمام واحد منكم ايجي معايا نكتبله خروج
انا... نبي نعدي للكفي انجيب قهوه من يبي
محمد... انتي اقعدي تو ايعدي قيصر
قيصر... و انا شنو دخلني
انا... خلاص تو انعدي ... و صبيت نبي نعدي
محمد مسكني من يدي... قيصر عدي
قيصر... كانك انت غاير عليها انا ماليش ذنب
محمد... كان انجيك نقتلك
انا... قيصر سكفمك يا ثقل و معش نبي
قيصر... انبصر معاكم ... و عدا
و مروان عدا لل دكتور
احمد... هيا يا محمد
محمد... هي
الدكتوره... دقيقه نبي نفحصه .... و قعدت اتبحت فيه و دير في جو
و انا نااار فيا
انا... خلاص حبيبتي الدكتور افحصه
الدكتوره... باه عادي و حتى انا نبي نفحصه ل سلامته
انا... مافيش داعي انا نبيه مريض و متكسر... هيا يا محمد
محمد... خليها تفحصني
انا... باه هيا سلام... هيا يا فيصل
و روح بيا فيصل
اما محمد تعمد ان هوا يحرق دمي و عرف نقطت ضعفي يلي هيه انغار عليه
كلهم... صباح الخير
انا... صباح النور
رزان... كنك
انا... مش وقتك
و ركبت
رزان... كنها
فيصل... كالعاده هيه و محمد
ايمان... لاحول الله
و روح محمد
حمدوله علي سلامته و جن خلاته و بناتهن و عيالهن و عيت خالاتي و بناتهن و عيالهن
و محمد عنده بنت خالته اتلصق و انا ماتحبهش من زماان اسمها اسماء
انا نضت ادوشت و جففت شعري و درته ذيل حصان و لبست سروال اسود و قميص اسود عليه كتيبه بالابيض اقصير
و ميك اب خفيف و لبست خلخال و إكسسورات و نزلت
انا لقيت العيله كلها بنات و شباب واخذين مكان بروحهم و الصبايه الكبار برواحهن
انا سلمت علي الصبايه الكبار
و جيت لل بنات و الشباب
انا... السلام عليكم
كلهم... و عليكم السلام
اسماء... وينك من مبدري و نحن هنا
انا... كنت راقده
اسماء... اهاااا باه
انا... روز
رزان... نعم
انا... اسفه علي اسلوبي يلي امبدري بس كنت راقيلي و انتي جيتي في وجي
رزان... ولا ايهمك عليش اسمنا خوات 🥺❤
انا... يا حليلي و احلا اخت 🙈❤
فيصل... انغار
انا... غار بعيد عليا
فيصل... خزي عليك
انا... يااي
فيصل... 😂😂😂
رزان... رتاج رنت عليا
اناا... كنها
رزان... قالتلي وينكن قلتلها محمد دار حادث و مانقدروش انجوك
انا... اهااا باه
معاذ... طيرتي
انا... طيري
معاذ... شن جوك
انا... تمام التمام
معاذ... عندي لك خبر
انا... قول 😊
معاذ... نبي نخطب
انا... اتبصر
معاذ... و ربي
انا قعدت نبكي
معاذ جا حضني
و محمد قعدن يطلعن من عيونه نااار
معاذ... كنك عليش تبكي
انا... انت تو تخطب و تجوز و معش ادورني و تغير عليا
معاذ... مستحيل يا هبله انتي روحي معقوله في واحد ايتغير علي روحهه
انا... لا
معاذ... خلاص
قيصر... نحسابك طلعتي اتحبيه
انا... امشي يا مغولي
كلهم... 😂😂😂
انا... و من هذي يلي تبي تخطبها
معاذ... انتي
انا... اها توا يبي يبدا في الثقل
معاذ... امل بنت خالتي
انا... تي اقسم بالله مانك مجوزها هالعقرب هذي انا نكرها يعني ماتجوزهش
معاذ... انبصر معاك ... وحده معايا في الجامعه
اناا... يلا كل حاجهه عليها بدون نفس او تقاطع
معاذ... موليد 1999 عيت&&& اسمها اميره بنت حلوه و طرف و نعلي منها
انا... امممم باه بكره تعال خوذني نبي نشوفها
معاذ... تم يالحب
انا... مانيش مصدقهه الزح انت تبي تخطب
معاذ... احم احم
انا... 🥺😂😂😂
ايه... لولي
انا... نعم
فيصل... سمعت ان في واحد جا خطبك من جدي
انا... هههه دمك خفيف بطل بصاره ثقيله
فيصل... سمعته امبدري يدوي ل عمي موسى
انا و محمد... مستحيل
فيصل... شفتو كيف اتحبو بعضكم 😂❤
انا... تعال هنا يا ولد الكلب
فيصل... 😂😂😂
انا... شوفي يا رزان
رزان... فيصل خلاص😂😂
انا... تضحكي
رزان... لالا🤭
#يتابع🧚♀️🥀
