تعريف الشخصيات
ايمان 19 سنة زوينة عيناها الزرقاء (لكن حاطة عدسات بالعسلي)وجه ديالها بيض ضريفة كتدخل القلب دغيا مطويلاش بزاف شعرها طويل ولون ديالو كدير زيف وكتبكي دغيا
ليان صاحبة ايمان ضريفة حتاهي 19 سنة تايشين فدار وحدة قد قد فطول نفص مواصلات ايما...
ماما: تقريبا غادي يوصلو مع 17:00 انا: اوك ماما: فكرتيني الله يفكرك بشهادة متكلمت معاهم من الفجر نمشي نهدر معاهم فين وصلو
مشات ماما و خرجت لبرا كنضور على الفيلا حتا وصلت لعند واحد البحيرة كبيرة وحداها كانت مجموعة من ورود وطيور اشكال وانواع عجبني شكل ديالها وحداها زعلولة ههه مزينة بالورد ابيض و وردي جلست وبقيت نتزعلل فيها ههه وكنغني اغنية شيمي لي اسمها وحدة وحدة عزيزة عليا بزاف
وحدة وحدة لا تصدمني مرة وحدة يالجمال فوق حده نضرتك على روح شده والهوا لووحبيبيياجبل يكدر يرده الله الله ذوبتني شلون طله خبل ومحروص بالله ضحكتك تاليها بالله حسيت بشي واحد ورايا درت لقيتو علي كيشوف فيا علي: صوتك زوين :) انا: هه شكرا علي : عجباتك ( اشار على البحيرة) انا: زوينة بزاف علي : يلاه دخلي لداخل راه البرد انا: اوك شوية ونجي
كنت راجع من الخدمة دخلت سيارة لبلاصتها نزلت سمعت صوت شي واحد كيغني تبعت صوت حتا وصلت لبلاصة لي فيها واحد الملاك زوين كيغني بصوت عذب محسيتش حتا مشيت وقفت حداها عاقت بيا وهيا تسكت قلت ليها تدخل لفيلا حيت البرد خليتها ومشيت طلعت لغرفة ديالي وصوتها يتعاود فراسي دخلت لحمام دوشت وخرجت لبست حوايجي قلبت فتليفون بملل مكاين حتى حاجة ونعست
فاش دخل علي بقيت شوية فبرا جات لخدامة قالت ليا بلي ماما كتعيط ليا دخلت انا: hello my mother ( اهلا ماما) ماما: اجي كلسي معايا شوية انا : ولك من عيوني كم من ماما حبيبتي عندي ماما: ههه كلسي كلسي انا: هانا كلست ماما: اجي نقولك خالك وعمتك عندهم 3 ولاد انا: يصحاب لي غير واحد ههه ماما: نننن 3 علي لي عندو 25 سنة و ياسمين قدك 20 سنة واحمد 19 سنة انا : اوووه كبحالنا ... عندمهم بنت قدي وااخيرا غادي نلقا بنت قدي فالعائلة محاوطين بيا غير دراري هههه ماما: ضريفين والله غادي تولفيهم انا: ماما توحشت المغرب ماما: يلاه جيتي منو ههه حتا انا توحشتو فالعطلة غادي نزلو ليه انا : بصح يييس مممممموااح هههه ماما : ههههههه الله ابنتي انا : ههه هاني طالعة ملي يوجد الغدا قوليها ليا ماما : اوك ابنتي طلعت لبيتي وتنقلب شنو نلبس ملي يوصلو لبست لاولى معجباتنيش 2 كذالك 3 و 4 و 5 .... واخيرا لقيتها كانت عبارة عن
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
حطيتها على جنب و هزيت تليفون تنقلب فتصاور لي عندي تنقلب وكل صورة كنشوفها وتنبكي حتا توقفت عند وحدة فيها انا وخويا انس وختي اسراء مجموعين فلكوزينة وعامرين بدقيق وشكلاط ههه فلاش باك
انس: ايمان سربي عطيني باش نحيد طاوة راه يدي تحرقاات انا : هههههه واش كاين لي يهز طاولة سخونة مزيان اسراء : هههه شوفو هنا شوفو قولو تشيييز درنا كاملي وبقينا نتصورو نسينا طاوة لي كاينة فالفران حتى شمينا ريحة الحريق ....
