نصيبي في حوش عمتي ( روايات ليبية )

حلقة 1🔥

#نصيبي في حوش عمتي
#الحلقة 1(المقدمة)
🔥🔥لـلـكـاتـبـة ســجــو مــحــمــد🔥🔥

ختام: ضروري تجي اليوم وربي متجي نقتلك قولي لي مالك يجيبك
ميلو: تمام توا نقول لي ماما
ختام: تمام سلام توا وسكرت

خلي نعرفكم ببطلتنا :-
امال م1998 تقرا تقنية طبية مواصفاتها عيونها سود وكبار شعرها اسود نهاية ضهرها وجهه مدور فيها غمازات فمها وردي ومنفوخ ❤️
عندها زوز خوات مالك م1994 كرم 2005
امها اسمها عبير وبوها موسي 🔥

🔥🔥لـلـكـاتـبـة ســجــو مــحــمــد 🔥🔥

ميلو: ماما
عبير: نعم
ميلو: توا اتصلت بيا ختام وقالتلي انه مدايرين عزومة ع خاطر عميمة جايبة وهيا خوها راجع وقالو داروها معا بعض وخلاص
عبير: اي كلمتني عمتك وقالتلي بعد العصر بنمشو
ميلو: جدياات تمام ماشية بنجهز روحي 😍
عبير: تعالي جاي ارفعي الغدي واغسلي الاماعين باش نمشو بعدين
ميلو: حاضر ورفعت الغدي ❤️ .....

ع سفرة الغدي 🥂
موسي: اتصلت بيك سعاد
عبير: اي اتصلت بيا توا
موسي: يرفعكم مالك اني عندي شغل مضنيتش نمشي
عبير: تمام هيا غضوا العزومة غير قالتلي باش تعاونينا
مالك: خلاص جهزو رواحكم بعد العصر نلقاكم واتيين
ميلو: يسسس 😍
عبير: كرم انت اقعد غدوا لحق
كرم: تمام
ميلو: هياا اني بنمشي بنوتي روحي ومشت تجري ...... ❤️

خشت ميلو لدارها طلعت لبسة عبارة عن جينز اسود وفيه تمزيقات وبلوزة حنية وفيها خط اسود معا وشاح اسود وسبيدرو حني معا لمسات بسيطة ميك اب 💜 ووتت بدلة وتوتة باش بتمشي تبات عندهم 🍓.....

بعد العصر 💚

عبير: هيا ميلو اطلعي تاخرنا
ميلو: تجبد ف شنطتها .. طالعة وحطت شنطتها ف السيارة وركبت
مالك: حتي امي عليك الشنطة
عبير: امسك مني وركبت في السيارة
مالك ركب الشنطة وركب ف السيارة وطلع

ميلو: تصور سناب ... غدوا ماما بنروحو
عبير: مش عارفة مزال مش معروف
ميلو: تمام وكملت تصور ليين وصلو
مالك: اني توا بنروح غدوا نجي
عبير: تمام دير بالك ع روحك من الطريق
مالك: انشاء الله سلمي ع عمتي
عبير: يوصل ونزلت هيا و ميلو وخشو للحوش 💜

سلمت ميلو ع البنات وطلعت هيا وختام صاحبتها ف الجامعة وفي نفس الوقت بنت سلف عمتها ❤️

ختام: ايي زيي ماقتلك الكلبة جتني في التعليقات وبدت تلقح
ميلو: وانتي شن قلتيلها 😳
ختام: مسحت باكرامتها الارض الحيوانة هزبتها هزبتها هزبتها ودرتلها بلوك وهيا تقرا ومش قادرة ترد 😂🔥
ميلو: عسسل من يومك تهني هيا نخشو نسعدو البنات ف الباكوات والنسكافي وهكي
ختام: به نوضي .... وناضو هما الاتنين معا بعض وخشو

مسرة: شنجوك ميلو
ميلو: تمام اهوا ماشية كساد وخلاص
مسرة: هادا هوا بللهي عليك ختام خشي شوفي يزن شاخ ع روحه وضيهه
ختام: 😳😳 شوفي قليلة الادب تبيني نخش نوضي ولدها وانتي وين ماشية ي ماما ملزومة بيك وبفرخك بري امشي
ميلو: شن فيها ولد اختك
مسرة :شوفي الناس العاقلة مش زييك انتي جالطة توا نوضيه بروحي ولدي
ختام :بللهي اطلعي من راسي مش ناقصاتك ترا 😒
ميلو: خلاص خوخا اهدي خلي نكملو الباكوات الي في يدينا
سرور(بنت عمهم) :شني وين واصلة ميلو ف قرايتك
ميلو: السمستر السابع
سرور :بتوفيق يارب
ميلو: انشاء الله وكملت اتطبق ف الباكوات