#نصيبي في حوش عمتي
#الحلقة 3
💚💚لـلـكـاتـبـة ســجــو مــحــمــد 💚💚
عبير :خالتك قالتلي تبيك لي وليد
ميلو: حولت التلفون ... نعممم 😳😳💔
عبير: ايي زي مسمعتي واني منلقاش خير من ولد اختي
ميلو: ماما شن تقولي بس القرار يرجعلي اني 🥺🥺💔
عبير: في النهاية قرار بوك وانتي العريس الي يجيك ترفضيه خلاص ياسر
ميلو: ماما متقوليش لي بوي بابا بيقبل طول واني منبيشي وليد 😭
عبير: مدخنيش اني نكلم بوك وبوك هوا القرار الاخير
ميلو: ناضت تبكي من جنب امها وخشت لدارها وسكرتها عليها
ميلو: لا مستحيل نتزوجه مستحيل يقبل بابا لالا ياربي 😭😭😭💔
فجاءة تلفونها رن لقاته طه
ميلو: شن بنقوله اسفة ولد خالتي طلنبي وقبلت 😭😭 لا ياربي اني حبيت مرة وحدا في حياتي 💔 يارب ساعدني اني منبيشي وخدت تلفونها وقفلاته 🔥.....
طه: خيرها قفلت تلفونها 😕😕
ميلو: ضلمت عليها الدنيا معاش عارفة شن ادير قعدت كل الي يقابل فيها تكسررر فيه
ميلو: مستتحيل نااخد غيرره مستتحيل 😭😭😭
عبير: افتحي ميلو اافتحي الباب شن اديري
ميلو: خلااص سيبيني ف حالي بررري خليني
عبير :افتحي الله يهديك ي بنتي افتحي
ميلو: من وراء الباب .... بررري خليني برري
عبير: تمام رح نمشي بس هدي ومشت للصالون
موسي: خيركم شن الاصوات هادي
عبير: بنتك من غيرها
موسي: خيرها ميلو
عبير: اختي لما جت قالتلي نبي ميلو لوليد
موسي: ووين نلقو زيي وليد احني راجل بسيارته بحوشه بشغله وما ناقصه شي
عبير: وهادا الي كنت نقوللها فيه قالتلي منبيش
موسي: توا نشوفها اني خليها تهدا شوية ونشوفها عبير: تمام خلي انوض نديرلكك قهوة 🔥....
طه: ختام
ختام: تتفرج ع Tv... نعموش
طه: خيرها ميلو متردش عليا امبكري حاولت عليها متبيش ترد بعدين قفلت تلفونها
ختام: بالك انت معاش بطلت اتصالات تقولك خلي نقفل تلفوني من النفخ هادا 😏😏
طه: مش وقت خفة دمك توا شوفي البنت بالك صارلها شي
ختام: بهه حاضر تو نشوفها 💚...
طه: توااااا اتصلي بامها او ايي حد يقربلها
ختام: حااضر 😒 واتصلت با عبير
عبير: اهلين حبيبتي شن اخبارك
ختام: الحمد لله عميمة بنسالك
عبير: نعم
ختام: نتصل بميلو متردش عليا وبعدين عطاني مقفل
عبير :اء شن بنقولك
ختام: صار لي ميلو شي 😳🥺
طه: لالالااالا 😡🔥
عبير: اليوم لما جتني اختي قالتلي انها تبي ميلو بوليد ولدها
ختام: ااااه 😳😳😳💔
عبير :وقلت لي ميلو بس ميلو مرضتش وخشت لدارها ومسكرة ع روحها امبكري 💔
ختام: تمام اني رح نجيها توا
عبير: اديري خير واللهي سلامتك توا وسكرت
طه: شن صاير
ختام: طه ارفعني لي ميلو 💔🥺
طه: شن صاير احكيلي متجنينيش 😡
ختام: طه متخافش اني رح نمشي لميلو ونقوللها تكلمك
طه: باهي فهميني خيرها
ختام: طه واللهي مافيها حاجة حتي اني مفهمتش هلبا نروح ونحكيلك توا ارفعني بللهي عليك
طه: به اطلعي هي
ختام: خدت عبايتها ع السريع وطلعت هيا وطه
أنت تقرأ
نصيبي في حوش عمتي ( روايات ليبية )
Romanceعندما يكون النصيب في مكان لستي محبوبة فيه ؟ فهل ترضي ام لا ؟ رواية من داخل المجتمع الليبي ❤️ تلخص الكاتبة القصة في 4 حلقات 🔥