كانت ذكرة زوينة فقت على صوت الخدامة لي قالت ليا بلي الغدا واجد نازلت لقيتهم مجموعين فصالون مشيت كنجري عنقت بابا انا : my dad i love youu (احبك ابي ) بابا: i love you to (وانا ايضا احبكي ) رضى : حم حم وحنا منستاهلوش شي تعنيقة انا : ننن حتا تجي سوسن وتعنقك هههه رضى : حم انا : فديت الي يخجل رضى: ههه انا: بقيتي فيا. عنقتو ودرت عند ماما انا : ماما فينو محمد محمد : حم حم ناس كيسولو فيا انا : اممم ياعيني ... زيد جلس حدايا جلس حددايا وبقينا نتكلمو ونضحكو الخدامة : لالة الغدا واجد مشينا la salle a manger كل واحد فبلاصتو بابا هو الاول من جهة اليسار كاينة ماما وانا والجهة اليمنى كاين رضى وعلي و محمد تغدينا فصمت كيتسمع غير صوت المعالق انا : الحمدلله ماما : تغداي ابنتي بابا: راكي مكليتي والو واش معجبكش الغدا نقول ليهم يجيبو لك غدا اخر انا : لا لا الحمدلله شبعت بالعكس عاجبني الغد.. مخلانيش تليفون نكمل هدرتي لقيت ... انا : هئ هئ لا لا لا ميمكنش اه كان رقم ديال صاحبتي ياسمين لي عرفتها انا وليان كنا حنا ب 3 صحابات من الاعدادي ولاكن ضروف اجهلها خلات ياسمين تمشي ومبقاتش تتكلم معانا تقطعات علاقتنا بيها مبقيناش نتواصلو معاها وحتى هيا مبقاتش تواصل معانا واليوم تصدمة ملي لقيت نمرة ديالها واخا مسحتها ولاكن حافضاها عن ضهر القلب ...
كنا نتغداو فصمت حتا نطقات ايمان بلي شبعات بقا تيهدرو معاها عمتي وخالي حتا صونا ليها تليفون وتبدلات 180 درجة كبحال الا هزيتيها وحطيتي بلاصتها ايمان تانية بقات مصدومة ودموع كينزلو من عينيها اااه شحال مكنحملش نشوفها كتبكي و كتمتم ب بعض الكلمات ...
بقيت كنشوف فرقم واش نجاوب ولا لا واخيرا بعد صراع طويل قررت نجاوب انا : ..... / : ..... انا : اا... الو /: (صوت شهقات ) انا : ش ..شكون معايا /: هئ ايماان توحشتك اصحبتي انا: (بحدة ) قلت شكون معايا /: ياسمين هى معاك ياسمين ا ايمان صاحبتك وصاحبت ليان انا : (بسخرية ممزوجة ببعض من الحزن ) : يلاه تفكرتي بلي عندك صحاباتك سميتهم ايمان وليان ياسمين : والله اختي الى ضروف لي عملت لي هاكدا انا : صافي قطعي مشي وقت الهدرة هادي باي ياسمين : ايما.. قطعت عليها قبل متكمل سميتي وطفيت تليفون طلعت راسي لقيتهم كيشوفو فيا وفوق راسهم علامة استفهام ؟؟؟؟ انا : what is there. ( ماذا هناك؟؟؟ ) كامل واحد وشنو قال : مالكي ... شنو وقع ليك ... علاش كتبكي .... الا واحد لي متكلم موالو لي هو علي انا: ننن مكاين والو غير تهناو حركو راسهم ب (نعم) زمشيت طلعت لغرفة ديالي دخلت لحمام دوشت خرجت لبست تيشورت وشورت طلقت شعري خليتو نشف على راحتو عيطت لخدامة سولتها واش كاين شي واحد لتحت قالت لي بلي مكاين. حتى واحد رجع لغرفة ديال درت كيت بلوتوث وكنسمع لموسيقى حتا جاني العطش نزلت لتحت وانا عقلي مكاينش حيت ملي كنشد تليفون كنولي منعزلة عن العالم الخارجي . وصلت لصالون وانا مدايا ماجايبا دخلت لكوزينة لقيت عصير بارد هزيتو وتميت خارجة بعاداش حسيت بلي شي واحد كاين طلعت عيني لقيتهم كيشوفو فيا محسيتش حتا طاح الكاس وتهرس طلعت كنجري لبيتي وسديت عليا الباب
